5/17/2022
Today from Hiiraan Online:  _
Wararka Maanta- Axad, Sept 27, 2015
Afar Fanaan oo ka mid ah Fannaaniinta Kooxda Xiddigaha Geeska oo Xabsiga loo Taxaabay


Axad, September 27, 2015 (HOL) — Xukuumadda Somaliland ayaa xabsiga u taxaabtay Afar ka mid ah Fannaaniinta kooxda Xidigaha Geeska oo Maalmihii Ciidul-Adxa Bandhig-faneed ku soo bandhigay magaaladda Muqdisho ee Somalia.

Fanaaniint ayaa maanta markii ay kasoo degeen garoonka Cigaal international ee Hargeysa Ciidamada Amnigu Xabsiga u Taxaabeen kaddib markii ay kasoo laabteen Muqdisho.

Guddoomiyaha Kooxda Xidigaha Geeska, Xasan Saleebaan Dhuxul [Laab-saalax] ayaa u Xaqiijiyay Saxaafadda xariga fannaaniintan, kuwaas oo kala ah Xamda-Queen, Maxamed- Cirro, Nimcaan-Hillaac iyo Cabdiraxmaan-Oday.

Guddoomiyaha Fanaaniinta Xidiga geeska Xasan Saleebaan Dhuxul laab-saalax, ayaa wax laga xumaado ku tilmaamay xadhiga fanaaniinta kooxdaasi xabsiga.

Laab-saalax ayaa xusay in fannaaniintu aanay Xuduud lahayn, isla markaana meel kasta oo Afka Soomaaliga looga hadlo ay tagi karaan iyagoo Taageerayaashooda Gaarsiin doonaan Fankoodda.

“Afar xubnood oo kooxda kamid ahaa fanaaniinta Xidigaha geeska ayaa maanta la xidhay, illaa hadda xukuumadu ma xaqijin sababa loo xiray, balse waxay daba-socdataa xarigoodu tagitaankii ay tageen Muqdisho, balse fanaaniintu waxay ka mid yihiin ururada Bulshadda, Dhakhaatiirta, Wariyeyaasha iyo Ganacstadda oo midkoodna xuduud ma leh, meel kastoo Somali joogta way tagi karaan, Fannaaniintu siyaasiyiin maaha”ayuu yidhi Guddoomiyaha Xiddigaha Geeska Xasan Laab-saalax.

Si kasta ha ahaatee, xukuumaddu ilaa hadda kama hadal sababta loo xidhay Fannaaniinta, isla markaana dadka shacaba ah dambi may ahayn inay tagaan Somalia, marka laga reebo siyaasiyiinta xilal ka qabta Soomaaliya oo dastuurku sheegayo in la xidho haddii uu dalka ku soo laabta haddii aanu cafis waydiisan xukuumadda.

Barkhad-Ladiif M. Cumar, Hiiraan Online
[email protected]
Hargeysa, Somaliland













Click here
9/27/2015 4:20 PM EST
Axad, September 27, 2015 (HOL) — Ciidamada AMISOM ee ku Sugan Garoonka kubada Cagta ee Muqdisho Stadium ayaa gellinkii dambe ee maanta oo Axad ah toogasho ku dilay wiil dhallinyaro ah oo Kubad Ciyaarayay.

9/27/2015 3:30 PM EST
Axad, September 27, 2015 (HOL) — Wasiirka Beeraha iyo Waraabka Maamulka KMG ah ee Koonfur-galbeed, Maxamed Xassan Fiqi oo ay wehliyeen Duqa Baydhabo, Cabdullaahi Mad-Watiin ayaa maanta booqday Beeraha Degmada xilli beeraleydu howlahooda caadiga ah ku jiray.

9/27/2015 12:55 PM EST
Axad, September 27, 2015 (HOL) — Taliska Qaybta Afaraad ee Hawl-galka Ciidamada Midowga Afrika AMISOM ee gobollada dhexe ayaa sheegay in wixii xiligan ka dambeeya ay Degmada Buula-burte ka baxday go’doonkii ay mudada dheer ku jirtay.

9/27/2015 12:13 PM EST
Axad, September 27, 2015 (HOL) — Ra’iisul Wasaaraha Xukuumadda Somalia, Cumar C/rashiid Cali Sharmaarke oo Maanta Shir jaraa’id ku Qabtay Xafiiskiisa Muqdisho ayaa baaq nabadeed lagu joojinayo colaadaha ka jira deegaanada Qorilay, Magaclay iyo Dhulka Hawdka ah oo ka kala tirsan Gobollada Mudug iyo Sool.

9/27/2015 11:33 AM EST
Axad, September 27, 2015 (HOL) — Golaha Xisbiyada Soomaaliyeed ee Somalia ka jira oo ah Gole ay ku Midoobeen inta badan Xisbiyada Siyaasadeed eedalka ayaa kulan Maanta ay ku yeesheen Muqdisho waxay kaga hadleen Arrimo ay ka mid yihiin; xaaladda uu dalku marayo, Madasha Wada-tashiga Qaranka ee Somalia, Mooshinka ka yaalla Madaxweynaha iyo Aragtida Xisbiyadaan ee Hiirgsiga Sannadka 2016-ka.

9/27/2015 9:29 AM EST
Axad, September 27, 2015 (HOL) — Hay’ada Humanitarian African Relief Organization (HARO) oo inta badan ku howlan Taageeridda Dadka Tabaaleysan, ayaa Waxay soo Gaba-gabeysay barnaamij hilbo-qaybin ah ee ciidul-Adxa ee Sannadka 1436 H/2015 M, waxayna Barnaamijkaas ka fulisay Magaalada Baydhabo.

9/27/2015 8:28 AM EST
Axad, September 27, 2015 (HOL) — Guddoomiyaha Golaha Wakiilada S/Land C/raxmaan Maxamed C/llaahi Cirro & ku xigeenkiisa koowaad Baashe Maxamed Faarax ayaa sheegay inay ka heshiiyeen gacan-ka-hadalkii horay u dhexmaray, isla markaana mudanayaasha iyo shacabka ka raalli-geliyay falkaas.

9/27/2015 8:19 AM EST
Axad, September 27, 2015 (HOL) — Wafdi uu hogaminayo Madaxweynaha Somaliland Axmed Maxamed Siilaanyo ayaa maanta ka Ambabaxay Madaarka Cigaal International ee Magaalada Hargeysa, isagoo sheegay inuu Safar shaqo ku tagayo Ireland, isla markaana ku sii hakan doonno magaaladda Dubai ee isku tagga imaaraadka Carabta.

9/27/2015 8:04 AM EST
Axad, September 27, 2015 (HOL) — Xafiiska Madaxweynaha Faransiiska ayaa warbixin laga soo saaray lagu sheegay in Faransiisku ay Fuliyeen Duqeymo ka dhan ah kooxda ISIS ee ka dagaalanta Waddamada Ciraaq iyo Suuriya, kaddib macluumaad ay sirdoonka France Muddo laba toddobaad ah soo Ururinayeen.

9/27/2015 7:37 AM EST
Axad, September 27, 2015 (HOL) — Qarax bam oo ay ku dhinteen ugu yaraan Afar Qof, ayna ku Dhaawacmeen Tiro kale ayaa ka dhacay Sabtidii Shalay Maqaayad laga Cunteeyo oo ku taalla Magaalada Kismaayo ee Gobolka Jubbada Hoose, sida ay maanta Saraakiil ka tirsan Booliiska Maamulka Jubbaland.

9/27/2015 4:01 AM EST
Axad, September 27, 2015 (HOL) — Ugu yaraan 10-qof aya lagu dilay 38-qof oo kalena waa lagu dhaawacay kaddib dagaallo oo Sabtidii shalay ku Dhex-maray Dalka Bartamaha Afrika dhalliyaro Muslimiin iyo Masiixiyiin ah.

9/27/2015 3:27 AM EST
Axad, September 27, 2015 (HOL) — Wasiirka Arimaha Dibadda DF Soomaaliya C/salaan Hadliye Cumar ayaa sheegay in Shir-weynaha Sannadkan ee Qaramada Midoobey ay ka Rajeynayaan Natiijo Wanaagsan.