Hiiraan Online
4/29/2024
Today from Hiiraan Online:
Home
Somali Map
Sports
Opinion
RSS
Somali Music
Contact Us
Facebook
Twitter
Google Plus
Wararka Maanta- Isniin, Jun 15, 2015
Guddiga Gurmadka Qaxootiga Soomaaliyeed oo Lacag Gaarsiiyay Qaxootiga ku Sugan Boosaaso
Isniin, Juun 15, 2015 (HOL) — Munaasabad lagu wareejinayey deeqdaan lacageed oo lagu qabtay xafiiska guud ee mu’asasada al-Minhaaj ayaa ugu horayntii waxaa ka hadlay Sheekh Maxamed Macalin Axmed oo kamid ah culimada Soomaaliyeed , wuxuuna tilmaamay in Guddiga Gadbaadinta Qaxootiga Soomaaliyeed ay soo gaar siiyeen lacag dhan $50,000 ( konton kun oo doolar) , oo ay ugu talagaleen in lagu gargaaro qaxootiga yemen kasoo qaxaya ee tabaalaysan ayna ku wareejinayaan gudiga u xilsaaran gurmadka qaxootiga yemen ee Puntland.
Sheekh Maxamed Macalin ayaan uga mahad celiyey Gudiga Gurmadka Qaxootiga Soomaaliyeed ee ay hormuudka u yihiin Culimada Sheekh Nuur Baaruud iyo Sheekh Bashiir Axmed Salaad, deeqdaan lacageed oo ay soo gaarsiiyeen guddiga taakulaynta qaxootiga Yemen iyo culimada Puntland , wuxuuna tilmaamay in deeqadani ay tilmaan wayn u tahay midowga ,isku danqashada iyo walaaltinimada umada Soomaaliyeed loona baahan yahay in lasii laba jibbaaro .
Sheekha oo hadalkiisa sii wata ayaa waxa uu ugu baaqay Dowlada Federalka ah in ay kaalin teeda ka qaadato u gar gaaridda qaxootiga taabaalaysan ee kasoo qulqulaya dalka yemen iyaguna mas’uul ka yihiin lagana sugayo masuuliyaddoodii in ay ka soo baxaan.
Sidoo kale waxaa goobta ka hadlay Gudoomiyaha Mu’asasada al-Minhaaj Maxamed Cabdullaahi Cabdalle oo ugu horayntii uga mahad celiyey Gudiga Gurmadka Qaxootiga Soomaaliyeed lacagtan ay soo gaarsiiyeen culimada iyo gudiga gurmadka , isagoo aad ugu bogaadiyey juhdiga ay bixinayaan ee ku aadan u gurmashada qaxootiga Yemen ka soo qaxaya.
Gudoomiyaha oo hadalkiisa sii wata ayaa balan qaaday in dadaalka u gurmadka dadka qaxootiga ah ay sii wadayaan mar walbana u heelan yihiin garab istaagga dadka tabaalaysan.
In taas kadib waxa la gudo galay wareejintii lacagta waxaana lacagta oo dhamayd $50,000 oo kaash ah lagu wareejiyey Gudoomiyaha Guddiga Gurmadka Qaxootiga Yemen ee Puntland , Sheikh Axmed Yuusuf Daad.
Gaba gabadii munaasabada ayaa waxaa soo xiray Gudoomiyaha Gudiga Gurmadka Qaxootiga Yemen ee Puntland Sheikh Axmed Yuusuf Daad wuxuuna uga mahad celiyey guddiga bad baadinta qaxootiga soomaaliyeed deeqdaan ay soo gaarsiiyeen.
Guddoomiyaha ayaa tilmaamay ilaa hada in ay soo gaareen dekeda Boosaaso dad ku dhow 16000 oo qof, xeradana hada ay ku jiraan dad gaaraya 2000 oo qof , lacagtaana ay rari karto 600 oo qof . Sheikh Axmed ayaa uduceeyey dhamaan dadka soomaaliyeed ee wax ku
bixiyey u gargaarida walaalohooda soomaaliyeed , tilmaamayna wali in ay arintu tahay "Faanoole fari kama qodna"
Xigasho:
Xafiiska Warbaahinta al-Minhaaj
Baahin:
Hiiraan Online