3/29/2024
Today from Hiiraan Online:  _
Wararka Maanta- Arbaco, Oct 8 , 2014
Ururka IGAD oo dalbaday in dib loo dhigo dhageysiga dacwada Uhuru Kenyatta


Arbaco, Oktoobar 08, 2014 (HOL) — Urur goboleedka Bariga Afrika ee IGAD ayaa wey-diistay maxkamadda dambiyada caalamiga ah ee ICC inay dib u dhigto maxkamadeynta madaxweynaha Kenya, Uhuru Kenyatta.

Xoghayaha guud ee IGAD, Maxbuub Macallin oo hadal ka jeediyay dhageysiga dacwadda loo haysto madaxweynaha dalka Kenya oo maanta ka furantay xarunta maxkamadda ee The Hague ayaa ugu baaqay maxkamadda inay dib u dhigto maxkamadeynta Kenyatta illaa dhammaadka inta uu xilka hayo.

“Waxaan dhexda uga jirnaa dagaal xasaasi ah oo aan doonayno inaan uga adkaanno Al-shabaab iyo kooxaha kale ee argagaxisada ah, ammaanna ku soo celinno gobolka, innagoo ka hor-tageyna in cudurka xag-jirnimada uu ku faafo gobolka. Sidaas darteed, maxkamaddu waa inay aqbashaa codsigeena oo ay dib u dhigtaa dhageysiga dacwadda Uhuru, iyadoo dagaalka calaamiga ah ee aan ku jirno tixgelinaysa,” ayuu yiri danjire Macallin.

Sidoo kale, danjiraha ayaa sheegay in dadaal weyn uu gobolka oo dhan ugu jiro sidii uu nabad iyo amni looga dhigi lahaa dalalka Bariga Afrika iyo guud ahaan Afrika.

Danjiraha ayaa ku ammaanay madaxweyne Kenyatta sida uu u xushmeeyay sharciga iyo kala dambeynta, una aqbalay inuu yimaado maxkamadda ICC si uu u dhageysto doodda dacwadda loo haysto.

Madaxweynaha Kenya, Uhuru Kenyatta iyo ku xigeenkiisa William Ruto ayaa loo haystaa dambiyo ka dhan ah bani’aadamnimada oo Kenya ka dhacay intii u dhexeysa 2007 iyo 2008, markaasoo lagu murmay doorashadii madaxnimo ee dalkaas ka dhacday.

Kenyatta ayaa noqonaya madaxweynihii ug horreeyay caalamka oo hor-taga maxkamadda dambiyada caalamiga ah, si u uu dhageysto dacwooyin dhanka aadanaha ah oo loo haysto, isagoo xilkii si KMG-nimo ah ugu wareejiyay ku xigeenkiisa William Ruto.

Maxkamadda dambiyada caalamiga ah ee ICC weli wax jawaab ah kama bixin codsiga xoghayaha guud ee IGAD ee ku saabsan dib u dhigidda dhageysiga dacwadaha loo haysto Uhuru Kenyatta illaa dhammaadka inta uu xilka hayo.

Maxamed X. Xuseen, Hiiraan Online
[email protected]
Muqdisho, Soomaaliya













Click here
10/8/2014 1:07 PM EST
Arbaco, Oktoobar 08, 2014 (HOL) — Ugu yaraan saddex xaaji oo Somali ah ayaa siyaabo ala duwan ugu dhintay intii lagu jiray gudashasa Xajka ee sannadkan, iyadoo Sucuudigu ay sheegtay in khasaaraha ka dhalan jiray xajka uu aad uga yar yahay sannadihii hore.

10/8/2014 12:08 PM EST
Arbaco, Oktoobar 08, 2014 (HOL) :- Madaxweeynaha maamulka Jubba Axmed Max’ed Islaam (Axmed Madoobe) ayaa maanta tababar usoo xiray askar gaareeysa ilaa 450 askari, kuwaasoo mudooyinkii ugu danbeeyay uu tababar ciidan uga socday deegaanka Qandal oo qiyaastii 20 km dhanka Koonfur galbeed kaga began magaalada Kismaayo.

10/8/2014 11:52 AM EST
Arbaco, Oktoobar 08, 2014 (HOL) — War-murtiyeed ay kasoo saareen shir ay guddoonka guud ee dalladda ururrada Puntland (DUPF) ee Finland ku yeesheen Sabtidii lasoo dhaafay xaruntooda Korppaanmäentie oo ku taalla Helsinki ayay ku dhaliileen habkii ay u qornayd wareegto xafiiska madaxweynaha Puntland kasoo baxday, taasoo lagu magacaabay wakiilka Puntland ee Finland.

10/8/2014 10:42 AM EST
Arbaco, Oktoobar 08, 2014 (HOL) — Madaxweynaha dalka Kenya, Uhuru Kenyatta ayaa noqonaya madaxweynihii ugu horreeyay oo hortaga maxkamadda ICC si uu u dhagysato dacwadaha dambiyo dhinaca bani’aadamnimada ah oo loo haysto.

10/8/2014 8:13 AM EST
Arbaco, Oktoobar 08, 2014 (HOL) —Madaxweynaha Puntland ayaa 12 agaasime usoo magacaabay 12 kamid ah wasaaradaha uu Maamulka Puntland ka kooban yahay.

10/8/2014 8:04 AM EST
Arbaco, Oktoobar 08, 2014 (HOL) — Guddoomiyaha golaha wakiilada ahna gudoomiyaha xisbiga mucaaradka ah ee WADANI Md:C/raxmaan Maxamed C/laahi Cirro ayaa sharci daro ku tilmaamay sababta madaxweynuhu dib ugu soo celiyey xubintii xisbigooddu soo xuley ee ka mid noqonaysay guddida doorashooyinka Qaranka.

10/8/2014 7:32 AM EST
Arbaco, Oktoobar 08, 2014 (HOL) — Madaxweynaha Somaliland, Axmed Maxamed Siilaanyo, ayaa maanta xafiiskiisa ku qaabilay Ergeyga Midawga Yurub u qaabilsan Soomaaliya Ambassador Michele Cervone d'Urso oo uu wehelinaayey Ambassador Ingiiriiska u qaabilsan Soomaaliya Mr. Neil Wigan.

10/8/2014 7:27 AM EST
Arbaco, Oktoobar 08, 2014 (HOL) — Axaddii lasoo dhaafay ayay ciidamada dowladda iyo kuwa AMISOM la wareegeen degmada Baraawe ee gobolka Shabeellada Hoose, halkaasoo saldhig weyn u ahayd Al-shabaab.

10/8/2014 5:51 AM EST
Arbaco, Oktoobar 08, 2014 (HOL) — Wafdi heer sare ah kana socday safaarada Ingiriiska ee Soomaaliya oo soo gaaray Garowe ayaa la shiray madaxweynaha Puntland Cabdi wali Maxamed Cali Gaas,iyadoo labada dhinac ay ka wada hadleen arimo muhiim ah sida lagu sheegay war ka soo baxay madaxtooyada.

10/8/2014 3:17 AM EST
Arbaco, Oktoobar 08, 2014 (HOL) — Iyadoo xukuumadda Somalia ay horay u sheegtay in la yareynayo safaaradaha ay Somalia ku leedahay dalalka dibadda qaarkood, ayuu wasiirka arrimaha dibadda Somalia, Cabdiraxmaaan Ducaale Bayle uu maanta ka dhawaajiyay in la xiray safaarado dhowr ah oo ay ku lahayd Somalia dalalka caalamka qaarkood.

10/8/2014 3:01 AM EST
Arbaco, Oktoobar 08, 2014 (HOL) — Ra’iisul waasaraha Somalia, C/weli Sheekh Axmed ayaa ugu baaqay dalalka dariska la ah Somalia inay amniga dalalkooda xoojiyaan, isagoo sheegay inay ka digtoonaadaan in Al-shabaab ay gudaha dhibaato ka geysato.

10/8/2014 2:32 AM EST
Arbaco, Oktoobar 08, 2014 (HOL) :- Hay’adda Somali relief Network of North America ayaa magaalada Kismaayo hilbo ugu qeeybisay dad gaaraya ilaa 750 qof oo curyaamiin ah, kuwaasoo ay aad u adkeyd xaaladooda dhinaca nolosha.