7/30/2021
Today from Hiiraan Online:  _
Wararka Maanta- Arbaco, Oct 8 , 2014
Boqollaal Askari oo Tababbar Loogu soo Xiray Dulleedka Kismaayo (SAWIRRO)



Arbaco, Oktoobar 08, 2014 (HOL) :- Iyadoo ay xiisado dagaal ka jiraan deegaano dhinaca waqooyi ee gobolka Jubbada Hoose ku yaalla ayuu madaxweynaha maamulka Jubba Sh. Axmed Maxamed Islaam (Axmed Madoobe) maanta tababar usoo xiray askar gaareeysa ilaa 450 askari, kuwaasoo mudooyinkii ugu danbeeyay uu tababar ciidan uga socday deegaanka Qandal oo qiyaastii 20 km dhanka Koonfur galbeed kaga began magaalada Kismaayo.

Wasiirka arimaha gudaha iyo amniga maamulka Jubba Mudane Max’ed Warsame Faarax Darwiish oo ugu horeyn goobta ka hadlay ayaa sheegay in ciidamadani uu mudo bilooyin ah tababar la xiriira askarinimada uu uga socday duleedka Kismaayo, isagoo xusay in tababarkii uu usoo dhamaaday islamarkaana ay yihiin ciidamo u diyaar ah in ay howlgalaan.

Madaxweeynaha maamulka Jubba Axmed Max’ed Islaam (Axmed Madoobe) ayaa ciidamadii tababarka loo soo xiray ugu hambalyeeyay tababarka usoo dhamaaday iyo weliba dadaalka ay bixiyeen, isagoo kula dardaarmay in dadka iyo dalka ay ugu shaqeeyaan si daacad ah.

Ciidamadan ayuu madaxweeynuhu sheegay in ay qeyb ka noqon doonaan howlgallada ka dhanka ah Al-shabaab ee ka biloowday gobollada Jubooyinka.

Dhinaca kale, ciidamada maamulka Jubba iyo kuwa AMISOM ayaa dhaqdhaqaaqyo ka wada deegaanada hoostaga degmada Jamaame ee gobolka J/hoose, iyadoo ciidamadu ay shalay si buuxda gacanta ugu dhigeen deegaanka Buulogaduud oo qiyaastii 30km dhanka waqooyi kaga beegan magaalada Kismaayo.

Ciidamadan oo aad u qalabeeysan islamarkaana ay barbar socdaan ciidamada AMISOM ayaa qorsheeynaya in xoogagga Al-shabaab ay kala wareegaan deegaanada iyo degmooyinka ay kaga suganyihiin gobolka J/hoose, waxaana dadka degan deegaanada hoostaga degmada Jamaame ee gobolka J/hoose ay bilaabeen in ay isaga barakacaan goobahaasi iyagoo ka cabsi qaba in ay waxyeelo kasoo gaarto hadii deegaanadooda lagu dagaalamo.

Saraakiisha horkaceeysa howlgallada ka socday deegaanada waqooyi ee gobolka J/hoose ayaa sheegay in howlgalladan ay socon doonaan inta ay ka xaqiijinayaan gacanta ku heynta deegaanada ay Al-shabaab ka arimiyaan ee Jubooyinka.

Xasan Nuur, Hiiraan Online
[email protected]
Kismaayo-Soomaaliya











Click here
10/8/2014 1:07 PM EST
Arbaco, Oktoobar 08, 2014 (HOL) — Ugu yaraan saddex xaaji oo Somali ah ayaa siyaabo ala duwan ugu dhintay intii lagu jiray gudashasa Xajka ee sannadkan, iyadoo Sucuudigu ay sheegtay in khasaaraha ka dhalan jiray xajka uu aad uga yar yahay sannadihii hore.

10/8/2014 12:16 PM EST
Arbaco, Oktoobar 08, 2014 (HOL) — Urur goboleedka Bariga Afrika ee IGAD ayaa wey-diistay maxkamadda dambiyada caalamiga ah ee ICC inay dib u dhigto maxkamadeynta madaxweynaha Kenya, Uhuru Kenyatta.

10/8/2014 11:52 AM EST
Arbaco, Oktoobar 08, 2014 (HOL) — War-murtiyeed ay kasoo saareen shir ay guddoonka guud ee dalladda ururrada Puntland (DUPF) ee Finland ku yeesheen Sabtidii lasoo dhaafay xaruntooda Korppaanmäentie oo ku taalla Helsinki ayay ku dhaliileen habkii ay u qornayd wareegto xafiiska madaxweynaha Puntland kasoo baxday, taasoo lagu magacaabay wakiilka Puntland ee Finland.

10/8/2014 10:42 AM EST
Arbaco, Oktoobar 08, 2014 (HOL) — Madaxweynaha dalka Kenya, Uhuru Kenyatta ayaa noqonaya madaxweynihii ugu horreeyay oo hortaga maxkamadda ICC si uu u dhagysato dacwadaha dambiyo dhinaca bani’aadamnimada ah oo loo haysto.

10/8/2014 8:13 AM EST
Arbaco, Oktoobar 08, 2014 (HOL) —Madaxweynaha Puntland ayaa 12 agaasime usoo magacaabay 12 kamid ah wasaaradaha uu Maamulka Puntland ka kooban yahay.

10/8/2014 8:04 AM EST
Arbaco, Oktoobar 08, 2014 (HOL) — Guddoomiyaha golaha wakiilada ahna gudoomiyaha xisbiga mucaaradka ah ee WADANI Md:C/raxmaan Maxamed C/laahi Cirro ayaa sharci daro ku tilmaamay sababta madaxweynuhu dib ugu soo celiyey xubintii xisbigooddu soo xuley ee ka mid noqonaysay guddida doorashooyinka Qaranka.

10/8/2014 7:32 AM EST
Arbaco, Oktoobar 08, 2014 (HOL) — Madaxweynaha Somaliland, Axmed Maxamed Siilaanyo, ayaa maanta xafiiskiisa ku qaabilay Ergeyga Midawga Yurub u qaabilsan Soomaaliya Ambassador Michele Cervone d'Urso oo uu wehelinaayey Ambassador Ingiiriiska u qaabilsan Soomaaliya Mr. Neil Wigan.

10/8/2014 7:27 AM EST
Arbaco, Oktoobar 08, 2014 (HOL) — Axaddii lasoo dhaafay ayay ciidamada dowladda iyo kuwa AMISOM la wareegeen degmada Baraawe ee gobolka Shabeellada Hoose, halkaasoo saldhig weyn u ahayd Al-shabaab.

10/8/2014 5:51 AM EST
Arbaco, Oktoobar 08, 2014 (HOL) — Wafdi heer sare ah kana socday safaarada Ingiriiska ee Soomaaliya oo soo gaaray Garowe ayaa la shiray madaxweynaha Puntland Cabdi wali Maxamed Cali Gaas,iyadoo labada dhinac ay ka wada hadleen arimo muhiim ah sida lagu sheegay war ka soo baxay madaxtooyada.

10/8/2014 3:17 AM EST
Arbaco, Oktoobar 08, 2014 (HOL) — Iyadoo xukuumadda Somalia ay horay u sheegtay in la yareynayo safaaradaha ay Somalia ku leedahay dalalka dibadda qaarkood, ayuu wasiirka arrimaha dibadda Somalia, Cabdiraxmaaan Ducaale Bayle uu maanta ka dhawaajiyay in la xiray safaarado dhowr ah oo ay ku lahayd Somalia dalalka caalamka qaarkood.

10/8/2014 3:01 AM EST
Arbaco, Oktoobar 08, 2014 (HOL) — Ra’iisul waasaraha Somalia, C/weli Sheekh Axmed ayaa ugu baaqay dalalka dariska la ah Somalia inay amniga dalalkooda xoojiyaan, isagoo sheegay inay ka digtoonaadaan in Al-shabaab ay gudaha dhibaato ka geysato.

10/8/2014 2:32 AM EST
Arbaco, Oktoobar 08, 2014 (HOL) :- Hay’adda Somali relief Network of North America ayaa magaalada Kismaayo hilbo ugu qeeybisay dad gaaraya ilaa 750 qof oo curyaamiin ah, kuwaasoo ay aad u adkeyd xaaladooda dhinaca nolosha.