9/28/2021
Today from Hiiraan Online:  _
Wararka Maanta- Arbaco, Oct 8 , 2014
RW C/WELI: Wadamada dariska la ah Somalia waa inay Amnigooda xoojiyaan

Arbaco, Oktoobar 08, 2014 (HOL) — Ra’iisul waasaraha Somalia, C/weli Sheekh Axmed ayaa ugu baaqay dalalka dariska la ah Somalia inay amniga dalalkooda xoojiyaan, isagoo sheegay inay ka digtoonaadaan in Al-shabaab ay gudaha dhibaato ka geysato.

Mudane C/weli ayaa sheegay in Al-shabaab deegaanno badan laga saaray ayna dhici karto inay khatar ka geystaan dalalka dariska, kuwaasoo ay ka joogaan Soomaaliya ciidammo qayb ka ah howlgalka Midowga Afrika ee AMISOM.

“Waan hubaa inay dhibaatooyin maleegayaan kooxaha nabadda kasoo hor-jeeda, waxaana ku boorrinayaa dalalka dariska ah iyo ciidamada dowladda iyo kuwa AMISOM inay feejignaan dheeraad ah muujiyaan si ay khataraha Al-shabaab uga hortagaan,” ayuu C/weli Sheekh ku sheegay shir jaraa’id oo uu Muqdisho ku qabtay.

Ra’iisul wasaaraha ayaa hadalkiisan kusoo beegay xilli ciidamada dowladda iyo kuwa gacanta ay ka helayaan ee AMISOM ay deegaanno badan dhowrkii casho ee lasoo dhaafay kala wareegeen Al-shabaab, kuwaasoo ay ku jirto magaalada dekedda leh ee Baraawe.

Sidoo kale, ra’iisul wasaaraha ayaa qabashadii degmada Baraawe oo lix sano saldhig u ahayd Al-shabaab ku tilmaamay inay tahay guul weyn oo dagaalka Al-shabaab lagula jiro laga gaaray, wuxuuna ka digay dhibaatooyin ay qaybo ka mid ah dalka ka geystaan.

Dalalka Kenya, Itoobiya iyo Jabuuti oo daris la ah Soomaaliya ayaa waxaa dalka kaga sugan kumannaan askari oo qayb ka ah howlgalka AMISOM oo ka caawinaya dowladda Soomaaliya dagaalka ay kula jirto Al-shabaab.

Xarakada Al-shabaab oo weli deegaanno dhowr ah oo dalka ah ka howlgala ayaa horay ugu goodisay inay weerarro aargudasho ah ka geysan doono dalalka Afirkaanka ah ee ay ka socdaan ciidamada AMISOM, kuwaasoo ay ku jirto Itoobiya.

Dowladda Soomaaliya ayaa isku dayaysa inay Al-shabaab ka saaro goobaha ay kaga sugan tahay dalka, iyadoo xoojisay howlgallada ay ku doonayso in ay ku qabsato deegaannada ay u aragto inay yihiin muhiim.

Maxamed X. Xuseen, Hiiraan Online
[email protected]
Muqdisho, Soomaaliya













Click here
10/8/2014 1:07 PM EST
Arbaco, Oktoobar 08, 2014 (HOL) — Ugu yaraan saddex xaaji oo Somali ah ayaa siyaabo ala duwan ugu dhintay intii lagu jiray gudashasa Xajka ee sannadkan, iyadoo Sucuudigu ay sheegtay in khasaaraha ka dhalan jiray xajka uu aad uga yar yahay sannadihii hore.

10/8/2014 12:16 PM EST
Arbaco, Oktoobar 08, 2014 (HOL) — Urur goboleedka Bariga Afrika ee IGAD ayaa wey-diistay maxkamadda dambiyada caalamiga ah ee ICC inay dib u dhigto maxkamadeynta madaxweynaha Kenya, Uhuru Kenyatta.

10/8/2014 12:08 PM EST
Arbaco, Oktoobar 08, 2014 (HOL) :- Madaxweeynaha maamulka Jubba Axmed Max’ed Islaam (Axmed Madoobe) ayaa maanta tababar usoo xiray askar gaareeysa ilaa 450 askari, kuwaasoo mudooyinkii ugu danbeeyay uu tababar ciidan uga socday deegaanka Qandal oo qiyaastii 20 km dhanka Koonfur galbeed kaga began magaalada Kismaayo.

10/8/2014 11:52 AM EST
Arbaco, Oktoobar 08, 2014 (HOL) — War-murtiyeed ay kasoo saareen shir ay guddoonka guud ee dalladda ururrada Puntland (DUPF) ee Finland ku yeesheen Sabtidii lasoo dhaafay xaruntooda Korppaanmäentie oo ku taalla Helsinki ayay ku dhaliileen habkii ay u qornayd wareegto xafiiska madaxweynaha Puntland kasoo baxday, taasoo lagu magacaabay wakiilka Puntland ee Finland.

10/8/2014 10:42 AM EST
Arbaco, Oktoobar 08, 2014 (HOL) — Madaxweynaha dalka Kenya, Uhuru Kenyatta ayaa noqonaya madaxweynihii ugu horreeyay oo hortaga maxkamadda ICC si uu u dhagysato dacwadaha dambiyo dhinaca bani’aadamnimada ah oo loo haysto.

10/8/2014 8:13 AM EST
Arbaco, Oktoobar 08, 2014 (HOL) —Madaxweynaha Puntland ayaa 12 agaasime usoo magacaabay 12 kamid ah wasaaradaha uu Maamulka Puntland ka kooban yahay.

10/8/2014 8:04 AM EST
Arbaco, Oktoobar 08, 2014 (HOL) — Guddoomiyaha golaha wakiilada ahna gudoomiyaha xisbiga mucaaradka ah ee WADANI Md:C/raxmaan Maxamed C/laahi Cirro ayaa sharci daro ku tilmaamay sababta madaxweynuhu dib ugu soo celiyey xubintii xisbigooddu soo xuley ee ka mid noqonaysay guddida doorashooyinka Qaranka.

10/8/2014 7:32 AM EST
Arbaco, Oktoobar 08, 2014 (HOL) — Madaxweynaha Somaliland, Axmed Maxamed Siilaanyo, ayaa maanta xafiiskiisa ku qaabilay Ergeyga Midawga Yurub u qaabilsan Soomaaliya Ambassador Michele Cervone d'Urso oo uu wehelinaayey Ambassador Ingiiriiska u qaabilsan Soomaaliya Mr. Neil Wigan.

10/8/2014 7:27 AM EST
Arbaco, Oktoobar 08, 2014 (HOL) — Axaddii lasoo dhaafay ayay ciidamada dowladda iyo kuwa AMISOM la wareegeen degmada Baraawe ee gobolka Shabeellada Hoose, halkaasoo saldhig weyn u ahayd Al-shabaab.

10/8/2014 5:51 AM EST
Arbaco, Oktoobar 08, 2014 (HOL) — Wafdi heer sare ah kana socday safaarada Ingiriiska ee Soomaaliya oo soo gaaray Garowe ayaa la shiray madaxweynaha Puntland Cabdi wali Maxamed Cali Gaas,iyadoo labada dhinac ay ka wada hadleen arimo muhiim ah sida lagu sheegay war ka soo baxay madaxtooyada.

10/8/2014 3:17 AM EST
Arbaco, Oktoobar 08, 2014 (HOL) — Iyadoo xukuumadda Somalia ay horay u sheegtay in la yareynayo safaaradaha ay Somalia ku leedahay dalalka dibadda qaarkood, ayuu wasiirka arrimaha dibadda Somalia, Cabdiraxmaaan Ducaale Bayle uu maanta ka dhawaajiyay in la xiray safaarado dhowr ah oo ay ku lahayd Somalia dalalka caalamka qaarkood.

10/8/2014 2:32 AM EST
Arbaco, Oktoobar 08, 2014 (HOL) :- Hay’adda Somali relief Network of North America ayaa magaalada Kismaayo hilbo ugu qeeybisay dad gaaraya ilaa 750 qof oo curyaamiin ah, kuwaasoo ay aad u adkeyd xaaladooda dhinaca nolosha.