3/29/2024
Today from Hiiraan Online:  _
Wararka Maanta- Sabti, Apr 5 , 2014
Kooxo bastoolado ku hubeysan oo Ganacsade Soomaaliyeed ku dilay Nairobi

Sabti, Abriil 05, 2014 (HOL) — Kooxo bastoolado ku hubeysan oo mooto wata ayaa shalay gellinkii hore ku toogtay magaalada Nairobi ee xarunta dalka Kenya, mid ka mid ah ganacsatada Soomaaliyeed oo lagu magacaabi jiray, Siciid Abuukar Cumar Caddaan.

Marxuumka ayaa lagu toogtay illinka dukaan uu ku lahaa waddada Mombasa oo ku dhow garoonka diyaaradaha Jommo Kenyatta ee magaalada Nairobi, iyadoo raggii dilay ay markiiba baxsadeen.

C/qaadir Abuukar Cumar Caddaan oo ay walaalo ahaayeen marxuumka ayaa u sheegay BBC-da in walaalkiis ay toogteen rag hubeysan ayna ku dhufteen saddex xabbadood oo dhaawac u geystay, isagoo mar dambe ku dhintay Isbitalka, isla shalay gellinkii dambena ay aaseen.

“Siciid wuxuu ahaa ganacsade illaa sannadkii 2007 ka ganacsanayay Nairobi, waxaa la toogtay 9:00 subaxnimo iyadoo lagu toogtay dukaan uu lahaa hortiisa, iyadoo ay toogteen rag bastoolado ku hubeysan oo mooto watay, dhaawacii gaaray ayuuna u geeriyooday,” ayuu yiri C/qaadir Cumar.

Mar uu C/qaadir ka warramayay cidda ay ku tuhmayaan in walaalkii ay toogteen ayaa sheegay inaysan aqoonin, balse ay Keenyaan ahaayeen, laakiinse tuhunka ay qabaan uu yahay inay ka raaceen banki uu lacag dhigtay, warbixintana booliiska ay u gudbiyeen, waxaana ka war-sugayaan wixii kasoo baxa baaritaanka.

Marxuumka ayaa waxaa dhalay ganacsade Abuukar Cumar Cadaan, isagoo dalka Norway ku noolaa muddo dheer, uuna la shaqeynayay hay’adaha UN-ka ee Nairobi ku sugan kala shaqeynaya dhinaca dhismaha.

Illaa hadda ma jirto cid loo qabtay dilka ganacsadaha iyo cid sheegatay inay ka dambeysay, iyadoo dilkiisu uu kusoo beegmayo xilli xaafadda Islii ee Nairobi ay ka socdaan howlgallo lagu xirxiray ganacsatada Soomaaliyeed oo lagu eedeeyay inay ku lug lahaayeen qaraxyo Nairobi ka dhacay toddobaadkii hore.

C/qaadir Abuukar ayaa sheegay in walaalkii uu ifka kaga tagay xaas iyo siddeed caruur ah, kuwaasoo haatan daggan magaalada Nairobi ee xarunta dalka Kenya.

Ma ahan markii ugu horreysay oo Nairobi lagu toogto ganacsade  Soomaaliyeed, kuwaasoo aanay jirin cid loo qabtay dilkooda, iyadoo inta badan dilalka noocan oo kale ay geystaan kooxo hubeysan oo burcad ah.

Maxamed X. Xuseen, Hiiraan Online
[email protected]
Muqdisho, Soomaaliya













Click here
4/5/2014 3:07 PM EST
Sabti, Abriil 05, 2014 (HOL) — Inta la hubo 10-askari ayaa ku dhintay dagaal tiro kalena way ku dhaawacmeen dagaal u dhexeeyay askar kawada tirsan dowladda Soomaaliya oo maanta ka dhacay deegaanka Ceel-cadde ee gobolka Shabeellada Dhexe.

4/5/2014 2:41 PM EST
Sabti, Abriil 05, 2014 (HOL) — Madaxweynaha Somalia, Xasan Sheekh Maxamuud oo ku sugan magaalada Nairobi ee xarunta dalka Kenya ayaa maanta kula kulmay madaxweynaha Kenya, Uhuru Kenyatta, iyadoo waxyaabihii ay labada madaxweyne kawada hadleen ay ka mid ahaayeen dadka lagu xirxiray howlgallada magaalada Nairobi ka socda.

4/5/2014 1:53 PM EST
Sabti, Abriil 05, 2014 (HOL) — Madaxweynaha maamulka Koonfur-galbeed ee lxida gobol ka kooban, Madoobe Nuunow Maxamed ayaa maanta dhameystiray golihiisa wasiirrada oo tiradoodu tahay13 xubnood.

4/5/2014 1:50 PM EST
Sabti, Abriil 05, 2014 (HOL) — Kulan looga hadlayay dhibaatada tahriibta iyo sidii looga hortegi lahaa ayaa maanta lagu qabtay dugsiga sare ee Samatar Baxnaan ee magaalada Buuhoodle.

4/5/2014 1:01 PM EST
Sabti, Abriil 05, 2014 (HOL) — Waxaa maanta dib ugu soo laabtay Muqdisho ciidan gaar ah iyo saraakiil lagu soo tababaray dalka Imaaraatka Carabta, ciidamadaas oo loo soo tababaray ilaalinta madaxtooyada Soomaaliya iyo goobaha muhiimka ah ee caasimmadda.

4/5/2014 12:39 PM EST
Sabti, Abriil 05, 2014 (HOL) — Magaalada Gaalkacyo ayaa waxaa ku sugan wafdi isgu jira wasiirro, xildhibaanno iyo taliyeyaal ciidan oo ka socda Puntland, waxayna kulan kulmeen magaalada bulshada qaybaheeda iyo maamulka gobolka Mudug.

4/5/2014 12:15 PM EST
Sabti, Abriil 05, 2014 (HOL) — Guddoomiyaha magaalada Kismaayo, Ibraahim Maxamed Yuusuf (Timojilic) iyo wafdi uu hogaaminayo ayaa maanta soo kormeeray garoonka kubadda cagta ee degmada Kismaayo ee loo yaqaan Waamo Studium, kaasoo mudooyinkii u danbeeyay ay ku socdeen howlo dib u dhis ah.

4/5/2014 12:02 PM EST
Sabti, Abriil 05, 2014 (HOL) — Wasiirka Duulista hawadda iyo gaadiidka cirka Somaliland, Maxamuud Xaashi Cabdi, oo maalmihii u dambeeyey hawlo shaqo u joogay dalka Turkiga ayaa la kulmay wasiirka Duulista Hawadda ee dalkaasi,waxaanu ka dalbaday sidii Diyaaradda Turkigu u iman lahayd Somaliland.

4/5/2014 11:57 AM EST
Sabti, Abriil 05, 2014 (HOL) — Barlamaanka dalka Jarmalka ayaa meel-mariyay qorshe muddo badan lagu muran sanaa oo la xiriira in tababarayaal ka socda dowladdaas ay si toos ah uga howl-galaan magaalada Muqdisho ee caasimadda Soomaaliya.

4/5/2014 8:27 AM EST
Sabti, April 05, 2014(HOL) - Kulan ay maanta isugu yimaadeen xildhibaanada baarlamanka Soomaaliya ayay uga doodeen magacaabista maamullada degmooyinka gobollada dalka iyo shuruuc ay hore baarlamanka u ansixiyeen oo ku saabsanayd hindise sharciyeedka maamul u sameynta gobollada dalka.

4/5/2014 3:26 AM EST
Sabti, Abriil 05, 2014 (HOL) — Dowladda Soomaaliya ayaa wadda qorshe ah sidii lagu mideyn lahaa culummada, si ay ugu adeegsato inay ka wacyigeliyaan shacabka fikradaha Al-shabaab oo ay dowladdu dagaal kula jirto.

4/5/2014 3:03 AM EST
Sabti, Abriil 05, 2014 (HOL) — Guddoomiyaha maxkamadda sare ee dalka Kenya, Willy Mutunga ayaa shalay ku dhawaaqay shaqo-joojin lagu sameeyay afar mas'uul oo sar-sare oo ka tirsan garsoonka si looga cafiyo baaritaanno lagu la xiriira arrimo musuqmaasuqa la xiriira oo lagu tuhmay iyo ku-takrifalka garoonka dalka.

4/5/2014 2:46 AM EST
Sabti, Abriil 05, 2014 (HOL) — Xukuumadda Jabuuti ayaa heshiis iskaashi la saxiixatay maamulka Somailland, kaasoo ku saabsan sidii ay labada dhinac isaga kaashan lahaayeen ka hortagga isku gudbinta maandooriyaha, tahriibka iyo kooxaha argagaxiada ah.

4/5/2014 2:24 AM EST
Sabti, Abriil 05, 2014 (HOL) — Xildhibaannada Soomaalida ah ee ku jira baarlamaanka Kenya ayaa shalay oo Jimco ahayd la kulmay bulshada Soomaaliyeed ee ku nool xaafadda Islii ee magaalada Nairobi, iyadoo kulankaas looga hadlay sidii looga hortegi lahaa kuwa dhibaatooyinka ka dhex-geysanaya Soomaaliya.