Jimco, September 26, 2014 (HOL) — Madaxweynaha Puntland Cabdiweli Gaas, golihiisa wasiirada iyo saraakiisha ammaanka ayaa kulan deg deg ah kuleh madaxtooyada Garoowe.
Shirka waxaa diiradda lagu saarayaa arrimo dhowr ah, waxaase ugu muhiimsan xaaladda cakiran ee garoonka diyaaradaha ee magaalada Gaalkacayo.
Waxaa sidoo kale arrimaha laga arrinsan doono kamid ah xaaladda degmada Dhahar oo xalay uu ka dhacay dagaal dhex maray dhinacyo kala taageersan maamullada Puntland iyo Somaliland.
Shaqada garoonka diyaaradaha ee Gaalkacayo ayaa gabaabsi ahayd labadii maalmood ee ugu dambeeyey, kaddib markii Galmudug ay ku hanjabtay inay garoonka weerari doonto.
Galmudug ayaa ka carootay xanibaad ay Puntland kusoo rogtey garoon macmil ah oo laga hirgeliyey koonfurta Gaalkacayo, garoonkaas oo Puntland ay diidey diyaaraduhu inay kasoo degaan.
Go'aankaas isaga ah waxay Puntland u sababaysay arrimo la xiriira dhanka nabadgelyada duulimaadyada, maadaama sida ay sheegtay aanay suurogal ahay inay hal magaalo ka shaqeeyaan labo garoon oo masaafo aad u yar isu jira.
Marka uu shirkaasi soo gaba gaboobo ayaa la filayaa in warbaahinta lasoo gaarsiiyo war-saxaafadeed lagu faah faahinayo shirka maanta, qodobada diiradda lagu saaray iyo weliba go'aanada kasoo baxay.
Faah faahin dheeri ah dib ayaan idiinka soo gudbin doonaa...
Maxamed Salaad Xaaji Dirir, Hiiraan Online
[email protected]
Puntland, Soomaaliya
GAROOWE: Madaxweyne Gaas oo kulan deg-deg ah la leh Golihiisa Wasiirrada
More News
- UHURU KENYATTA: Somalia oo Xasisha ayuu ku xiran yahay Horumarka Kenya
- Qaybdiid oo Puntland ugu baaqay in wadahadal lagu dhameeyo xiisada taagan
- PUNTLAND: Wixii ka dhaca Gaalkacyo waxaa mas'uul ka noqonaya Qaybdiid
- Soomaali u dagaalama kooxda ISIS oo sheegay inay weerar ku yihiin New York
- Hay’adda ICG oo sheegtay in Al-shabaab ay weli khatar ku tahay dalka Kenya
- NUSOJ oo in ka badan afartan suxufi tababar ugu soo gabagabeysay Muqdisho
- Ra’iisul Wasaaraha Itoobiya oo Taageeray Dhismaha Maamullada Soomaaliya
- Max'ud Sayid Aadan iyo wafdi uu horkacayo oo gaaray Degmada Garbahaarey
- Wafdigii Soomaalida uga qayb-galay shirkii shaqaalaha carabta oo soo noqday
- Dowladda Kenya oo sheegtay in la xirayo xarumaha lagu barto diinta Islaamka
- Rag hubeysan oo xalay Guddoomiye deegaan ku dilay Magaalada Beledweyne
- Dagaal Xalay Fiidkii ka dhacay Degmada Dhahar ee Xarunta Gobolka Haylaan
- Maamulka Puntland oo shaaciyay inuu weli Shaqeynayo Garoonka Gaalkacyo
- Madaxweynaha GAL-MUDUG iyo Wafdi uu Hoggaaminayo oo Gaaray Cadaado