Talaado, July 29, 2014 (HOL) — Ugu yaraan lix qof oo tahriibayaal Soomaali ah ayaa ku dhintay qarax ka dhacay waqooyiga dalka Yemen, iyadoo ay tiro kalena ku dhaawacmeen, sida ay sheegeen mas’uuliyiinta dalka Yemen.
Qaraxan oo ka dhacay duleedka magaalada Sanca ee xarunta dalka Yemen ayaa waxaa la sheegay inuu ahaa mid xooggan, ayna jiraan tahriibayaal la waayay kaddib markii uu qaraxu dhacay iyo argagax ka qaaday qaraxan.
Sidoo kale, wararku waxay sheegayaan in qaraxu uu haleeyay mid ka mid ah basas ay tahriibayaashan ku safrayeen, iyagoo ku socday dalka Saudi Arabia oo ay daris yihiin Yemen.
Xukuumadda Yemen weli kama aysan sida uu u dhacay qaraxan, iyadoo ay ku howlan yihiin baarista sida uu ku dhacay qaraxan ciidammada Yemen; waxaana ay noqonaysaa markii ugu horreysay oo qarax ay ku dhintaan dad tahriibayaal ah oo Soomaaliyeed.
Labada bas ee midkood uu qaraxa qabsaday ayaa la sheegay in Soomaali ay ahaayeen dadkii saarnaa, iyadoo tani ay noqonayso dhibaatadii nooceeda ah oo ay la kulmaan tahriibayaasha Soomaaliyeed ee isaga goosha Khaliijka Carabta.
Dalka Yemen ayaa waxaa ku sugan tahriibayaal badan oo Soomaaliyeed oo isugu jira rag, dumar, carruur iyo waayeel, iyadoo dadkaan qaarkood Yemen u isticmaala marin ay uga gudbaan dalalka Carabta ee dhaqaalah leh.
Sannadkii hoer ayay ahayd markii tiro badan oo Somali ah lagu dilay dagaal ka dhacay gobol ku yaalla Koonfurta dalka Yemen, kaddib markii ay halkaas ku dagaalameen kooxo shiico iyo sunniyiin ah.
Maxamed X. Xuseen, Hiiraan Online
[email protected]
Muqdisho, Soomaaliya
