6/23/2017
Today from Hiiraan Online:  _
Wararka Maanta- Khamiis, Sept 5 , 2013
Al-shabaab oo sheegtay in Magaalada Muqdisho iyo degmada Balad-Xaawo ay xalay ka fulisay Qaraxyo is-daba-joog ah



Khamiis, September 05, 2013 (HOL) — Xarakada Al-shabaab oo dowladda Soomaaliya kula jirta dagaal ayaa sheegatay in ay geysatey qaraxyo saf-mar ah oo xalay ka dhacay degmooyinka gobolka Banaadir, sidoo kalena ay degmada Balad-xaawo ee gobolka Gedo ka geysatay hal qarax.

Afhayeenka howlgallada ee Al-shabaab, Sheekh C/casiis Abuu-Muscab ayaa sheegay in weerarradii ay xalay ka fuliyeen Muqdisho iyo Balad-xaawo ay ahaayeen 29-weerar, kuwaasoo 28 ka mid ah uu sheegay in ay Muqdisho ka geysteen.

“Xalay waxaan toban degmo oo ka mid ah kuwa gobolka Banaadir aan ka fuinnay weerarro qaraxyo ah oo intooda badan aan ku beegsannahay saldhigyo ay ku sugnaayeen ciidmada dowladda iyo kuwa AMISOM iyo weliba guryo ay deggenaayeen madaxda dowladda iyo saraakiisha ciidamada,” ayuu Sheekh Abuu-Muscab ku sheegay warbixin uu siiyay warbaahinta afka Al-shabaab ku hadasha.

Degmooyinka ay weerarrada  ka geysteen ayuu ku sheegay inay kala yihiin: Dharkeynley, Wadajir, Hodan, Waaberi, Xamar-weyne, Shibbis, Yaaqshiid, Howl-wadaag, Xamar-jabab iyo Huriwaa.

“Weerarradaas 28-ka ah waxaa cadowga kasoo gaaray khasaare isugu jirta dhimasho iyo dhaawac,” ayuu hadalkiisa raacisay, isagoo aan sheegin sida ay kala yihiin khasaaraha dhismaho iyo midda dhaawac.

Sidoo kale, afhayeenka howlgallada Al-shabaab wuxuu sheegay inay qarax kale ka geysteen degmada Balad-xaawo ee gobolka Gedo, isagoo sheegay in uu ahaa qarax miino oo ay la beegsadeen gaari ay wateen ciidammo ka mid ah kuwa dowladda ee degmadaas ku sugan ayna kasoo gaartay khasaare isugu jirta dhimasho iyo dhaawac, inkastoo uusan sheegin cadadkooda.

Afhayeenku wuxuu hadalkiisa ku daray in ciidamada dowladdu ay dhibaato ku hayaan shacabka ku nool Muqdisho, kuwaasoo isugu jira dhac, boob iyo kufsi, isagoo xusay inay intaas kusoo korortay inay haweenka muslimiinta ah afduubaan oo ay u geeyaan ciidamada AMISOM si ay u kufsadaan.

Ugu dambeyn, wuxuu xusay in Al-shabaab ay ka go’an tahay inay weerarro kale la beegsadaan ciidamada dowladda, kuwa AMISOM iyo madaxda kala duwan ee dowladda Soomaaliya.

Xalay ayaa waxaa magaalada Muqdisho ka dhacay qaraxyo waaweyn oo laga maqlay inta badan magaalada Muqdisho, iyadoo saraakiisha dowladdu ay ku sheegeen weerarradaas kuwo nafla-caarinimo ah oo ay kooxda Al-shabaab la beegsatay shacabka Muqdisho ku nool.

Maxamed Xaaji Xuseen, Hiiraan Online
[email protected]
Muqdisho, Soomaaliya





Post your comments

9/5/2013 3:27 PM EST
Khamiis, September 05, 2013 (HOL) — Baarlamaanka dalka Kenya ayaa cod uu qaaday maanta ku ogolaaday in Kenya ay joojiso wadashaqeyntii ay la lahayd maxkamadda dambiyada caaalamiga ah ee ICC, iyadoo maxkamadda ay horyaallaan dacwooyin ka dhan ah madaxweynaha dalka Kenya, Uhuru Kenyatta iyo ku xigeenkiisa William Ruto.

9/5/2013 2:43 PM EST
Khamiis, September 05, 2013 (HOL) — Xukuumadda Somaliland ayaa maanta bilawday inay gobolka Sanaag, gaar ahaaan magaalada Ceerigaabo ka bedesho lacagtii hore ee Soomaaliya ee Giimbaarta looyiqiin oo gabi ahaanba Somaliland laga isticmaalin.

9/5/2013 10:21 AM EST
Khamiis, September 05, 2013 (HOL) — Madaxweynaha Soomaaliya, Xasan Sheekh Maxamud ayaa maanta xafiiskiisa ku qaabilay guddoomiyaha Machadka Nabadda ee Mareykanka (US Institute for Peace), ergeyga gaarka ah ee geeska Afrikaa ee dalka Norway iyo dajiraha Soomaaliya u jooga dalka Britain.

9/5/2013 10:21 AM EST
Khamiis, September 05, 2013 (HOL) — Shirkii looga hadlayay higsiga cusub ama New Deal ayaa maanta lagu soo gabagabeeyay magaalada Muqdisho kaasoo muddo saddex maalmood ah socday, waxaana soo xiray wasiir ku xigeenka wasaaradda maaliyadda iyo qorsheynta Soomaaliya, Abuukar Sheekh Cabdi Ibraahim.

9/5/2013 9:01 AM EST
Khamiis, September 05, 2013 (HOL) — Shirkii ee golaha wasiirada ee maanta oo ay shir-gudoominaysay ku simaha ra'iisal wasaaraha ahna wasiirada arrimaha dibadda iyo Somalia, Fawsiya Yuusuf Xaaji Aadan ayaa maanta asnixiyay xeerka Isgaarsiinta Qaranka.

9/5/2013 8:59 AM EST
Khamiis, September 05, 2013 (HOL) — Madaxweynaha dowladda Somalia, Xasan Sheekh Maxamuud ayaa shalay meel ka baxsan xeebta Muqdisho wuxuu markab dagaal oo ay leedahay dowlada Nederland kana mid ah kuwa howlgalka la-dagaalanka burcad-badeedda u jooga Soomaaliya kula kulmay ergayga gaarka ah ee Midowga Yurub u jooga Somalia, Michele Cervone d’Urso, taliyaha sare ee ciidmada badda Midowga Yurub, Rear Admiral Bob Tarrant, madaxa hawlgalka dhismaha iyo tayeynta Midowga Yurub (EUCAP), Nestor, Etienne de Poncins iyo xubno kale.

9/5/2013 8:38 AM EST
Khamiis, September 05, 2013 (HOL) — Hay’adda DBG ayaa maanta u qalab kala duwan u qaybisay 500 oo qoys oo ka mid ah barakayaasha ku nool inta u dhexeysa Muqdisho iyo Afgooye. Qalabkaas oo ku kala jira shan boqol oo bundadood oo kiiba ay ku jiraan alaabo kala duwan.

9/5/2013 8:33 AM EST
Khamiis, September 05, 2013 (HOL) — Wasiirka Madaxtooyadda Somaliland Xirsi Cali Xaaji Xasan ayaa golaha wakiiladda ka hor akhriyey warbixin koobsatay waxqabadkii kala duwanaa ee xukuumadani qabatay sadexdii sanno ee xilka ay haysay.

9/5/2013 7:34 AM EST
Khamiis, September 05, 2013 (HOL) — Hogaamiyaha maamulka KMG ah ee Jubba, Sheekh Axmed Maxamed Islaam (Madoobe) ayaa lagu wadaa inuu markii ugu horreysay Muqdisho yimaado maalmaha soo socda, kaddib markii uu dhawaan heshiis kula soo saxiixday dowladda Soomaaliya magaalada Addis Ababa ee dalka Itoobiya.

9/5/2013 7:18 AM EST
Khamiis, September 05, 2013 (HOL) — Shirweyhaha Qaran ee geeddi-socodka siyaasadda Soomaaliya iyo higsiga sannadka 2016-da ayaa galay maalintii afaraad, iyadoo diiradda lagu saarayaa qodobka dib u habbeynta hay’adaha hufnaanta iyo hagaajinta maamulka.

9/5/2013 7:03 AM EST
Khamiis, September 05, 2013 (HOL) — Ciidammo ka tirsan kuwa dowladda Soomaaliya oo tababar uga socday xero laga sameeyay warshaddii nac-naca ee magaalada Muqdisho oo gadood ahaan uga soo baxay xeradaas, iyagoo lagu arkayay iyagoo aan hub wadan waddooyinka magaalada Muqdisho.

9/5/2013 6:49 AM EST
Khamiis, September 05, 2013 (HOL) — Qaraxyo isugu jira bambooyin iyo hoobiyeyaal ayaa xalay ka dhacay Muqdisho, kuwaasoo mid ka mid ah uu ku dhintay ruux doonayay inuu miino ku aaso deegaanka Kaaso-bololaare ee degmada Hodan.

9/5/2013 6:06 AM EST
Khamiis, September 5, 2013 (HOL)- Guddiga arrimaha dibadda ee Golaha Odayaasha ee dalka Maraykanka (U.S. Senate) ayaa kulan ay shalay yeesheen cod ugu qaaday dalab uu horay ugu soo gudbiyey Madaxweyne Barack Obama oo ahaa in tallaabo militari laga qaado maamulka Bashaar Al-asad ee Suuriya, kaddib markii lagu eedeeyey adeegsiga hubka kiimikada ee isticmaalkiisu uu mamnuuca yahay.