6/23/2017
Today from Hiiraan Online:  _
Wararka Maanta- Khamiis, Sept 5 , 2013
Xukuumadda Somaliland oo gobolka Sanaaag ka bedelaysa lacagta Shilinka Soomaaliga oo Gobolkaas laga isticmaalo


Khamiis, September 05, 2013 (HOL) — Xukuumadda Somaliland ayaa maanta bilawday inay gobolka Sanaag, gaar ahaaan magaalada Ceerigaabo ka bedesho lacagtii hore ee Soomaaliya ee Giimbaarta looyiqiin oo gabi ahaanba Somaliland laga isticmaalin.

Guddoomiyaha Baanka Dhexe ee Somaliland Md. Cabdi Dirir Cabdi oo shir jaraa’id ku qabtay magaaladda Ceerigaabo ayaa sheegay in maanta ay si rasmi ah uga dhaqan gashay magaaladda Ceerigaabo bedelaada lacagtii Giimbaarta ahayd iyadoo dadweynaha lacagtaas loogu bedelayo lacagta shilinka Somaliland, taas oo socon doonto 48 saacood in lagu xareeyo lacagtaasi Giimbaarta ee Shiling Soomalaiga si aanay gobolka uga shaqayn, isla markaana aan la arki doonin isticmaala lacagtaasi.

Guddoomiyaha Baanka Dhexe waxa uu sheegay in laga bilaabo maanta lacagta keliya ee ka shaqaynaysa gobolka bulshaduna ay wax ku iibsan doontaa ay noqon doonto lacagta shilinka Somaliland.

Guddoomiyaha Baanka Somaliland Md. Cabdi Dirir Cabdi, ayaa sheegay in bedelaada lacagtu ay maanta ka bilaabantay sideed goobood oo ka mid ah Gudaha magaalada Ceerigaabo, dadweynuhuna ay ka bedelanayeen goobahaasi. Waxaanu ku baaqay in wakhtigaasi loo qabtay lagu xareeyo lacagtaasi Giimbaarta,isagoo soo saaray amar ah in aan maanta wixii ka dambeeya magaaladda lagu arki Karin lacagtaasi waxna lagu iibin Karin waxna lagu iibsan Karin.

Waxaanuu xusay in degmooyinka Gar-adag iyo Ceel-afweyn ee Gobolka Sanaag ay hore u joojiyeen isticmaalka lacagta Giimbaarta ah.

Sidoo kale, waxaa halkaasi ka hadlay maamulaha Baanka Somaliland ee Goboladda Barri Cumar Axmed, oo sheegay in muddo labaatan maalmood ah ay Gobolka Sanaag u joogeen saraakiil ka tirsan Baanka Somaliland qorshaha lacagta Gimbaarta ah lagaga bedelayo Gobolka Sanaag.

Waxa iyaguna arrintaasi ka hadlay Maayarka magaaladda Ceerigaabo Md, Ismaaciil X.Nuur,waxaanuu sheegay in ay degmo ahaan soo dhoweynayaan bedelaada Lacagta Giimbaarta ah oo ay muddo dheer sugayeen, taas oo uu sheegay inay dhibaato ku haysay Ganacsiga degaankaasi.

Guddoomiyaha Gobolka Sanaag Md. Axmed Muxumed Geelle(Dacar), ayaa isna halkaas ka sheegay in ciidammadda ammaanku amar buuxa ku qabaan in cidii lagu arka iyaga oo wax ku iibinaya lacagta Giimbaarta in tallaabo sharciya ka qaadaan.

Sariflayaasha magaaladda, ganacsatadda iyo guud ahaan dadweynaha Gobolka Sanaag ayaa si weyn ugu xoonsana baanka dhexe si ay ugu soo bedeshaan lacagtan Shiling Somaliland-ta ah.

Dadweynaha gobolka Sanaag, ayaa si weyn usoo dhoweeyey bedeladda lacagtan, waxaanay sheegeen inay lacagtan Giimbaarta ahi wax u dhintay ganacsigii iyo dhaqaalihii gobolkan maadaama oo inta badan gobolada Somaliland aanay ka shaqayn lacagtan Giimbaarta ah oo laga wada bedelay.

Bedelaadda Lacagta Giimbaarta ah ee maanta ka dhaqan gashay Gobolka Sanaag ayaa waxa si weyn u soo dhoweeyey Sarif layaasha,Ganacsatada iyo Guud ahaan dadweynaha ku dhaqan Gobolka Sanaag.

Barkhad-ladiif M. Cumar, Hiiraan Online
[email protected]
Hargeysa, Somaliland





Post your comments

9/5/2013 3:49 PM EST
Khamiis, September 05, 2013 (HOL) — Xarakada Al-shabaab oo dowladda Soomaaliya kula jirta dagaal ayaa sheegatay inay qaraxyo saf-mar ah xalay ka dhacay degmooyinka gobolka Banaadir, sidoo kalena ay degmada Balad-xaawo ee gobolka Gedo ka geysatay hal qarax.

9/5/2013 3:27 PM EST
Khamiis, September 05, 2013 (HOL) — Baarlamaanka dalka Kenya ayaa cod uu qaaday maanta ku ogolaaday in Kenya ay joojiso wadashaqeyntii ay la lahayd maxkamadda dambiyada caaalamiga ah ee ICC, iyadoo maxkamadda ay horyaallaan dacwooyin ka dhan ah madaxweynaha dalka Kenya, Uhuru Kenyatta iyo ku xigeenkiisa William Ruto.

9/5/2013 10:21 AM EST
Khamiis, September 05, 2013 (HOL) — Madaxweynaha Soomaaliya, Xasan Sheekh Maxamud ayaa maanta xafiiskiisa ku qaabilay guddoomiyaha Machadka Nabadda ee Mareykanka (US Institute for Peace), ergeyga gaarka ah ee geeska Afrikaa ee dalka Norway iyo dajiraha Soomaaliya u jooga dalka Britain.

9/5/2013 10:21 AM EST
Khamiis, September 05, 2013 (HOL) — Shirkii looga hadlayay higsiga cusub ama New Deal ayaa maanta lagu soo gabagabeeyay magaalada Muqdisho kaasoo muddo saddex maalmood ah socday, waxaana soo xiray wasiir ku xigeenka wasaaradda maaliyadda iyo qorsheynta Soomaaliya, Abuukar Sheekh Cabdi Ibraahim.

9/5/2013 9:01 AM EST
Khamiis, September 05, 2013 (HOL) — Shirkii ee golaha wasiirada ee maanta oo ay shir-gudoominaysay ku simaha ra'iisal wasaaraha ahna wasiirada arrimaha dibadda iyo Somalia, Fawsiya Yuusuf Xaaji Aadan ayaa maanta asnixiyay xeerka Isgaarsiinta Qaranka.

9/5/2013 8:59 AM EST
Khamiis, September 05, 2013 (HOL) — Madaxweynaha dowladda Somalia, Xasan Sheekh Maxamuud ayaa shalay meel ka baxsan xeebta Muqdisho wuxuu markab dagaal oo ay leedahay dowlada Nederland kana mid ah kuwa howlgalka la-dagaalanka burcad-badeedda u jooga Soomaaliya kula kulmay ergayga gaarka ah ee Midowga Yurub u jooga Somalia, Michele Cervone d’Urso, taliyaha sare ee ciidmada badda Midowga Yurub, Rear Admiral Bob Tarrant, madaxa hawlgalka dhismaha iyo tayeynta Midowga Yurub (EUCAP), Nestor, Etienne de Poncins iyo xubno kale.

9/5/2013 8:38 AM EST
Khamiis, September 05, 2013 (HOL) — Hay’adda DBG ayaa maanta u qalab kala duwan u qaybisay 500 oo qoys oo ka mid ah barakayaasha ku nool inta u dhexeysa Muqdisho iyo Afgooye. Qalabkaas oo ku kala jira shan boqol oo bundadood oo kiiba ay ku jiraan alaabo kala duwan.

9/5/2013 8:33 AM EST
Khamiis, September 05, 2013 (HOL) — Wasiirka Madaxtooyadda Somaliland Xirsi Cali Xaaji Xasan ayaa golaha wakiiladda ka hor akhriyey warbixin koobsatay waxqabadkii kala duwanaa ee xukuumadani qabatay sadexdii sanno ee xilka ay haysay.

9/5/2013 7:34 AM EST
Khamiis, September 05, 2013 (HOL) — Hogaamiyaha maamulka KMG ah ee Jubba, Sheekh Axmed Maxamed Islaam (Madoobe) ayaa lagu wadaa inuu markii ugu horreysay Muqdisho yimaado maalmaha soo socda, kaddib markii uu dhawaan heshiis kula soo saxiixday dowladda Soomaaliya magaalada Addis Ababa ee dalka Itoobiya.

9/5/2013 7:18 AM EST
Khamiis, September 05, 2013 (HOL) — Shirweyhaha Qaran ee geeddi-socodka siyaasadda Soomaaliya iyo higsiga sannadka 2016-da ayaa galay maalintii afaraad, iyadoo diiradda lagu saarayaa qodobka dib u habbeynta hay’adaha hufnaanta iyo hagaajinta maamulka.

9/5/2013 7:03 AM EST
Khamiis, September 05, 2013 (HOL) — Ciidammo ka tirsan kuwa dowladda Soomaaliya oo tababar uga socday xero laga sameeyay warshaddii nac-naca ee magaalada Muqdisho oo gadood ahaan uga soo baxay xeradaas, iyagoo lagu arkayay iyagoo aan hub wadan waddooyinka magaalada Muqdisho.

9/5/2013 6:49 AM EST
Khamiis, September 05, 2013 (HOL) — Qaraxyo isugu jira bambooyin iyo hoobiyeyaal ayaa xalay ka dhacay Muqdisho, kuwaasoo mid ka mid ah uu ku dhintay ruux doonayay inuu miino ku aaso deegaanka Kaaso-bololaare ee degmada Hodan.

9/5/2013 6:06 AM EST
Khamiis, September 5, 2013 (HOL)- Guddiga arrimaha dibadda ee Golaha Odayaasha ee dalka Maraykanka (U.S. Senate) ayaa kulan ay shalay yeesheen cod ugu qaaday dalab uu horay ugu soo gudbiyey Madaxweyne Barack Obama oo ahaa in tallaabo militari laga qaado maamulka Bashaar Al-asad ee Suuriya, kaddib markii lagu eedeeyey adeegsiga hubka kiimikada ee isticmaalkiisu uu mamnuuca yahay.