12/14/2017
Today from Hiiraan Online:  _
Wararka Maanta- Talaado, Sept 3 , 2013
Madaxweyne ku xigeenka Maamulka Puntland oo dhagax-dhigay Dugsi sare oo laga hirgelinayo Magaalada Taleex (SAWIRRO)



Talaado, September 03, 2013 (HOL) — Madaxweyne ku xigeenka Puntland, Jen. C/samad Cali Shire ayaa maanta dhagax dhigay dugsi sare oo laga hirgelinayo degmada Taleex ee gobolka Sool.

Xafladda dhagax-dhigga ayaa waxaa ka qayb-galay wafdi isugu jira barlamaanka iyo xukuumadda Puntland, maamulka degmada Taleex, bahda  waxbarashada iyo dadweyne kala duwan.

Ugu horreyn waxaa ka hadlay xafladda dhagax-dhigga oo lagu qabtay dugsiga sare ee degmadan duqa degmada Taleex, Maxamuud Cali Warsame isgaoo soo dhaweeyey dhisitaanka dugsigan sare iyo wax qabadka xukuumadda Puntland ay maalmahan ka fulinayso degmada Taleex.

Maamulaha dugsiga sare ee Taleex, Sheekh Daahir oo isna hadlay ayaa ka hadlay baahiyaha ka taagan dugsiga sare ee Taleex oo uu sheegay inuusan lahayn Laab, wuxuuna dawladda Puntland ku amaanay mashaariicda arrimaha bulshada wax-tarka u leh ee ay ka fulinayso Taleex.

Wasiir ku xigeenka maaliyadda Puntland, Cabdi Ibraahim Warsame oo hadal kooban isna ka jeediyey munaasabadda ayaa ku amaanay kaalintii ay ka qateen deeqdii waxbarsho ee Turkiga 2011-kii oo imtixaankii lagu qaaday Garoowe ay ardaydii ugu badnayd ee ku baastay ay ahaayeen kuwo wax ku bartay dugsiga sare ee Taleex.

Madaxweyne ku xigeenka Puntland, Jen. Cabdisamad Cali Shire oo intaas kaddib dhagax-dhigay dugsiga sare ayaa ka  hadlay ahmiyadda waxbarshada iyo kaalinta Puntland ay siinayso, wuxuuna nasiib-darro ku tilmaamay inaysan badi ardayda reer Taleex aysan galin imtixaankii dugsiyada sare ee Puntland ka dib markii buu yiri ay jaahwareeriyeen dad wax magarto ah oo aan eegayn danta ardayda.

Jen. Shire ayaa u mahad celiyay qaar ka mid jaaliyadaha dibadda ee reer Taleex oo ay madashan ka magacabay gudoomiyaha degmada Taleex wuxuuna ku booriyey inay sii wadaan tageerada ay la garab taagan yihiin bulshadooda.

Madaxweyne ku xigeenka Puntland oo sagaal maalmood ku sugan degmada Taleex ayaa  hore u furay ceel biyood xilligan biyihiisa la gaaray waxaa kale oo uu soo afmeeray xurguf u dhaxaysay laba belood oo walaalo ah beritina la filayo in lagu dhaqaawo go’aamadii lagu hishiiyey.





Seynab Cabdi Warsame, Hiiraan Online
[email protected]
Laascaanood, Gobolka Sool





Post your comments

9/3/2013 4:06 PM EST
Cumar Hammami oo loo yaqaan Abuu Mansuur Al-ameeriki ayaa shaaca ka qaaday in uu gabi ahaanba isaga baxay uruweynaha Al-qaacida iyo Al-shabaab oo uu hore uga tirsanaa.

9/3/2013 3:51 PM EST
Talaado, September 03, 2013 (HOL) — Maayarka Hargeysa, Cabdiraxmaan Maxamuud Caydiid, ayaa bilaabay samaynta wadadda Boqol iyo kontonka loo yaqaan ee waqooyiga magaaladda Hargeysa, kaas oo isticmaali doonaan gaadiidka xamuulka ka soo qaadda Dekadda Berbera ee ku socda Itoobiya.

9/3/2013 3:36 PM EST
Talaado, September 03, 2013 (HOL) — Kulan doorasho ah oo maanta lagu qabtay Muqdisho ayaa waxaa ganacsade C/rashiid Shire Il-qayte loogu doortay guddoomiyaha rugta ganacsiga Soomaaliyeed ee gobolka Banaadir, kaddib markii uu ka adkaaday haweenkay xilkaas kula tartamaysay.

9/3/2013 11:01 AM EST
Talaado, September 03, 2013 (HOL) — Wafdi ballaaran oo uu horkacayay madaxweynaha Maamulka Jubba Sheekh Axmed Maxamed Islaam (Axmed Madoobe) ayaa maanta soo gaaray magaalada Kismaayo, iyadoona ay wehlinayeen mas'uuliyiin ka tirsan maamulka.

9/3/2013 9:55 AM EST
Talaado, September 03, 2013 (HOL) — Wasiir ku xigeenka wasaaradda maaliyadda iyo qorsheynta Soomaaliya, Abuukar Sheekh Cabdi Ibraahim ayaa maanta Muqdisho ka furay shirkii wada-tashiga barnaamijka Higsiga Cusub “ New Deal” oo socon doona saddex maalmood. Shirkan ayaa waxaa kasoo qayb-galay mas’uuliyiin ka kala socda laamaha dowladda, xildhibaanno iyo ururrada bulshada rayidka ah.

9/3/2013 9:35 AM EST
Talaado, September 03, 2013 (HOL) — Inta la ogyahay laba qof ayaa ku dhintay tiro ka badan toban qof oo kalena way ku dhaawacmeen dab ka kacay goob shidaalka lagu kaydiyo oo ku taalla agagaarka dhismaha Say-biyaano ee degmada Hodan ee Magaalada Muqdisho.

9/3/2013 7:30 AM EST
Talaado, September 03, 2013 (HOL) — Dowladda Soomaaliya ayaa beenisay in la weeraray gaadiid uu la socday madaxweynaha Soomaaliya oo degmada Marko ee gobolka Shabeellada Hoose ku socday, kaddib markii Al-shabaab ay sheegtay inay weerartay gaadiidkii uu madaxweynuhu la socday.

9/3/2013 6:53 AM EST
Talaado, September 03, 2013 (HOL) - Ururka Alshabaab ee dagaalka kula jira dawlada Soomaaliya ayaa shaaciyay in weerar ay ku qaadeen gawaari kolonyo ah oo galbinaysay madaxweynaha Soomaaliya Xassan Sheekh Maxamuud oo maanta safar dhulka ah ku aaday magaalada Marka ee xarunta gobolka Shabeellaha hoose.

9/3/2013 3:50 AM EST
Talaado, September 03, 2013 (HOL) — Madaxweynaha Soomaaliya iyo wafdi uu hoggaaminayo ayaa saaka safar dhulka ah ku gaaray magaalada Marka ee xarunta gobolka Shabeellada Hoose, iyadoo tani ay noqonayso booqashadii ugu horreysay oo dhinaca dhulka ah oo madaxweynuhu uu ku tago deegaanno ka mid ah Soomaaliya.

9/3/2013 3:28 AM EST
Isniin, September 02, 2013 (HOL) — Xarunta dalka Itoobiya ee Addis Ababa waxaa xalay kulan ku yeeshay madaxweynaha Puntland C/raxmaan Maxamed Faroole iyo wasiirka arrimaha dibadda ee Itoobiya Tedros Adhanom. Kulanka ayaa ka dhacay Hotel Sheraton.