10/21/2017
Today from Hiiraan Online:  _
Wararka Maanta- Talaado, Sept 3 , 2013
Ganacsade Cabdirashiid Shire Il-qayte oo Maanta loo doortay Gudoomiyaha Rugta Ganacsiga Gobolka Banaadir (SAWIRRO)



Talaado, September 03, 2013 (HOL) — Kulan doorasho ah oo maanta lagu qabtay Muqdisho ayaa waxaa ganacsade C/rashiid Shire Il-qayte loogu doortay guddoomiyaha rugta ganacsiga Soomaaliyeed ee gobolka Banaadir, kaddib markii uu ka adkaaday haweenkay xilkaas kula tartamaysay.

Goobta ay ka dhacday doorshada waxaa ku sugnaa, guddoomiyaha gobolka Banaadir ahna duqa Muqdisho, Maxamuud Axmed (Tarsan), mas’uuliyiin ka socotay rugta ganacsiga Soomaaliyeed iyo xubno kale.

C/rishiid Il-qayte oo doorashadiisa kaddib hadlay ayaa sheegay inuu aad ugu faraxsan yahay xilkan loo doortay, wuxuuna ballan-qaaday inuu ka shaqeyn doono horumarinta ganacsiga gobolka Banaadir.

Mas’uuliyiintii ka hadlay intii kulanka doorashadaha uu socday ayaa waxay sheegeen inay muhiim tahay in la horumariyo ganacsiga iyo wax-soo-saarka dalka, taasoo ay sheegeen inay tahay midda keliya ee dalka uu horumar ku gaari karo.

Duqa Muqdisho, Maxamuud oo isaguna ka hadlay halkaas ayaa sheegay inay tahay wax lagu farxo  in ganacsatada gobolka Babnaadir ay doortaan hoggaan ay ku mideysan yihiin, isagoo xusay in loo baahan yahay inay ka qayb-qaataan dhisidda iyo horumarinta dalkooda.

Haween ka hadlay kulanka ayaa sheegay inay aad ugu faraxsan yihii in loo doorto ganacsatada gobolka Banaadir hoggaan, iyagoo ka dalbaday madaxa cusub ee rugta ganacsiga gobolka Banaadir inuu ka shaqeeyo horumarinta ganacsiga gobolka iyo isku soo dhaweynta ganacsatada.

Ugu dambeyn, waxaa goobta ka hadlay guddoomiyaha rugta ganacsiga Soomaaliyeed, C/kariin Maxamuud Gabeyre isagoo sheegay inay wax lagu farxo tahay in maanta la doorto guddoomiyaha ganacsatada gobolka Banaadir.







Maxamed Xaaji Xuseen, Hiiraan Online
[email protected]
Muqdisho, Soomaaliya





Post your comments

9/3/2013 4:06 PM EST
Cumar Hammami oo loo yaqaan Abuu Mansuur Al-ameeriki ayaa shaaca ka qaaday in uu gabi ahaanba isaga baxay uruweynaha Al-qaacida iyo Al-shabaab oo uu hore uga tirsanaa.

9/3/2013 3:51 PM EST
Talaado, September 03, 2013 (HOL) — Maayarka Hargeysa, Cabdiraxmaan Maxamuud Caydiid, ayaa bilaabay samaynta wadadda Boqol iyo kontonka loo yaqaan ee waqooyiga magaaladda Hargeysa, kaas oo isticmaali doonaan gaadiidka xamuulka ka soo qaadda Dekadda Berbera ee ku socda Itoobiya.

9/3/2013 3:47 PM EST
Talaado, September 03, 2013 (HOL) — Madaxweyne ku xigeenka Puntland, Jen. C/samad Cali Shire ayaa maanta dhagax dhigay dugsi sare oo laga hirgelinayo degmada Taleex ee gobolka Sool.

9/3/2013 11:01 AM EST
Talaado, September 03, 2013 (HOL) — Wafdi ballaaran oo uu horkacayay madaxweynaha Maamulka Jubba Sheekh Axmed Maxamed Islaam (Axmed Madoobe) ayaa maanta soo gaaray magaalada Kismaayo, iyadoona ay wehlinayeen mas'uuliyiin ka tirsan maamulka.

9/3/2013 9:55 AM EST
Talaado, September 03, 2013 (HOL) — Wasiir ku xigeenka wasaaradda maaliyadda iyo qorsheynta Soomaaliya, Abuukar Sheekh Cabdi Ibraahim ayaa maanta Muqdisho ka furay shirkii wada-tashiga barnaamijka Higsiga Cusub “ New Deal” oo socon doona saddex maalmood. Shirkan ayaa waxaa kasoo qayb-galay mas’uuliyiin ka kala socda laamaha dowladda, xildhibaanno iyo ururrada bulshada rayidka ah.

9/3/2013 9:35 AM EST
Talaado, September 03, 2013 (HOL) — Inta la ogyahay laba qof ayaa ku dhintay tiro ka badan toban qof oo kalena way ku dhaawacmeen dab ka kacay goob shidaalka lagu kaydiyo oo ku taalla agagaarka dhismaha Say-biyaano ee degmada Hodan ee Magaalada Muqdisho.

9/3/2013 7:30 AM EST
Talaado, September 03, 2013 (HOL) — Dowladda Soomaaliya ayaa beenisay in la weeraray gaadiid uu la socday madaxweynaha Soomaaliya oo degmada Marko ee gobolka Shabeellada Hoose ku socday, kaddib markii Al-shabaab ay sheegtay inay weerartay gaadiidkii uu madaxweynuhu la socday.

9/3/2013 6:53 AM EST
Talaado, September 03, 2013 (HOL) - Ururka Alshabaab ee dagaalka kula jira dawlada Soomaaliya ayaa shaaciyay in weerar ay ku qaadeen gawaari kolonyo ah oo galbinaysay madaxweynaha Soomaaliya Xassan Sheekh Maxamuud oo maanta safar dhulka ah ku aaday magaalada Marka ee xarunta gobolka Shabeellaha hoose.

9/3/2013 3:50 AM EST
Talaado, September 03, 2013 (HOL) — Madaxweynaha Soomaaliya iyo wafdi uu hoggaaminayo ayaa saaka safar dhulka ah ku gaaray magaalada Marka ee xarunta gobolka Shabeellada Hoose, iyadoo tani ay noqonayso booqashadii ugu horreysay oo dhinaca dhulka ah oo madaxweynuhu uu ku tago deegaanno ka mid ah Soomaaliya.

9/3/2013 3:28 AM EST
Isniin, September 02, 2013 (HOL) — Xarunta dalka Itoobiya ee Addis Ababa waxaa xalay kulan ku yeeshay madaxweynaha Puntland C/raxmaan Maxamed Faroole iyo wasiirka arrimaha dibadda ee Itoobiya Tedros Adhanom. Kulanka ayaa ka dhacay Hotel Sheraton.