3/29/2024
Today from Hiiraan Online:  _
Wararka Maanta- Khamiis, Sept 12, 2013
Kulan isugu Jiray Wada-tashi iyo soo-dhaweyn oo Beelaha Jareer-weyne ay ku yeesheen Magaalada Muqdisho (SAWIRRO)


Khamiis, September 12, 2013 (HOL) — Kulan ay kasoo qaybgaleen xubno ka tirsan baarlamaanka Soomaaliya, siyaasiyiin, aqoonyahanno, haween iyo odayaal kasoo jeeda beelaha Jareer-weyne ayaa lagu qabtay Magaalada Muqdisho ee xarunta Soomaaliya.

Ujeeddada kulankan ayaa ahaa sii sagootinta iyo isbarashada aqoonyahan kasoo jeeda beeshaas oo lagu magacaabo, Cabdulqaadir Muudey Cabdi oo ka mid ahaa ka qeyb galyaashii shirweynihii Qaran geedi socodka siyaasadda  Soomaaliya oo toddobaadkii hore lasoo gabgabeeyay.

Kasoo qayb-galayaasha kulanka ayaa waxay muujiyeen sida ay ugu faraxsan yihiin shirkii Qaran ee geeddi-socodka siyaasadda dalka iyo imaasnaha C/qaadir Muudeey oo dalka ka maqnaa muddo 34-sano ah iyagoo xubnaha kale ee dalka maqan ugu baaqay inay iyaguna yimaadaan si ay qaybtooda uga qaataan dib u dhiska dalka iyo horumarintiisa.

Xildhibaan Maxamed Cumar Caymoy oo ahaa guddoomiyaha qaban-qaabada oo ka hadlay xaflada ayaa u mahadceliyay kasoo qayb-galayaasha isagoo hadalkiisa oo meelo badan taabanayay ayuu ku ayiday hadallo ay halkaas ka soo jeediyeen shacabka degga gobolka Shabeellada dhexe kaasoo ku salka ku hayay booqashadii Madaxweynaha uu ku tagay gobokaas isagoo sheegay inuu ahaa mid qayb ka ahaa safarro uu madaxweynuhu ku tagay gobollada dalka qaarkood.

Dadkii kulanka ka hadlay ayaa waxaa ka mid ahaa: Max’ed Jabriil Ibraahim, nabaddoon Abuukar Xaamuud Yare, Ugaas Aweys Sheekh Xuseen [Honera], Dahawa Suusow Maxamed, Faadumo Abuukar Mahdi, Xildhibaan Maxamed Cumar Ceymoy, Xildhibaan Maryan Aweys Jaamac, Xildhibaan Maxamed Cumar Maxmuud, Cabduqaadir Muudey Cabdi iyo Prof. Maxamed Cumar Dalxa, waxayna dhammaantood cabirayeen doorka siyaasada Beelaha Jareer weyne ay ku leeyihiin Soomaaliya.

Aqoonyahan Cabduqaadir Muudey oo qudbad dheer ka jeediyay kulanka ay yeesheen beelaha Jareer-weyne ayaa ka warbixiyay shirweynaihii Qaran ee wadatashiga Geeddi socodka siyaasada dalka, isagoo sheegay in dhammaan shacbka Soomaaliyeed looga baahan yahay inay qodobbadaas shirkaas qayb ka qaataan sidii ay u hirgeli lahaayeen.

“Aniga shirkaas waxaan ku matalayay bahweynta Jareer-weyne casuumadda waxaan ka helay dowaldda, runtiina si aad ah ayaan ugu faraxsanahay inaan ku soo laabto dalkayga aana la kulmo dadka aan kasoo jeedo,” ayuu yiri C/qaadir Muudeey oo ka halay kulanka.

Sidoo kale, aqoonyahankan wuxuu ku boorriyay dadka Soomaaliyeed gaar ahaan kuwa ku nool jiinka labada webi ee Soomaaliya inay u sitaagaan sidii ay qayb uga qaadan lahaayeen dib u dhiska dalkooda muddada dheer burburka ku jiray.

Ugu dambeyn, xildhibaanka Maxamed Cumar Dalxa ayaa hadal uu isaguna ka jeediyay kulanka wuxuu kula hadlay shacabka Soomaaliyeed gaar ahaan dadka ku abtirsada beelaha Jareer-weyne, isagoo yiri: “Soomaalida waxaan ugu baaqayaan wax walba inay nabad ku raadiyaan, beelaha jareer waa kuwo nabadda jecel 95%, waxaana ugu baaqayaa shacabka inaysan marna taageerin noocyada kala geddisan ee nabad-diidka ah ee beryahan kusoo kordhay dalkeen.”

Xaflada ayaa ku soo idlaatay hjwi farxadeed, qado sharaf iyo kulummo gooni-gooni ah oo lala yeelanayay aqoonyahan Cabdulqaadir Muudey Cabdi oo muddo dheer dalka ka maqnaa.









Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
9/12/2013 3:07 PM EST
Khamiis, September 12, 2013 (HOL) — Tababar ku saabsanaa sida ay haweenku isaga difaaci karaan kursiga oo maanta lagu soo gabagabeeyay xarunta AMISOM ee magaalada Muqdisho, iyadoo ay ka faa’iideysteen 20 haween ah oo ka kala socday gobollada Shabeellada Hoose, Banaadir iyo Shabeellada dhexe.

9/12/2013 12:49 PM EST
Khamiis, September 12, 2013 (HOL) — Wakiilka Mareykanka ee Soomaaliya, James McAnulyt ayaa sheegay in dowladdiisu ay soo dhaweynsayso go’aankii dowladda federaalka Soomaaliya uga mid noqotay 33 waddan oo taageeray go’aankii lixdii bishan laga gaaray arrimaha Siiriya.

9/12/2013 12:47 PM EST
Khamiis, September 12, 2013 (HOL) — Xarakada Al-shabaab oo dagaal kula jirta dowladda Soomaaliya ayaa sheegatay weerarkii maanta Sheekh Axmed Maxamed Islaam lagula beegsaday bartamaha magaalada Kismaayo, iyagoo sheegay inay ku dileen ciidammo, waxgarad iyo ajnabi la socday gaadiidkii uu Sheekh Axmed Madoobe watay.

9/12/2013 12:45 PM EST
Khamiis, September 12, 2013 (HOL) — Madaxa xiriirka bulshada iyo is-gaarsiinta ee ciidamada dalka Sierra Leone, Col. M. M. Samura ayaa sheegay in dalkiisu uu ciidammo u diri doono Soomaaliya kuwaasoo ku shaqeynaya magaca AMISOM.

9/12/2013 11:16 AM EST
Khamiis, September 12, 2013 (HOL) — Golaha wasiirrada Soomaaliya ayaa maanta yeeshay kulankoodii joogtada ahaa, kaasoo uu shir guddoominayay ra’iisul wasaaraha Soomaaliya, Cabdi Faarax Shirdoon, iyadoo looga dooday qodobbo ka mid ahaa kuwii kasoo baxay shirkii culumada Soomaaliyeed ee looga hadlay sida looga hortagi karo ku talax-tagga diinta ama xag-jirnimada.

9/12/2013 11:14 AM EST
Khamiis, September 12, 2013 (HOL) — Marwada Madaxweynaha Somaliland Marwo Aamina X Maxamed Jirde (Aamina Weris), ayaa munaasibad ay ku dhiirigalinayso haweenka ciidamadda kala duwan ku jira ee darajooyinka la siiyey ugu qabatay magaaladda Hargeysa.

9/12/2013 9:37 AM EST
Khamiis, September 12, 2013(HOL) :- Madaxa maamulka KMG ee Jubba Sheekh Axmed Max'ed Islaam (Axmed Madoobe) oo goor dhow shir jaraa'id ku qabtay xarunta madaxtooyada kismaayo ayaa sheegay in uu ka badbaaday isku day dil oo la doonayay in lagu qaarajiyo.

9/12/2013 9:17 AM EST
Khamiis, September 12, 2013(HOL) :- Afhayeenka maamulka Jubba C/naasir Seeraar Maax oo gordhow warbaahinta kula hadlay gudaha xarunta madaxtooyada Kismaayo ayaa sheegay in uu caafimaad qabo madaxa maamulka Jubba Sheekh Axmed Max’ed Islaam (Axmed Madoobe)

9/12/2013 8:40 AM EST
Khamiis, September 12, 2013 (HOL) — Madaxweynaha Soomaaliya, Xasan Sheekh Maxamuud ayaa cambaareeyay weerarkii maanta lagu dhaawacay hoggaamiyaha maamulka KMG ee Jubbooyinka, Sheekh Axmed Maxamed Islaam (Sheekh Axmed Madoobe).

9/12/2013 8:29 AM EST
Khamiis, September 12, 2013 (HOL) — Muwaadiniin reer Somaliland ah oo ka yimid dibadda oo Raaci lahaa Diyaarada Itoobiya, ayaa dhawrkii maalmood ee u dambeeyey ku xanibnaa magaaladda Hargeysa, kuwaas oo madaarka Hargeysa ka raaci lahaa Diyaaraddaasi.

9/12/2013 8:25 AM EST
Khamiis, September 12, 2013 (HOL) — Wafdi k socda dowladda federaalka Soomaaliya oo ka kooban xildhibaanno iyo golaha wasiirrada ayaa maanta gaaray magaalada Baydhabo ee xarunta gobolka, kaddib markii dhawaan loo diiday inay halkaas tagaan.

9/12/2013 7:35 AM EST
Khamiis, September 12, 2013 (HOL) — Hoteel ku yaalla magaalada Baydhabo oo ay deggenaayeen qurbo-joog kasoo jeeda goballada Bay iyo Bakool oo doonayay niay ka qaybgalaan shirweynaha lagu sameynayo maamulka Koonfur-galbeed Soomaaliya ayaa lagu weeraray bam-gacmeed.

9/12/2013 7:11 AM EST
Khamiis, September 12, 2013 (HOL) — Wararka ka imaanaya Kismaayo ayaa sheegaya in Sheekh Axmed Maxamed Islaam (Sheekh Axmed Madoobe) oo ka mid ah hoggaamiyeyaha maamulka KMG ah ee Jubba oo saakay ka dhoofay Muqdisho uu ku dhaawacmay qarax ismiidaamin ah oo ka dhacay Kismaayo baqonimadii maanta.

9/12/2013 7:00 AM EST
Khamiis, September 12, 2013 (HOL) — Weerar la sheegay inuu ku dhintay Cumar Shafiiq Xamaami oo ah hoggaamiye horay uga tirsanaa Al-shabaab iyo laba ruux oo kale oo mid uu ahaa ruux ajnbi ah oo dhalashadiisu ay ahayd Pakistan ayaa lagu dilay deegaan 30-km bari kaga beegan degmada Baardheer ee gobolka Gedo.

9/12/2013 6:51 AM EST
Khamiis, September 12, 2013 (HOL) — Kooxo bastoolado ku hubeysan ayaa xalay ku toogtay xaafadda Howl-wadaag ee magaalada Beledweyne nabadoon C/dulle Macalin Siyaad oo ka mid ahaa waxgaradka magaalada.

9/12/2013 4:47 AM EST
Khamiis, September 12, 2013(HOL) :- Wafdi ballaaran oo ay horkacayeen madaxa maamulka KMG ee Jubba Sheekh Axmed Max’ed Islaam (Axmed Madoobe) iyo kuxigeenkiisa Jen. C/laahi Sheekh Ismaaciil (Fartaag) ayaa maanta kasoo dagay garoonka magaalada Kismaayo.

9/12/2013 2:29 AM EST
Khamiis, September 12, 2013 (HOL) — Shir looga hadlayay xagjirnimada iyo ku talax-tagga diinta islaamka oo shalay lagu soo gabagabeeyay Muqdisho ayaa laga soo saaray fadwo ka dhan ah Al-shabaab, iyadoo looga digay dadka Soomaaliyeed inay ku biiraan ama ay caawiyaan.

9/12/2013 1:41 AM EST
Khamiis, September 12, 2013 (HOL) — Daadad ka dhasha fatahaad uu webiga Shabeelle sameeyo ayaa laga baqdin qabaa inay ku dhuftaan xarunta gobolka Shabeellada dhexe ee Jowhar, halkaasoo tan iyo xalay ay ka jirtay barakac ay sameynayeen dadka degmadaas ku nool.