3/28/2024
Today from Hiiraan Online:  _
Wararka Maanta- Sabti, Oct 12, 2013
Israsaaseyn geystay khasaare isugu jira dhimasho iyo dhaawac oo Maanta ka dhacday degmada Dharkeynley ee Muqdisho

Sabti, Oktoobar 12, 2013 (HOL) — Haweeney rayid ah ayaa ku geeriyootay saddex qof oo kalena way ku dhaawacmeen israsaaseyn u dhexeysay askar kawada tirsan ciidamada dowladda Somalia oo maanta ka dhacday degmada Dharkeynley ee gobolka Banaadir.

Israsaaseyntan oo u dhexeysay askari milateri ah oo isbaaro dhigtay xaafad ka tirsan degmada Dharkeynley iyo ciidammo booliis ah oo kasoo horjeeday isbaaradaas, iyadoo askariga milateriga ah uu dhaawac soo gaaray.

“Dagaal kooban ayaa maanta baqadii ka dhacay xaafadda Tabakaayo Madow oo ka tirsan degmada Dharkeynley, waxaana dagaalku uu u dhexeeyay mid ka mid ah ciidamada milateriga oo isbaaro dhigtay xaafaddaas iyo ciidammo booliis ah oo diidanaa isbaarada,” ayuu yiri goobjooge lagu magacaabo Cali Cumar oo ka mid ah ka mid ah dadka ku nool xaafadda lagu dagaalamay.

Sidoo kale, goobjooguhu wuxuu sheegay inuu arkay maydka haweeney rayid ah oo rasaastii la is-dhaafsaday ay ku dhacday iyo dhaawaca saddex qof oo kale oo uu ku jiro askarigii isbaarada dhigtay.

Ciidamadii booliiska ahaa ayaa la sheegay in dhaawicii askariga ay iyagu ka qaadeen goobta, waxaana tani ay noqonaysaa falkii ugu horreeyay noociisa oo dhawaanahan ka dhaca degmada Dharkeynley.

Guddoomiyaha degmada Dharkeynley ayaa sheegay in howshan ay qayb ka tahay howlaha looga hortagayo kuwa dhigta isbaarooyinka dadka lagu dhaco wuxuuna xusay in ciidamada booliisku ay ku guuleysteen inay sugaan guud ahaan amniga degmada.

Degmada Dharkeynley ayaa waxay ka mid ahayd degmooyinkii ay yaalleen isbaarooyinkii ugu badnaa, inkastoo sannadkan horraantiisa amar uu soo saaray madaxweynaha Soomaaliya lagu qaaday isbaarooyinkaas.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
10/12/2013 4:17 PM EST
London(HOL)-Dowlada Engriiska ayaa munaasabada todobaadka Calanka Soomaaliya awgeed waxay maanta dowlada Soomaaliya ku wareejisay calanki safaaradi hore ee Soomaaliya kulahayd London.

10/12/2013 2:50 PM EST
Sabti, Oktoobar 12, 2013 (HOL) — Madaxweynaha Soomaaliya, Xasan Sheekh Maxamuud ayaa magaalada Addis Ababa ee dalka Itoobiya kula kulmay maanta madaxweynaha dalka Uganda, Yoweri Museveni iyo ku ra’iisul wasaaraha dalka Itoobiya, Hailemariam Desalegn.

10/12/2013 10:47 AM EST
Sabti, Oktoobar 12, 2013 (HOL) — Wasiirka Duulista Hawada Somaliland Maxamuud Xaashi ayaa sheegay inay Soomaaliya jabisay heshiishkii dhinaca hawadda ee dhexmaray Somaliland iyo Soomaaliyo,isla markaana ka hadlay ka soo yeedhay wasiirka Warfaafinta iyo gaadiidka Cirka ee Soomaaliya C/laahi Ciilmooge oo sheegay inay hawadda Soomaaliya laga maamuli doonno magaaladda Muqdisho.

10/12/2013 10:41 AM EST
Sabti, Oktoobar 12, 2013 (HOL) — Shirkii madaxda ururka Midowga Afrika ayaa lasoo gaba-gabeeyey iyadoo go'aanadii kasoo baxay ay ka mid yihiin in madaxweyne ama ku xigeen Afirkaan ah aan looga yeeri karin maxkamadda dambiyada caalamiga ah ee ICC, lana xushmeeyo mudada ay xilka hayaan.

10/12/2013 10:19 AM EST
Sabti, Oktoobar 12, 2013 (HOL) — Naadiga dhaqanka ee SYL-II ayaa xaflad ballaaran oo shahaado lagu guuddoonsiiyay ugu qabtay Muqdihso fannaanadda weyn ee Hibo Maxamed Hudoon (Hibo Nuura), iyadoo xafladdan ay Khamiistii lasoo dhaafay ka dhacday hoteelka Saxafi.

10/12/2013 10:01 AM EST
Sabti, Oktoobar 12, 2013 (HOL) — Madaxweynaha Somalia, Xasan Sheekh Maxamud ayaa kulan gaar ah la qaatay madaxweynaha dalka Jabuuti, Ismaaciil Cumar Geelle ka hor intii uusan furmin shirkii madaxda Midowga Afrika.

10/12/2013 9:10 AM EST
Sabti, Oktoobar 12, 2013 (HOL) — Munaasabad ballaaran oo ay kasoo qayb-galeen diplomaasiyiin ay ka mid ahaayeen safiirka Nigeria u fadhisa Holland, safiirka dalka Ghana, safiirka Sierra Leone, xubno ka socotay dowladda Kenya, baarlamaanka EU-da qaybtiisa horumarinta Afrika iyo shaqsiyaad kale oo ay ka mid yihiin gabadha haysata kaalinta laabad ee quruxda Afrika, gabadha haysata biladda Top Model-ka, jiliyaal caan ah iyo xubno kale, isla markaana lagu bixinayay abaal marinta Africa Achievers Award 2013 ayaa lagu qabtay magaalada Almere ee dalka Netherlands.

10/12/2013 8:48 AM EST
Sabti, Oktoobar 12, 2013 (HOL) — Qaar ka mid ah Odayaasha iyo waxgaradka Somaliland ayaa beeniyey warar laga qoray Sheekh Siciid Axmed Jaamac oo ah maamulaha laanta Burco ee shirkadda Afrikan Online inay Al shabaab u magacowday gudoomiyaha magaaladda Baraawe.

10/12/2013 8:31 AM EST
Sabti, Oktoobar 12, 2013 (HOL) — Ra’iisul wasaaraha Somalia, Cabdi Faarax Shirdoon oo maanta shir jaraa’id ku qabtay xafiiskiisa Muqdisho ayaa ka hadlay maalinta calanka iyo muhiimada ay u leedahay Soomaaliya.

10/12/2013 8:29 AM EST
Sabti, Oktoobar 12, 2013 (HOL) — Ururka Midowga Afrika ayaa dalbaday in la kordhiyo ciidamada AMISOM ee ku sugan Soomaaliya, si dagaalka lagula jiro Al-shabaab oo sheegatay mas’uuliyadda weerarkii Westgate Mall loo xoojiyo.

10/12/2013 2:23 AM EST
Sabti, Oktoobar 12, 2013 (HOL) — Dowladda Kuwait ayaa sheegtay inay ku dhisayso garoonka diyaaradaha magaalada Garoowe ee xarunta Puntland iyo jaamacadda Maakhir lacag dhan 10-milyan oo doollar oo amaah ah.

10/12/2013 2:01 AM EST
Sabti, Oktoobar 12, 2013 (HOL) — Madaxweynaha Somalia, Xasan Sheekh Maxamuud ayaa hambalyo ku aaddan sannad-guuradii 59-aad ee kasoo wareegtay markii ugu horreysay oo calan Soomaaliyeed laga taago ciidda Soomaaliya u diray shacabka Soomaaliyeed.