3/28/2024
Today from Hiiraan Online:  _
Wararka Maanta- Sabti, Oct 12, 2013
RA’IISUL WASAARE SAACID: “Waxaan shacabka Soomaaliyeed oo dhan ugu baaqayaa midnimo maanta oo ah maalintii Calanka”

Sabti, Oktoobar 12, 2013 (HOL) — Ra’iisul wasaaraha Somalia, Cabdi Faarax Shirdoon oo maanta shir jaraa’id ku qabtay xafiiskiisa Muqdisho ayaa ka hadlay maalinta calanka iyo muhiimada ay u leedahay Soomaaliya.

Mudane Saacid ayaa ummada Soomaaliyeed uga hambalyeeyay maalintii ugu horreysay oo calanka Soomaaliyeed laga taagay Soomaaliya oo ay ka soo wareegtay 59-sano taasoo ku beegnayd 12-kii Oktoobar 1954-kii. Isagoo xusay in calanku u yahay astaan muujinaysa halgankii dheeraa ee ummadda Soomaaliyeed ay u soo gashay madax-bannaanideeda.

"Maalinta qaaliga ah waxaan ummadda Soomaaliyeed ugu baaqayaa inay la yimaadaan midnimo, walaalnimo iyo in la eego waxa naga dhexeeya ee aan la eegin waxa na qaybiya oo kaliya. Sidoo kale waxaan ugu baaqayaa inaan kor u eegno calankeenna qurxoon oo aan u wada guntano sidaan ku difaaci lahayn qaranimadeena iyo sharafteena,” ayuu yiri ra’iisul wasaare Saacid oo intaas ku daray in calanku uu yahay kan keliya ee Soomaalida kulmiya.

Sidoo kale, ra'iisul wasaare Saacid ayaa tilmaamay in hakad dheer ku yimid habsami u socodkii hannaanka dowliga ah iyo horumarkii dalka. Wuxuuna ku sheegay shirkiisa jaraa’id in Soomaalida qarnigan joogta ayka gaabiyeen in ay gutaan waajibka ka saaran qaranka iyo calanka. Isagoo sheegay in 22-kii sano ee lasoo dhaafay uu hoos dhacay.

"Caqabadda ugu weyn ee nagu habsatay, welin na haysta waa qabiilka iyo sida qotada dheer ee uu shacabka Soomaaliyeed u kala qaybiyay. Inkastoo waddaniyiintii u soo halgamay qarannimadeena ay si weyn uga digeen khatarta qabiilka, waxaana hubaal ah in kala qayb-sanaan aanan meelna ku gaarayn, haddana wali ummad ahaan kama aynaan gudbin inaan taageero weyn u hayno qabiilka iyo qabyaaladda," ayuu ra’iisul wasaaruhu ku daray hadalkiisa.

Ra'iisul wasaaraha ayaa ugu baaqay ummada Soomaaliyeed in loo baahan yahay in laga gudubo qolo-qolada si aan qaran xooggan iyo hal qabiil oo qura u noqono. Wuxuuna intaas ku daray in dhamaan laga wada qayb-qaato sidii loo dhisi lahaa Sooomaaliya oo nabad kuwada noolata dariskeeda iyo caalamka oo dhan, sharcigu u taliyo, horumarna hiigsanaysa.

Ugu dambaeyntii wuxuu ra’iisul wasaaruhu ku baaqay in la iska kaashado la dagaalanka Al-shabaab oo uu sheegay inay diiddan yihiin calanka iyo weliba astaanta Soomaaliya isla markaana doonaya inay shacabka madax-farasho ahaan u haystaan.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
10/12/2013 4:17 PM EST
London(HOL)-Dowlada Engriiska ayaa munaasabada todobaadka Calanka Soomaaliya awgeed waxay maanta dowlada Soomaaliya ku wareejisay calanki safaaradi hore ee Soomaaliya kulahayd London.

10/12/2013 2:50 PM EST
Sabti, Oktoobar 12, 2013 (HOL) — Madaxweynaha Soomaaliya, Xasan Sheekh Maxamuud ayaa magaalada Addis Ababa ee dalka Itoobiya kula kulmay maanta madaxweynaha dalka Uganda, Yoweri Museveni iyo ku ra’iisul wasaaraha dalka Itoobiya, Hailemariam Desalegn.

10/12/2013 10:47 AM EST
Sabti, Oktoobar 12, 2013 (HOL) — Wasiirka Duulista Hawada Somaliland Maxamuud Xaashi ayaa sheegay inay Soomaaliya jabisay heshiishkii dhinaca hawadda ee dhexmaray Somaliland iyo Soomaaliyo,isla markaana ka hadlay ka soo yeedhay wasiirka Warfaafinta iyo gaadiidka Cirka ee Soomaaliya C/laahi Ciilmooge oo sheegay inay hawadda Soomaaliya laga maamuli doonno magaaladda Muqdisho.

10/12/2013 10:41 AM EST
Sabti, Oktoobar 12, 2013 (HOL) — Shirkii madaxda ururka Midowga Afrika ayaa lasoo gaba-gabeeyey iyadoo go'aanadii kasoo baxay ay ka mid yihiin in madaxweyne ama ku xigeen Afirkaan ah aan looga yeeri karin maxkamadda dambiyada caalamiga ah ee ICC, lana xushmeeyo mudada ay xilka hayaan.

10/12/2013 10:19 AM EST
Sabti, Oktoobar 12, 2013 (HOL) — Naadiga dhaqanka ee SYL-II ayaa xaflad ballaaran oo shahaado lagu guuddoonsiiyay ugu qabtay Muqdihso fannaanadda weyn ee Hibo Maxamed Hudoon (Hibo Nuura), iyadoo xafladdan ay Khamiistii lasoo dhaafay ka dhacday hoteelka Saxafi.

10/12/2013 10:01 AM EST
Sabti, Oktoobar 12, 2013 (HOL) — Madaxweynaha Somalia, Xasan Sheekh Maxamud ayaa kulan gaar ah la qaatay madaxweynaha dalka Jabuuti, Ismaaciil Cumar Geelle ka hor intii uusan furmin shirkii madaxda Midowga Afrika.

10/12/2013 9:10 AM EST
Sabti, Oktoobar 12, 2013 (HOL) — Munaasabad ballaaran oo ay kasoo qayb-galeen diplomaasiyiin ay ka mid ahaayeen safiirka Nigeria u fadhisa Holland, safiirka dalka Ghana, safiirka Sierra Leone, xubno ka socotay dowladda Kenya, baarlamaanka EU-da qaybtiisa horumarinta Afrika iyo shaqsiyaad kale oo ay ka mid yihiin gabadha haysata kaalinta laabad ee quruxda Afrika, gabadha haysata biladda Top Model-ka, jiliyaal caan ah iyo xubno kale, isla markaana lagu bixinayay abaal marinta Africa Achievers Award 2013 ayaa lagu qabtay magaalada Almere ee dalka Netherlands.

10/12/2013 8:48 AM EST
Sabti, Oktoobar 12, 2013 (HOL) — Qaar ka mid ah Odayaasha iyo waxgaradka Somaliland ayaa beeniyey warar laga qoray Sheekh Siciid Axmed Jaamac oo ah maamulaha laanta Burco ee shirkadda Afrikan Online inay Al shabaab u magacowday gudoomiyaha magaaladda Baraawe.

10/12/2013 8:40 AM EST
Sabti, Oktoobar 12, 2013 (HOL) — Haweeney rayid ah ayaa ku geeriyootay saddex qof oo kalena way ku dhaawacmeen israsaaseyn u dhexeysay askar kawada tirsan ciidamada dowladda Somalia oo maanta ka dhacday degmada Dharkeynley ee gobolka Banaadir.

10/12/2013 8:29 AM EST
Sabti, Oktoobar 12, 2013 (HOL) — Ururka Midowga Afrika ayaa dalbaday in la kordhiyo ciidamada AMISOM ee ku sugan Soomaaliya, si dagaalka lagula jiro Al-shabaab oo sheegatay mas’uuliyadda weerarkii Westgate Mall loo xoojiyo.

10/12/2013 2:23 AM EST
Sabti, Oktoobar 12, 2013 (HOL) — Dowladda Kuwait ayaa sheegtay inay ku dhisayso garoonka diyaaradaha magaalada Garoowe ee xarunta Puntland iyo jaamacadda Maakhir lacag dhan 10-milyan oo doollar oo amaah ah.

10/12/2013 2:01 AM EST
Sabti, Oktoobar 12, 2013 (HOL) — Madaxweynaha Somalia, Xasan Sheekh Maxamuud ayaa hambalyo ku aaddan sannad-guuradii 59-aad ee kasoo wareegtay markii ugu horreysay oo calan Soomaaliyeed laga taago ciidda Soomaaliya u diray shacabka Soomaaliyeed.