12/8/2022
Today from Hiiraan Online:  _
Wararka Maanta- Isniin, May 6 , 2013
Guddiga Doorashooyinka Puntland oo Shaaciyay Xilliga ay ku Eg-tahay Soo Gudbinta Musharrixiinta Ururada Siyaasadda


Isniin, May 06, 2013 (HOL) — Guddiga kumeel gaarka ah ee doorashooyinka Puntland ayaa maanta shaaciyey xilliga ay ku egtahay soo gudbinta musharrixiinta ururada siyaasadda uga qayb geli doona doorashooyinka goleyaasha deegaanka ee soo socda.

Gudoomiyaha guddiga Prof. Maxamed Xasan Barre oo maanta shir-saxaafadeed ku qabtay xaruntooda magaalada Garoowe, ayaa sheegay in 11-ka bishan socota ee May, ay tahay maalinta ugu danbeysa ee lasoo gudbin karo araajida musharrixiinta.

Isagoo taas ka hadlayana wuxuu yiri: “Bisha socota ee May 11-keeda waxaa ku eg qabashada araajida musharrixiinta, dhamaan ururada siyaasadda ee daneynaya doorashada, waxan ku wargelinaynaa in ay arintaas fiiro gaar ah u yeeshaan”

Guddoomiyaha ayaa dhinaca kale sheegay in uu socdo dadaal ku aadan sidii loo dhisi lahaa maxkamadda dastuuriga ah, arintaas oo ay horay cabasho uga mujiiyeen qaar kamid ah ururada siyaasadda ee Puntland.

“Waxaa madaxweynuhu nagu soo wargeliyey in gacanta lagu hayo sharcigii lagu dhisi lahaa maxkamadda dastuuriga ah, dhowaanna loo gudbin doono golaha xeer dejinta, waxaana qorshuhu yahay in maxkamadaas la dhiso doorashada kahor” Guddoomiyaha guddiga doorashooyinka Puntland ayaa yiri.

Doorashada goleyaasha deegaanka Puntland –oo ah tii ugu horeysey ee nooceeda ah- oo xilliga la shaaciyey in ay qbasoomi doonto ay muddo koobani ka harsan tahay, waxaa qaadacay saddex kamid ah lixda urur-siyaasadeed ee ay guddiga doorashooyinku aqoonsan yihiin.

Ururada sheegay in aysan doorashada ka qayb geli doonin ayaa kala ah: MIDNIMO, UDAD iyo HORCAD. Inkasta oo sababaha ay doorashada ku qaadeceen ay kala duwan yihiin, waxay hadana ka mideysan yihiin qodobka ah: in la sameeyo maxkamad dastuuri ah; taasoo ay sheegeen in la’aanteed aysan doorashadu noqon karin mid xalaal ah.

Maxamed Salaad Xaaji Dirir, Hiiraan Online
[email protected]
Puntland, Soomaaliya













Click here
5/6/2013 9:13 AM EST
Isniin, May 06, 2013 (HOL) — Mas'uuliyiinta maamulka gobollka Hiiraan iyo saraakiisha ciidamada midowgga Africa AMISOM ayaa maanta kulan kula yeeshay magaalada Baladweyne ee xarunta gobollka Hiiraan wafdi ballaaran oo ka socday hay'addaha samafalka QM.

5/6/2013 9:03 AM EST
Isniin, May 06, 2013 (HOL) — Dowladda Qatar ayaa si adag u cambaareysay weerarkii Ismiidaaminta ahaa ee ay Al-shababa kula beegsatay Muqdisho samafalayaal dalkeeda u dhashay, sida lagu sheegay war-saxaafadeed ay baahisay wakaaladda wararka Qatar.

5/6/2013 8:43 AM EST
Isniin, May 06, 2013 (HOL) — Waxaa dhawaanaha gobolka Bakool ka socday dagaal ay ciidamada dowlada kula jireen xoogaga Al-shabaab, kuwaasoo ay ku qabsadeen tuulooyinka kala ah: Garas-weyne, kulan-jareer, Ceel-garas iyo Gubate, iyagoo deegaannadasa isaga baxayay markii saacado joogaan.

5/6/2013 8:30 AM EST
Isniin, May 06, 2013 (HOL) — Madaxweynaha Soomaaliya, Xasan Sheekh Maxamuud iyo wafdi uu hoggaaminayo ayaa gaaray magaalada London ee xarunta dalka Britain, halkaasoo uu maalinta berri ah ka furmayo shir loo qabanayo Soomaaliya, si yabooh dhaqaale loogu ururiyo.

5/6/2013 8:13 AM EST
Isniin, May 06, 2013 (HOL) — Ciidamada ammaanka Soomaaliya ayaa dib u xiray jidadka waaweyn ee Muqdisho, maalin kaddib markii uu isgoyska KM-4 ka dhacay weerar ismiidaaminta ah oo sababay dhimasho iyo dhaawac fara badan, kaasoo ay mas’uuliyaddiisa sheegatay Al-shabaab.

5/6/2013 8:08 AM EST
Isniin, May 06, 2013 (HOL) — Waxaa maanta garoonka diyaaradaha ee magaalada Boosaaso laga soo dejiyey sagaal maxbuus oo Soomaali ah, kuwaas oo horay maxkamad ku taalla dalka Seychelles ay ugu xukuntay falal lala xiriira burcad-badeednimo.

5/6/2013 3:23 AM EST
Isniin, May 06, 2013(HOL) :- Dagaalyahanno katirsan xarakada Al-shabaab ayaa xalay saqdii dhexe weerar qorsheeysan ku qaaday deegaanka Dhoobleey ee gobolka J/hoose, iyadoona weerarkaasi uu ahaa mid ay labada dhinac isu adeegsanayeen hubka noocyadiisa kala duwan.

5/6/2013 1:40 AM EST
Isniin, May 06, 2013 (HOL) — Barnaamijkan loo bixiyey FAGAARAHA oo ah mid soo socday bilihii ugu dambeeyey, kana billowday gobolka ay Soomaalidu ku badan tahay ee Minnesota, ayaa lagu jeex-jeexaa mowduucii xiligaasi bulshada dhex-deeda saameyn muuqata ku leh, iyadoo la isku weydiiyo su’aalo badan, si loo curiyo jawaabo caqli-gal ah oo dawo u noqon-kara mushkiladda laga hadlayo, waxaana tododobaadkaan qeybtaan oo ahayd tiisi afraad lagu gorfeeyey nidaamka federalism-ka iyo sida Soomaaliya uu uga dhaqan-geli karo.

5/6/2013 12:28 AM EST
Isniin, May 06, 2013 (HOL) — Ra’iisul wasaaraxa Soomaaliya, Cabdi Faarax Shirdoon (Saacid) ayaa dhaleeceeyay qaraxii ismiidaaminta ahaa ee shalay ka dhacay isgoyska KM-4 ee magaalada Muqdisho, isagoo ku tilmaamay fal argagaxiso oo lagu gumaaday dad shacab ah oo aan waxba galabsan.