12/8/2022
Today from Hiiraan Online:  _
Wararka Maanta- Isniin, May 6 , 2013
Ciidamada Ammaanka Soomaaliya oo dib u xiray Waddooyinka muhimka ah ee mara bartamaha Magaalada Muqdisho

Isniin, May 06, 2013 (HOL) — Ciidamada ammaanka Soomaaliya ayaa dib u xiray jidadka waaweyn ee Muqdisho, maalin kaddib markii uu isgoyska KM-4 ka dhacay weerar ismiidaaminta ah oo sababay dhimasho iyo dhaawac fara badan, kaasoo ay mas’uuliyaddiisa sheegatay Al-shabaab.

Taliska ciidanka booliiska Soomaaliyeed ayaa ku sheegay dib u xiridda waddooyinka muhiimka ah ee Muqdisho kuwo lagu adkeynayo ammaanka si uuusan u dhicin weerarkii shalay oo kale.

Waddooyinka la xiray ayaa waxaa ka mid ah jidka Maka Al-Mukarama, sidoo kale waxaa la xiray, isgoysyada KM-4, Zope iyo Banaadir, iyadoo gaadiidka ay dadweynuhu la socdaan ay dadka ku dajinayaan meel ku dhow goobaha xiran.

“Tani waa tallaabo kale oo lagu doonayo in dadka lagu curyaamiyo, waayo waxay ahayd in dowladdu ay siyaabo kale ku sugto ammaanka, tani ma mid lagu sugo ammaankaa,” ayuu yiri ruux shaqaale ah oo gaadiidka ka dagay.

Haweeney kale oo waayeel ah ayaa iyaduna sheegtay inay la yaaban tahay sida ay dowladdu wax u waddo, iyadoo sheegtay in markii waddooyinka la furo ay qaraxyadu dhacayaan, taasoo u muuqata mid la isaga horkeenayo dowladda iyo shacabka.

Askar ka tirsan ciidamada dowladda Soomaaliya ayaa la rakayay iyagoo mar walba qoryaha ku fiiqaya gaadiidka dadweynaha, waxaana mararka qaar ka dhacda jidadka in rasaas lagu furo gaadiidka.

Waddooyinka dib loo xiray ayaa waxaa aroornimadii hore ee dorraad oo Sabti ahayd, iyagoo  xirnaa afar maalmood iyadoo madaxda dowaddu ay ku sheegeen xirnaashahaas kuwo ammaanka lagu adkeynayo.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
5/6/2013 9:37 AM EST
Isniin, May 06, 2013 (HOL) — Guddiga kumeel gaarka ah ee doorashooyinka Puntland ayaa maanta shaaciyey xilliga ay ku egtahay soo gudbinta musharrixiinta ururada siyaasadda uga qayb geli doona doorashooyinka goleyaasha deegaanka ee soo socda.

5/6/2013 9:13 AM EST
Isniin, May 06, 2013 (HOL) — Mas'uuliyiinta maamulka gobollka Hiiraan iyo saraakiisha ciidamada midowgga Africa AMISOM ayaa maanta kulan kula yeeshay magaalada Baladweyne ee xarunta gobollka Hiiraan wafdi ballaaran oo ka socday hay'addaha samafalka QM.

5/6/2013 9:03 AM EST
Isniin, May 06, 2013 (HOL) — Dowladda Qatar ayaa si adag u cambaareysay weerarkii Ismiidaaminta ahaa ee ay Al-shababa kula beegsatay Muqdisho samafalayaal dalkeeda u dhashay, sida lagu sheegay war-saxaafadeed ay baahisay wakaaladda wararka Qatar.

5/6/2013 8:43 AM EST
Isniin, May 06, 2013 (HOL) — Waxaa dhawaanaha gobolka Bakool ka socday dagaal ay ciidamada dowlada kula jireen xoogaga Al-shabaab, kuwaasoo ay ku qabsadeen tuulooyinka kala ah: Garas-weyne, kulan-jareer, Ceel-garas iyo Gubate, iyagoo deegaannadasa isaga baxayay markii saacado joogaan.

5/6/2013 8:30 AM EST
Isniin, May 06, 2013 (HOL) — Madaxweynaha Soomaaliya, Xasan Sheekh Maxamuud iyo wafdi uu hoggaaminayo ayaa gaaray magaalada London ee xarunta dalka Britain, halkaasoo uu maalinta berri ah ka furmayo shir loo qabanayo Soomaaliya, si yabooh dhaqaale loogu ururiyo.

5/6/2013 8:08 AM EST
Isniin, May 06, 2013 (HOL) — Waxaa maanta garoonka diyaaradaha ee magaalada Boosaaso laga soo dejiyey sagaal maxbuus oo Soomaali ah, kuwaas oo horay maxkamad ku taalla dalka Seychelles ay ugu xukuntay falal lala xiriira burcad-badeednimo.

5/6/2013 3:23 AM EST
Isniin, May 06, 2013(HOL) :- Dagaalyahanno katirsan xarakada Al-shabaab ayaa xalay saqdii dhexe weerar qorsheeysan ku qaaday deegaanka Dhoobleey ee gobolka J/hoose, iyadoona weerarkaasi uu ahaa mid ay labada dhinac isu adeegsanayeen hubka noocyadiisa kala duwan.

5/6/2013 1:40 AM EST
Isniin, May 06, 2013 (HOL) — Barnaamijkan loo bixiyey FAGAARAHA oo ah mid soo socday bilihii ugu dambeeyey, kana billowday gobolka ay Soomaalidu ku badan tahay ee Minnesota, ayaa lagu jeex-jeexaa mowduucii xiligaasi bulshada dhex-deeda saameyn muuqata ku leh, iyadoo la isku weydiiyo su’aalo badan, si loo curiyo jawaabo caqli-gal ah oo dawo u noqon-kara mushkiladda laga hadlayo, waxaana tododobaadkaan qeybtaan oo ahayd tiisi afraad lagu gorfeeyey nidaamka federalism-ka iyo sida Soomaaliya uu uga dhaqan-geli karo.

5/6/2013 12:28 AM EST
Isniin, May 06, 2013 (HOL) — Ra’iisul wasaaraxa Soomaaliya, Cabdi Faarax Shirdoon (Saacid) ayaa dhaleeceeyay qaraxii ismiidaaminta ahaa ee shalay ka dhacay isgoyska KM-4 ee magaalada Muqdisho, isagoo ku tilmaamay fal argagaxiso oo lagu gumaaday dad shacab ah oo aan waxba galabsan.