12/2/2023
Today from Hiiraan Online:  _
Wararka Maanta- Axad, May 5 , 2013
Taliyeyaasha cusub ee Hay’adda Nabadsugiddaiyo Booliiska Soomaaliya oo maanta loo dhaariyay xilalkooda (SAWIRRO)


Axad, May 05, 2013 (HOL) — Xarunta madaxtooyada Soomaaliya ayaa lagu dhaariyay maanta taliyaha cusub ee hay’adda nabadsugidda Qaranka iyo taliyaha cusub ee ciidanka Booliiska Soomaaliya, waxaana dhaarinta goob-joog ka ahaa madaxweynaha Soomaaliya, Xasan Sheekh Maxamuud.

Taliyaha nabadsugidda, C/kariin Daahir Siciid (Saacid) iyo taliyaha booliiska, Bashiir Maxamed Jaamac (Bashiir Goobe) ayaa waxaa dhaariyay guddoomiyaha maxkamadda sare ee dalka, Avv. Caydiid C/llaahi Ilko-xanaf, iyadoo labadan mas’ul la dhaariyay iyadoo aan la hogeyn baarlamaanka Soomaaliya.

Madaxweynaha Soomaaliya ayaa labadan mas’uul kula dar-daaray inay dar-dargeliyaan howlaha ammaanka dalka, isagoo ku boorriyay inay howsha kasii wadaa halkii ay soo gaarsiiyeen taliyeyaashii hore.

“Waxaan la idinka doonayaa inaad xoojisaan ammaanka dalka, waxaana la idiin magacaabay in isbedel muuqda laga dareemo dhinaca ammaanka, howsha aad haysaanna waa mid culus, waxaana rajeynaynaa inaand kasoo bixi doontaan,” ayuu madaxweynuhu ku yiri taliyeyaasha la dhaariyay.

Labadan mas’uul ayaa waxaa lagu ansixiyay magacaabiddooda shirkii ay golaha wasiirrada xukuumadda Soomaaliya yeesheen toddobaadkii lasoo dhaafay, iyadoo madaxda dowladda ay horay u sheegeen inay isbedel weyn ku sameyn doonaan hoggaanka hay’adaha ammaanka dalka.

Dowladda Soomaaliya oo jirta sideed bilood ah ayaa waxay weli la daalaa-dhacaysaa sugidda ammaanka Muqdisho, iyadoo ay ka dhacayaan qaraxyo qorsheysan iyo dilal loo geysto mas’uuliyiinta dowladda, kuwaasoo ay mas’uuliyadooda sheegato Al-shabaab.

Taliska milateriga Soomaaliya ayaa dhawaan loo magacaabay taliye iyo abaanduule cusub, kaddib markii xilalka laga qaaday taliyihii hore iyo ku xigeenkiisii, iyadoo aysan muuqan wax isbedel ah oo la taaban karo.




Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
Shir dib lagu soo nooleynayay Ururkii RRA oo lagu qabtay deegaan ku yaalla duleedka Degmada Baydhabo ee Gobolka Bay
5/5/2013 1:25 PM EST
Axad, May 05, 2013 (HOL) — Shir ay yeesheen saraakiishii hore ee RRA oo dib loogu soo nooleynayay jabhaddan ayaa muddo toddobaad ah ka socday duleedka magaalada Baydhabo ee xarunta gobolka Bay, iyadoo shirakas looga hadlay arrimo fara badan.

Deeq Lacageed oo la Gaarsiiyay Qoysaska uu Dannab ama Biriqi Waxyeello ugu geystay duleedka Magaalada Laascaanood
5/5/2013 1:12 PM EST
Axad, May 05, 2013 (HOL) — Deeq lacageed oo ka badan 3,000 oo doolarka Maraykanka ah ayaa la gaarsiiyey qoysas danab ama biriqi ay dhawaan ku waxyeellaysay duleedka magaalada Laascaanood ee xarunta Gobolka Sool.

Madaxweynaha dalka Jabuuti oo ka mid ah madaxda ka qaybgalaysa shirka Somalia loogu qabanayo Magaalada London
5/5/2013 11:49 AM EST
Axad, May 05, 2013 (HOL) — Madaxweynaha dalka Jabuuti, Ismaaciil Cumar Geelle iyo wafdi heer sare ah oo uu hoggaaminayo ayaa ka qaybgalay shirka Soomaaliya loogu qabanayo magaalada London ee xarunta Britain oo lagu wado inuu furmo maalinta Talaadada ah ee soo socota.

Daah-furka Buug cusub oo ay Qortay Dahabo Cumar oo lagu qabtay xarunta Dalka Kenya ee Nairobi (DAAWO SAWIRRO)
5/5/2013 9:30 AM EST
Xaflad lagu soo bandhigay buug cusub oo ay qortay Dahabo Cumar Maxamed oo ahaan jirtay dublamaasiyad kasoo shaqaysay xiriirka dibadda ee Soomaaliya xilligii dawladii kacaanka, gaar ahaanna safaaradihii ay Soomaaliya ku lahayd qaar kamid wadamada afrika ayaa lagu qabtay magaalada Nairobi, ee xarunta dalka Kenya.

XASAN SHEEKH: “Dowladdu Waxay Fashilisay Qorshayaal oo Al-shabaab ay doonaysay inay fuliso Muqdisho” (SAWIRRO)
5/5/2013 9:03 AM EST
Axad, May 05, 2013 (HOL) — Madaxweynaha Soomaaliya, Xasan Sheekh Maxmauud oo dadweyne fara badan kula hadlayay degmada Dayniile ee gobolka Banaadir ayaa sheegay in dowladda Soomaaliya oo kaashanaysa shacabigeed ay fashilisay qorshayaal badan oo Al-shabaab ay doonaysay inay ka fuliso Muqdisho.

MADAXWEYNE SIILAANYO “Illaa hada Ma jirto cid Ictiraaf buuxa noo Fidisay Balse Dunida way inala macaamishaa” (SAWIRRO)
5/5/2013 8:31 AM EST
Axad, May 05, 2013 (HOL) — Madaxweynaha Somaliland iyo Weftigiisi oo dalka dib ugu soo laabtay, ayaa sheegay inay guul u ahayd safarkan uu dhawrka todobaad ku tagay dalal badan oo caalamka, isla markaana ka soo dhaadhiciyey qadiyada madax bananidda Somaliland.

Al-shabaab oo Sheegtay Mas’uuliyadda Weerarkii Ismiidaaminta ahaa ee ka dhacay Muqdisho kuna hanjabtay Qaraxyo kale
5/5/2013 8:17 AM EST
Axad, May 05, 2013 (HOL) — Xarakada Al-shabaab ayaa sheegtay inay ka dambeysay weerarkii ismiidaaminta ahaa ee ka dhacay Isgoyska KM-4 ee magaalada Muqdisho, iyagoo ku hanjabay inay weerarro kale oo cusub ka gysan doonaan caasimadda Soomaaliya.

Weerar Ismiidaamin ah oo lala beegsaday gaadiid ay la socdeen Samafalayaal u dhashay dalka Qatar oo ka dhacay Muqdisho
5/5/2013 4:29 AM EST
Axad, May 05, 2013 (HOL) — Ugu yaraan 12-qof oo uu ku jiro qofkii qaraxa fuliyay, askari ka tirsan ciidamada nabadsugidda Qaranka, haweeney iyo cunug yar oo ay wadatay ayaa ku dhintay qarax is-miidaamin ah oo maanta ka dhacay Isgoyska KM-4 ee magaalada Muqdisho, sidoo kale 25-qof ayaa ku dhaawacmay weerarkaas.

Madaxweynaha Soomaaliya iyo Wafdi uu Hoggaaminayo oo lagu wado in ay u dhoofaan Magaalada London ee dalka UK
5/5/2013 1:38 AM EST
Axad, May 05, 2013 (HOL) — Madaxweynaha Soomaaliya, Xasan Sheekh Maxamuud iyo iyo wafdi uu hoggaaminayo ayaa lagu wadaa inay u dhoofaan maanta magaalada London ee dalka Britain halkaasoo uu ka furmi doono shir looga hadlayo Soomaaliya maalinta Salaasadaha ah ee soo socota.

Hoggaamiyaha Guud ee Al-shabaab oo fariin maqal ah oo uu soo diray kaga hadlay Arrimo ay ka mid yihiin Shirka London
5/5/2013 1:23 AM EST
Axad, May 05, 2013 (HOL) — Hoggaamiyaha guud ee Al-shabaab, Sheekh Mukhtaar C/raxmaan Abuu-Zubeyr ayaa warbixin maqal ah oo uu soo saaray kaga hadlay dhowr arrimood oo ay ka mid yihiin, weerarkii Muqdisho ee lala beegsaday maxkamadda, dastuurka, howgallada ka socda dalka, dastuurka iyo shirka London.