12/8/2022
Today from Hiiraan Online:  _
Wararka Maanta- Sabti, May 4 , 2013
Wakiilka Midowga Afirka ee Somalia oo Rajo wanaagsan ka muujiyay shir ay la yeelanayaan Qurbo-joogta Soomaaliyeed


Sabti, May 04, 2013 (HOL) — Wakiilka gaarka ah ee Midowag Afrika u qaablisan arrimaha Soomaaliya, danjire Maxamed Saalax Anaadiif ayaa rajo wanaagsan ka muujiyay kulan ay qurbo-joogta Soomaalida kula yeelan doonaan magaalada London ee dalka Britain 09-ka illaa 11-ka bishan May.

Danjire Anaadiif ayaa sheegay in kulankan looga hadli doono sidii lagu fulin lahaa lixda qodob ee dowaldda Soomaaliya ay u dajisay inay ku howl-gasho, isagoo xusay in sidoo kale looga hadli doono sidii qubo-joogta Soomaaliyeed ay uga qaybqaadan lahaayeen dib u dhiska dalkooda.

Sidoo kale, danjiruhu wuxuu sheegay in labada casho ee kulanka uu socdo la tusi doono qubo-joogta Soomaalida xaaladda uu dalkooda marayo, si ay uga qaybqaatan fulinta lixda tiir ayna arkaan dalkooda oo deggenaasho buuxda ay kusoo laabatay. Sidoo kalena ay ka qaybqaataan howlaha lagama maar-maanka ah ee ay uga qaybqaadanayaan dib u dhiska dalka iyo sidii ay dalka ugu soo laaban lahaayeen.

“Waxaan rajeynayaa in kulanka labada maalmood soconaya ay qubo-joogtu ku taageeraan howgallada ay AMISOM kawaddo gudaha dalka iyo xilliga uu socon doono howlgalka lagu xaqiijinayo ammaanka Soomaaliya,” ayuu yiri ergayga Midowga Afrika ee Soomaaliya.

Danjiraha oo hadalkiisa sii wata ayaa yiri: “Soomaaliya waxay gaartay heer khatar ah siyaasad ahaan iyo dhaqaale ahaan. Sidaa darteen kuanka aan la yeelanayno qurbo-joogta Soomaaliyeed innagoo ah ururka Midowga Afrika iyo AMISOM  waa mid aan ku raadinayno in qurbo-joogtu ay qaybtooda ka qaataan dib u dhiska dalkooda. Sidoo kale kulanka waa mid aan ku dhisayno  xiriir dhexmara qurbo-joogta Soomaaliyeed iyo AMISOM.”

Wuxuu hoosta ka xariiqay in AMISOM ay doonayso inay sii waddo xiriirka ay la yeelanayso shacabka Soomaaliyeed ee gudaha iyo dibadda dalka ku nool si ay u tusto inay dalkooda u joogaan caawintooda iyo sidii Soomaaliya ay ku noqon lahayd dal deggenaasho ka jirto.

“Xiriirka aan la sameynayno Soomaalida qurbaha ku nool waa mid qayb ka ah howsha ay AMISOM halkan u joogto, waxaana doonaynaa inaan tusno Soomaalida inaan doonayno inaan dib u soo celinno nabadda iyo xasilloonida dalkooda Soomaaliya,” ayuu dajire Anaadiif kusoo gabgabeeyay hadalkiisa.

Tallaabadan ayaa noqonaysa tii ugu horreysay oo AMISOM ay kula kulanto Soomaalida dibadaha ku nool, inkastoo ay AMISOM horay kulammo ugu qabtay Soomaalida dalalka Kenya iyo Koonfur Afrika, kuwaasoo looga hadlay howlgallada ay ciidamada Midowga Afrika ka wadaan gudaha Soomaaliya.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
5/4/2013 4:41 PM EST
Sabti, May 04, 2013 (HOL) - Kulan balaaran oo ay soo qabanqaabiyeen Chatham House oo ay ka hadlayeen madaxda hayadaha samafalka ayaa ka dhacay magaalada London maalintii Jimcaha.

5/4/2013 1:01 PM EST
Sabti, May 04, 2013 (HOL) — Xarunta macluumaadka ka hortagga burcad-badeedda Soomaaliyeed oo laga furay maanta magaalada Muqdisho ayaa kulan looga dhawaaqay oo ay ka qeyb-galeen qaybaha bulshada, culimmmada Soomaaliyeed, xildhibaano ka tirsan baaralamaanka, wasiir ku xigeenka wasaaradda warfaafinta iyo isgaarsiinta iyo wakiillo caalami ah waxay kusoo bandhigtay daraasad ay sameysay.

5/4/2013 11:26 AM EST
Sabti, May 4, 2013(HOL)—Waxaa shalay lagu qabtay magaalada Stockholm ee dalka Sweden, gaar ahaan guriga ummadda (Folket hus) ee xaafadda Rinkeby muxaadaro qiimo badnayd oo looga hadlayay cuduurrada iyo dhibaatooyinka ku dhaca beerka, waxaana muxaadaradaas soo jeedinayay Dr. Abdirashiid M. Shire oo ku takhasusay cuduradda faafa kana shaqeeya isbitaalka Mayo Clinic oo ku yaal magaalada Rochester ee gobolka Minnesota (USA), isla markaana mashruuca cilmibaaristiisa ay khusayso cudurrada ku dhaca beerka.

5/4/2013 10:05 AM EST
Sabti, May 04, 2013 (HOL) — Maalinta saxaafadda aduunka ayaa maanta laga xusay magaaladda Hargeysa, kaas oo lagu soo bandhigay tacadiyo badan oo loo geystay wariyeyaasha ka hawlgalla Somaliland.

5/4/2013 10:00 AM EST
Sabti, May 04, 2013 (HOL) — Ciidamada maamulka gobolka Hiiraan oo kaashanaya kuwa midowgga Africa AMISOM ayaa howlgal baaxad leh kawada qeybo ka mid ah xaafaddaha magaalada Baladweyne, iyagoo saacadihii ugu danbeeyay baaritaan xoogan ka sameeyay xaafadda howl-wadaag ee magaalada Baladweyne.

5/4/2013 8:15 AM EST
Axad, May 04, 2013(HOL) :- Munaasibad si heersare ah loo soo agaasimay islamarkaasina lagu xusayay maalinta saxaafadda Aduunka oo ku beegnayd 3-da May ayaa shalay ka dhacday magaalada Kismaayo ee xarunta gobolka J/hoose.

5/4/2013 7:29 AM EST
Sabti, May 04, 2013 (HOL) — Munaasibad lagu xusayey sanadguuradii 11aad ee ka soo wareegtay geeridii ALLE ha u naxariisktee Maxamed Xaaji Ibraahim Cigaal Madaxweynihii laabaad ee Somaliland, ayaa xalay lagu qabtay Hoteel Maansoor ee Magaalada Hargeysa, kaas oo ay ka soo qaybgalleen boqolaal dadweyne oo iskugu jira dhalinyarada iyo ardayda jaamacadaha.

5/4/2013 6:53 AM EST
Sabti, May 04, 2013 (HOL) — Iyadoo bilihii ugu dambeeyay ay sii kordhayeen tirada dhalinyarrada kasoo goosata Al-shabaab ee lagu soo bandhigo magaalada Baladweyne ayaa waxaa arrintaa markii ugu horreysay ka hadlayay guddoomiyaha maamulka gobolka Hiiraan, Cabdi Faarax Laqanyo oo sheegay in maamulka uu guddoomiyaha ka yahay qorshe cad u dajiyeen sida laga yeelayo ragga horay uga tirsanaa Al-shabaab ee isku soo dhiiba maamulka gobolka.

5/4/2013 3:05 AM EST
Axad, 04 May, 2013(HOL) :- Shir ballaaran oo ay kasoo qeybgaleen qaar kamid ah beelaha dega gobolka Gedo islamarkaana ka dhacay magaalada Luuq ee gobolkaasi ayaa waxa looga soo horjeestay shirka maamul u sameynta Jubooyinka eek a socdo Kismaayo.

5/4/2013 2:56 AM EST
Sabti, May 04, 2013 (HOL) — Deeq lacageed oo dhan 132,000 oo dollar-ka Mareykanka ah ayuu masaajidka Abuubakar Sadiiq ee ku yaalla magaalada Minneapolis ee gobolka Minnesota ku wareejiyay hay'adda HARO oo ka mid ah hay'adaha samfalka ee ka hawlgala gudaha Soomaaliya, xafiisyana ku leh magaalooyinka qaar ka mid ah magaalooyinka dalka Maraykanka.

5/4/2013 2:27 AM EST
Sabti, May 04, 2013 (HOL) — Waddooyinka muhiimka ah ee Muqdisho ayaa dib loo furay saakay oo Sabti ah kaddib afar maalmood oo ay u xirnaayeen arrimo la sheegay inay ammaanka la xiriiraan, waxaana jidadkaas dib uga howl-billlaabay gaadiidka dadweynaha.

5/4/2013 2:08 AM EST
Sabti, May 04, 2013 (HOL) — Maamulka dowladda Soomaaliya ee gobolka Bakool ayaa sheegay inay Al-shabaab kala wareegeen degmada Tiyeegloow oo 90-km u jirta degmada Xudur ee gobolka Bakool iyo deegaan ku dhow Xudur oo lagu magacaabo Mooro-gaabeey, kaddib dagaal saacado socday oo xalay ka dhacay deegaannadaas.