12/8/2022
Today from Hiiraan Online:  _
Wararka Maanta- Sabti, May 4 , 2013
Xarunta Macluumaadka ka Hortagga Burcad-badeedda Soomaaliya (SAPIC) oo laga furey Magaalada Muqdisho (SAWIRRO)


Sabti, May 04, 2013 (HOL) — Xarunta macluumaadka ka hortagga burcad-badeedda Soomaaliyeed oo laga furay maanta magaalada Muqdisho ayaa kulan looga dhawaaqay oo ay ka qeyb-galeen qaybaha bulshada, culimmmada Soomaaliyeed, xildhibaano ka tirsan baaralamaanka, wasiir ku xigeenka wasaaradda warfaafinta iyo isgaarsiinta iyo wakiillo caalami ah waxay kusoo bandhigtay daraasad ay sameysay.

Kulankan oo ka dhacay hoteelka Jaziira ee Muqdisho ayaa waxaa hadal ku furay guddoomiyaha xarunta SAPIC, C/llaahi Xirsi isagoo sheegay in dhibaatada dhaqan-dhaqaale ee ay burcadbadeeddu ku hayaan dalka ay u baahan tahay in looga hortago laguna suuliyo dadaal wadareed ka yimaada bulshada Soomaaliyeed, iyadoo la dhageysanayo isla markaana lala shaqeynayo dadka deegaanka. Taasoo horseedi doonto in burcad-badeedda hubka laga dhigo lana siiyo xuquuqdooda.

Sheekh Nuur Baaruud Gurxan oo ka mid ah culimmada Soomaaliyeed oo kulanka ka hadlay ayaa sheegay in falalka burcadbadeednimadu ay yihiin kuwo xaaraan ah marka loo fiiriyo diinta Islaamka, maadaama ay kooxaha howshaas ku jira geysanayaan afduub, dil, dhac hantiyeed iyo sharaftii oo ay dhaawaceen. Wuxuu sidoo kale sheegay in burcad-badeeddu xukunkoodu uu la mid yahay burcadda berriga, isagoo ugu baaqay bulshada Soomaaliyeed inay dhallinyarada ka waaniyaan ficilkaas foosha xun.

Wasiirkii hore ee gaashaandhigga ahna guddoomiyaha guddiga difaaca ee baarlamaanka Soomaaliya, Xuseen Carab Ciise oo madasha ka hadlay ayaa isna sheegay in burcad-badeedda sida looga hortagi karo ay sal u tahay in la dhiso ciidamada badda Soomaaliya loona helo dhaqaale, taasoo ka wax-tar badanaan doonta howlgalka ay lacagta badani ku baxdo ee ay NATO hadda ka waddo biyaha Soomaaliya. Sidoo kale wuxuu ka qeyb-galayaasha kulanka uga jawaabay su’aalo ku saabsan qaabka ay dowladdu ama bulshada Soomaaliyeed uga shaqeyn karaan in biyaha Soomaaliya ay noqdaan kuwo aan lagu arag burcadbadeed Soomaali ah.

Xildhibaan Xasan Abshir Faarax oo horay ra’iisul wasaare uga soo noqday dalka ayaa isaguna ka hadlay kulanka isagoo tilmaamay in loo baahan yahay in la helo bulsho abaabulan iyo dowlad shaqeysa si loo gaaro hadafka ah in la dhameeyo burcadbadeednimada isagoo bogaadiyay dadaallada ay wadaan hay’adaha maxaliga ah oo kaashanaya dowladda iyo caalamka intiisa kale.

Wasiir ku xigeenka wasaaradda warfaafinta, C/shakuur Cali Mire oo kulanka hadal ka jeediyay ayaa soo dhaweeyay shaqada ay hayso xarunta SAPIC isagoo tilmaamay in dadka Soomaaliyeed ay burcad-badeedda u arkaan inay la mid yihiin sunta lagu shubayo badda Soomaaliya, wuxuu intaa raaciyay in loo baahan yahay in wacyi-galinta la gaarsiiyo gobollada dalka gaar ahaan kuwa saldhigyada ay ku leeyihiin burcadbadeeddu, taasoo ay dowladdu gacan ka geysan doonto iyadoo isticmaaleysa warbaahinta dowladda.

“Waxaa muhiim ah sidii dadka deegaanka ay falalku ka dhacaan fariinta loo gaarsiin lahaa, taasna dowladdu gacan ayay ka geysanaysaa iyadoo isticmaaleysa Radio Muqdisho oo la geynayo gobollada iyo SNTV” ayuu yiri wasiir ku xigeenku.









Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
5/4/2013 4:41 PM EST
Sabti, May 04, 2013 (HOL) - Kulan balaaran oo ay soo qabanqaabiyeen Chatham House oo ay ka hadlayeen madaxda hayadaha samafalka ayaa ka dhacay magaalada London maalintii Jimcaha.

5/4/2013 1:30 PM EST
Sabti, May 04, 2013 (HOL) — Ergayga gaarka ah ee ururka Midowag Afrika u qaablisan arrimaha Soomaaliya, danjire Maxamed Saalax Anaadiif ayaa rajo wanaagsan ka muujiyay kulan ay qurbo-joogta Soomaalida kula yeelan doonaan magaalada London ee dalka Britain 09-ka illaa 11-ka bishan May.

5/4/2013 11:26 AM EST
Sabti, May 4, 2013(HOL)—Waxaa shalay lagu qabtay magaalada Stockholm ee dalka Sweden, gaar ahaan guriga ummadda (Folket hus) ee xaafadda Rinkeby muxaadaro qiimo badnayd oo looga hadlayay cuduurrada iyo dhibaatooyinka ku dhaca beerka, waxaana muxaadaradaas soo jeedinayay Dr. Abdirashiid M. Shire oo ku takhasusay cuduradda faafa kana shaqeeya isbitaalka Mayo Clinic oo ku yaal magaalada Rochester ee gobolka Minnesota (USA), isla markaana mashruuca cilmibaaristiisa ay khusayso cudurrada ku dhaca beerka.

5/4/2013 10:05 AM EST
Sabti, May 04, 2013 (HOL) — Maalinta saxaafadda aduunka ayaa maanta laga xusay magaaladda Hargeysa, kaas oo lagu soo bandhigay tacadiyo badan oo loo geystay wariyeyaasha ka hawlgalla Somaliland.

5/4/2013 10:00 AM EST
Sabti, May 04, 2013 (HOL) — Ciidamada maamulka gobolka Hiiraan oo kaashanaya kuwa midowgga Africa AMISOM ayaa howlgal baaxad leh kawada qeybo ka mid ah xaafaddaha magaalada Baladweyne, iyagoo saacadihii ugu danbeeyay baaritaan xoogan ka sameeyay xaafadda howl-wadaag ee magaalada Baladweyne.

5/4/2013 8:15 AM EST
Axad, May 04, 2013(HOL) :- Munaasibad si heersare ah loo soo agaasimay islamarkaasina lagu xusayay maalinta saxaafadda Aduunka oo ku beegnayd 3-da May ayaa shalay ka dhacday magaalada Kismaayo ee xarunta gobolka J/hoose.

5/4/2013 7:29 AM EST
Sabti, May 04, 2013 (HOL) — Munaasibad lagu xusayey sanadguuradii 11aad ee ka soo wareegtay geeridii ALLE ha u naxariisktee Maxamed Xaaji Ibraahim Cigaal Madaxweynihii laabaad ee Somaliland, ayaa xalay lagu qabtay Hoteel Maansoor ee Magaalada Hargeysa, kaas oo ay ka soo qaybgalleen boqolaal dadweyne oo iskugu jira dhalinyarada iyo ardayda jaamacadaha.

5/4/2013 6:53 AM EST
Sabti, May 04, 2013 (HOL) — Iyadoo bilihii ugu dambeeyay ay sii kordhayeen tirada dhalinyarrada kasoo goosata Al-shabaab ee lagu soo bandhigo magaalada Baladweyne ayaa waxaa arrintaa markii ugu horreysay ka hadlayay guddoomiyaha maamulka gobolka Hiiraan, Cabdi Faarax Laqanyo oo sheegay in maamulka uu guddoomiyaha ka yahay qorshe cad u dajiyeen sida laga yeelayo ragga horay uga tirsanaa Al-shabaab ee isku soo dhiiba maamulka gobolka.

5/4/2013 3:05 AM EST
Axad, 04 May, 2013(HOL) :- Shir ballaaran oo ay kasoo qeybgaleen qaar kamid ah beelaha dega gobolka Gedo islamarkaana ka dhacay magaalada Luuq ee gobolkaasi ayaa waxa looga soo horjeestay shirka maamul u sameynta Jubooyinka eek a socdo Kismaayo.

5/4/2013 2:56 AM EST
Sabti, May 04, 2013 (HOL) — Deeq lacageed oo dhan 132,000 oo dollar-ka Mareykanka ah ayuu masaajidka Abuubakar Sadiiq ee ku yaalla magaalada Minneapolis ee gobolka Minnesota ku wareejiyay hay'adda HARO oo ka mid ah hay'adaha samfalka ee ka hawlgala gudaha Soomaaliya, xafiisyana ku leh magaalooyinka qaar ka mid ah magaalooyinka dalka Maraykanka.

5/4/2013 2:27 AM EST
Sabti, May 04, 2013 (HOL) — Waddooyinka muhiimka ah ee Muqdisho ayaa dib loo furay saakay oo Sabti ah kaddib afar maalmood oo ay u xirnaayeen arrimo la sheegay inay ammaanka la xiriiraan, waxaana jidadkaas dib uga howl-billlaabay gaadiidka dadweynaha.

5/4/2013 2:08 AM EST
Sabti, May 04, 2013 (HOL) — Maamulka dowladda Soomaaliya ee gobolka Bakool ayaa sheegay inay Al-shabaab kala wareegeen degmada Tiyeegloow oo 90-km u jirta degmada Xudur ee gobolka Bakool iyo deegaan ku dhow Xudur oo lagu magacaabo Mooro-gaabeey, kaddib dagaal saacado socday oo xalay ka dhacay deegaannadaas.