12/8/2022
Today from Hiiraan Online:  _
Wararka Maanta- Sabti, May 4 , 2013
Maalinta Saxaafada oo laga xusay Hargeysa iyadoo lasoo bandhigay dhibka lagu hayo Warbaahinta Somaliland (SAWIRRO)


Sabti, May 04, 2013 (HOL) — Maalinta saxaafadda aduunka ayaa maanta laga xusay magaaladda Hargeysa, kaas oo lagu soo bandhigay tacadiyo badan oo loo geystay wariyeyaasha ka hawlgalla Somaliland.

Munaasibadan saxaafadda Somaliland ku qabsatay magaaladda Hargeysa, ayaa la sheegay inay wariyeyaashu dooneen inay socod ay ku soo bandhigayaan tacadiyo kala duwan oo lagula kacay saxaafadda ay xukuumadu u diiday banaanbaxaasi, isla markaana ay sheegeen inay boodhadkoodii laga jarjaray wadooyinka oo ay ku dhajiyeen.

Saxaafadda Somaliland ayaa maanta hal ku dhiga sanadkan u dooratay “ Saxaafaddu iyada ayaa kuna dili karta kunna  noolayn karta”, waxaana munaasibadaasi lagu soo bandhigay marxaladii kala duwanayd ee ay soo mareen saxaafadda Somaliland iyo kaalintii ay ka qaadatay dib u heshiisiinta iyo horumarinta Somaliland.

Guddoomiyaha suxufiyiinta Somaliland ee SOLJA Xasan Maxamed Yuusuf waxa uu sheegay inay madax banaanidda warbaahinta iyo Xoriyatul qawlka Somaliland marayso meel halis ah, isla markaana dhibaatooyin badan oo xadhig iyo garaacidba ay ciidamada amnigu kula kacaan wariyeyaasha.

Guddoomiyaha ururka suxufiyiinta  Somaliland  ee SOLJA Xasan Maxamed  Yuusuf, waxa kale oo uu sheegay in boodhadh ay ku kuujinayen madax banaanidda xoriyatul qawlka iyo cabudhinta lagu hayo oo ay ku dhajiyeen wadooyinka xukuumaddu ka jartay, isla markaana u diiday inay banaanbax ku muujiyaan tacadiyada ka dhanka ah, taas oo ay wasaaradda arrimaha guduhu u diiday.

Sidoo kale, waxa iyaguna halkaasi ka hadlay wariyeyaal badan oo muujiyey inay Somaliland lagu dhibaateeyo suxufiyiinta, isla markaan labaddii sanadood ee u dambeeyey la xidh xidhay wariyeyaal badan, sidoo kale waxa halkaasi lagu soo bandhigya weerarkii isku dilka ahaa ee lagu bartilmaamaysanayey gudoomiyaha wargeyska HUBAAL,  waxaanay codsadeen inay si madax banaan loo soo bandhigo baadhitaanka kiiskaasi, isla markaana aan la isku dayin in la qariyo meelaha uu tuhunku gallo.

Gudoomiyaha  Dallad ay  ku bahoobeen ururada  aan dawliga ahayn ee SONSAF  Mustafe Sacad Dhimbiil, ayaa ka hadlay doorka warbaahinta iyo madx banaanida xoriyatul qawlka, kaas oo loo baahan yahay inuu qof waliba helo xoriyad.

Sagal C/raxmaan  oo ka socotay ururka suxufiyiinta haweenka Somaliland (WIJA), ayaa hambalyo u dirtay guud ahaan suxufiyiinta Somaliland, waxaanay sheegtay inay garab taagan yihiin dhibaato kasta oo loo geysto warbaahinta Somaliland.

Waxa isaguna halkaasi ka hadlay xoghayaha guud ee xisbiga taladda haya ee kulmiye Xasan Siciid, oo balanqaaday inuu ka shaqayn doono wixii warbaahintu uga baahato xukuumadda, isla markaana aanu ogolayn wax dhibaato ah oo soo gaadha warbaahinta.

Sidoo kale; waxay xukuumadda ku dhaliileen in aan wali cidii dishay wariye Axmed Saakir oo sanadkii hore lagu dilay magaaladda Laascaanood aanay soo bandhigin, isla markaana baadhitaankii ay waday aanay sheegin halka ay u marayso.

Si kastaba ha ahaatee, suxufiyiinta Somaliland ayaaa sheegay inay dhibaatooyin badan oo gacan ka hadal iyo xadhig iskugu jira kala kulmaan ciidamada amniga, isla markaana cabudhinta lagu hayo madax banaanidda warbaahinta iyo Xoriyatul qawlka.



Barkhad-ladiif M. Cumar, Hiiraan online
[email protected]
Hargeysa, Somaliland













Click here
5/4/2013 4:41 PM EST
Sabti, May 04, 2013 (HOL) - Kulan balaaran oo ay soo qabanqaabiyeen Chatham House oo ay ka hadlayeen madaxda hayadaha samafalka ayaa ka dhacay magaalada London maalintii Jimcaha.

5/4/2013 1:30 PM EST
Sabti, May 04, 2013 (HOL) — Ergayga gaarka ah ee ururka Midowag Afrika u qaablisan arrimaha Soomaaliya, danjire Maxamed Saalax Anaadiif ayaa rajo wanaagsan ka muujiyay kulan ay qurbo-joogta Soomaalida kula yeelan doonaan magaalada London ee dalka Britain 09-ka illaa 11-ka bishan May.

5/4/2013 1:01 PM EST
Sabti, May 04, 2013 (HOL) — Xarunta macluumaadka ka hortagga burcad-badeedda Soomaaliyeed oo laga furay maanta magaalada Muqdisho ayaa kulan looga dhawaaqay oo ay ka qeyb-galeen qaybaha bulshada, culimmmada Soomaaliyeed, xildhibaano ka tirsan baaralamaanka, wasiir ku xigeenka wasaaradda warfaafinta iyo isgaarsiinta iyo wakiillo caalami ah waxay kusoo bandhigtay daraasad ay sameysay.

5/4/2013 11:26 AM EST
Sabti, May 4, 2013(HOL)—Waxaa shalay lagu qabtay magaalada Stockholm ee dalka Sweden, gaar ahaan guriga ummadda (Folket hus) ee xaafadda Rinkeby muxaadaro qiimo badnayd oo looga hadlayay cuduurrada iyo dhibaatooyinka ku dhaca beerka, waxaana muxaadaradaas soo jeedinayay Dr. Abdirashiid M. Shire oo ku takhasusay cuduradda faafa kana shaqeeya isbitaalka Mayo Clinic oo ku yaal magaalada Rochester ee gobolka Minnesota (USA), isla markaana mashruuca cilmibaaristiisa ay khusayso cudurrada ku dhaca beerka.

5/4/2013 10:00 AM EST
Sabti, May 04, 2013 (HOL) — Ciidamada maamulka gobolka Hiiraan oo kaashanaya kuwa midowgga Africa AMISOM ayaa howlgal baaxad leh kawada qeybo ka mid ah xaafaddaha magaalada Baladweyne, iyagoo saacadihii ugu danbeeyay baaritaan xoogan ka sameeyay xaafadda howl-wadaag ee magaalada Baladweyne.

5/4/2013 8:15 AM EST
Axad, May 04, 2013(HOL) :- Munaasibad si heersare ah loo soo agaasimay islamarkaasina lagu xusayay maalinta saxaafadda Aduunka oo ku beegnayd 3-da May ayaa shalay ka dhacday magaalada Kismaayo ee xarunta gobolka J/hoose.

5/4/2013 7:29 AM EST
Sabti, May 04, 2013 (HOL) — Munaasibad lagu xusayey sanadguuradii 11aad ee ka soo wareegtay geeridii ALLE ha u naxariisktee Maxamed Xaaji Ibraahim Cigaal Madaxweynihii laabaad ee Somaliland, ayaa xalay lagu qabtay Hoteel Maansoor ee Magaalada Hargeysa, kaas oo ay ka soo qaybgalleen boqolaal dadweyne oo iskugu jira dhalinyarada iyo ardayda jaamacadaha.

5/4/2013 6:53 AM EST
Sabti, May 04, 2013 (HOL) — Iyadoo bilihii ugu dambeeyay ay sii kordhayeen tirada dhalinyarrada kasoo goosata Al-shabaab ee lagu soo bandhigo magaalada Baladweyne ayaa waxaa arrintaa markii ugu horreysay ka hadlayay guddoomiyaha maamulka gobolka Hiiraan, Cabdi Faarax Laqanyo oo sheegay in maamulka uu guddoomiyaha ka yahay qorshe cad u dajiyeen sida laga yeelayo ragga horay uga tirsanaa Al-shabaab ee isku soo dhiiba maamulka gobolka.

5/4/2013 3:05 AM EST
Axad, 04 May, 2013(HOL) :- Shir ballaaran oo ay kasoo qeybgaleen qaar kamid ah beelaha dega gobolka Gedo islamarkaana ka dhacay magaalada Luuq ee gobolkaasi ayaa waxa looga soo horjeestay shirka maamul u sameynta Jubooyinka eek a socdo Kismaayo.

5/4/2013 2:56 AM EST
Sabti, May 04, 2013 (HOL) — Deeq lacageed oo dhan 132,000 oo dollar-ka Mareykanka ah ayuu masaajidka Abuubakar Sadiiq ee ku yaalla magaalada Minneapolis ee gobolka Minnesota ku wareejiyay hay'adda HARO oo ka mid ah hay'adaha samfalka ee ka hawlgala gudaha Soomaaliya, xafiisyana ku leh magaalooyinka qaar ka mid ah magaalooyinka dalka Maraykanka.

5/4/2013 2:27 AM EST
Sabti, May 04, 2013 (HOL) — Waddooyinka muhiimka ah ee Muqdisho ayaa dib loo furay saakay oo Sabti ah kaddib afar maalmood oo ay u xirnaayeen arrimo la sheegay inay ammaanka la xiriiraan, waxaana jidadkaas dib uga howl-billlaabay gaadiidka dadweynaha.

5/4/2013 2:08 AM EST
Sabti, May 04, 2013 (HOL) — Maamulka dowladda Soomaaliya ee gobolka Bakool ayaa sheegay inay Al-shabaab kala wareegeen degmada Tiyeegloow oo 90-km u jirta degmada Xudur ee gobolka Bakool iyo deegaan ku dhow Xudur oo lagu magacaabo Mooro-gaabeey, kaddib dagaal saacado socday oo xalay ka dhacay deegaannadaas.