12/8/2022
Today from Hiiraan Online:  _
Wararka Maanta- Sabti, May 4 , 2013
Waxgarad kasoo jeeda Gobolka Gedo oo ka soo Hor-jeestay shirka ka socda Magaalada Kismaayo ee Gobolka J/Hoose

Sabti, 04 May, 2013(HOL) :- Shir ballaaran oo ay kasoo qeybgaleen qaar kamid ah beelaha dega gobolka Gedo islamarkaana ka dhacay magaalada Luuq ee gobolkaasi ayaa waxa looga soo horjeestay shirka maamul u sameynta Jubooyinka eek a socdo Kismaayo.

Shirkan oo socday mudo laba maalmood ah islamarkaana uu shir gudoominayay Ugaaska Beesha Sade Ugaas Max’ed Ugaas Xasan yarrow ayaa waxa laga soo saaray qodobo dhowr ah oo ay saxiixeen dhamaan xubnihii shirka kasoo qeybgalay.

Qodobadii kasoo baxay shirka oo nuqul kamid ah soo gaaray Shabakadda HOL ayaa waxa ay u qornaayeen sidatay:-

  • Waxaan si buuxda u cadeeyneynaa in beelaha dega gobolka Gedo aysan wax ergo ah u dirsan shirka ka soconayo magaalada Kismaayo islamarahaantaana waxaan dowladda Soomaaliya ka codsaneeynaa in ay soo kala dhexgasho kooxaha isku heysta Kismaayo.
  • Waxaan ku baaqeynaa shiweeyne lagu qaban doono gobolka Gedo, kaasoo ay kasoo qeybgali doonaan dhamaan qeybaha bulshada gobollada Jubooyinka iyo jaaliyadaha dibadda.
  • Waxaan shirkan ku taageereynaa qorshaha dowladda federaalka ee maamul u sameynta gobollada dalka.
  • Waxaan isku afgarannay in la qabto guddi qabanqaabo oo u gogolxaaro shirweeynaha lagu qaban doono gobolka.

Warsaxaafadeedkan ayaa waxaa saxiixay waxgaradkii iyo siyaasiyiinta shirka kasoo qeybgashay, waxaan wixii faahfaahin ah oo ku saabsan kulankan lagala xiriiri karaan masuuliyiinta cinwaannadooda ay hoos ku xusanyihiin.

1.      Gudoomiyaha gobolka Gedo Max’ed Cabdi Kaliil: Tell: +252615811798

2.      Col: Xasan Daahir Yaroow: Tell: +252615812778

3.      Ibraahim Aadan Cabdi: Tell: +252618929546

Max’ed Xaaji Xuseen, Hiiraan Online
[email protected]
Muqdisho-Soomaaliya













Click here
5/4/2013 4:41 PM EST
Sabti, May 04, 2013 (HOL) - Kulan balaaran oo ay soo qabanqaabiyeen Chatham House oo ay ka hadlayeen madaxda hayadaha samafalka ayaa ka dhacay magaalada London maalintii Jimcaha.

5/4/2013 1:30 PM EST
Sabti, May 04, 2013 (HOL) — Ergayga gaarka ah ee ururka Midowag Afrika u qaablisan arrimaha Soomaaliya, danjire Maxamed Saalax Anaadiif ayaa rajo wanaagsan ka muujiyay kulan ay qurbo-joogta Soomaalida kula yeelan doonaan magaalada London ee dalka Britain 09-ka illaa 11-ka bishan May.

5/4/2013 1:01 PM EST
Sabti, May 04, 2013 (HOL) — Xarunta macluumaadka ka hortagga burcad-badeedda Soomaaliyeed oo laga furay maanta magaalada Muqdisho ayaa kulan looga dhawaaqay oo ay ka qeyb-galeen qaybaha bulshada, culimmmada Soomaaliyeed, xildhibaano ka tirsan baaralamaanka, wasiir ku xigeenka wasaaradda warfaafinta iyo isgaarsiinta iyo wakiillo caalami ah waxay kusoo bandhigtay daraasad ay sameysay.

5/4/2013 11:26 AM EST
Sabti, May 4, 2013(HOL)—Waxaa shalay lagu qabtay magaalada Stockholm ee dalka Sweden, gaar ahaan guriga ummadda (Folket hus) ee xaafadda Rinkeby muxaadaro qiimo badnayd oo looga hadlayay cuduurrada iyo dhibaatooyinka ku dhaca beerka, waxaana muxaadaradaas soo jeedinayay Dr. Abdirashiid M. Shire oo ku takhasusay cuduradda faafa kana shaqeeya isbitaalka Mayo Clinic oo ku yaal magaalada Rochester ee gobolka Minnesota (USA), isla markaana mashruuca cilmibaaristiisa ay khusayso cudurrada ku dhaca beerka.

5/4/2013 10:05 AM EST
Sabti, May 04, 2013 (HOL) — Maalinta saxaafadda aduunka ayaa maanta laga xusay magaaladda Hargeysa, kaas oo lagu soo bandhigay tacadiyo badan oo loo geystay wariyeyaasha ka hawlgalla Somaliland.

5/4/2013 10:00 AM EST
Sabti, May 04, 2013 (HOL) — Ciidamada maamulka gobolka Hiiraan oo kaashanaya kuwa midowgga Africa AMISOM ayaa howlgal baaxad leh kawada qeybo ka mid ah xaafaddaha magaalada Baladweyne, iyagoo saacadihii ugu danbeeyay baaritaan xoogan ka sameeyay xaafadda howl-wadaag ee magaalada Baladweyne.

5/4/2013 8:15 AM EST
Axad, May 04, 2013(HOL) :- Munaasibad si heersare ah loo soo agaasimay islamarkaasina lagu xusayay maalinta saxaafadda Aduunka oo ku beegnayd 3-da May ayaa shalay ka dhacday magaalada Kismaayo ee xarunta gobolka J/hoose.

5/4/2013 7:29 AM EST
Sabti, May 04, 2013 (HOL) — Munaasibad lagu xusayey sanadguuradii 11aad ee ka soo wareegtay geeridii ALLE ha u naxariisktee Maxamed Xaaji Ibraahim Cigaal Madaxweynihii laabaad ee Somaliland, ayaa xalay lagu qabtay Hoteel Maansoor ee Magaalada Hargeysa, kaas oo ay ka soo qaybgalleen boqolaal dadweyne oo iskugu jira dhalinyarada iyo ardayda jaamacadaha.

5/4/2013 6:53 AM EST
Sabti, May 04, 2013 (HOL) — Iyadoo bilihii ugu dambeeyay ay sii kordhayeen tirada dhalinyarrada kasoo goosata Al-shabaab ee lagu soo bandhigo magaalada Baladweyne ayaa waxaa arrintaa markii ugu horreysay ka hadlayay guddoomiyaha maamulka gobolka Hiiraan, Cabdi Faarax Laqanyo oo sheegay in maamulka uu guddoomiyaha ka yahay qorshe cad u dajiyeen sida laga yeelayo ragga horay uga tirsanaa Al-shabaab ee isku soo dhiiba maamulka gobolka.

5/4/2013 2:56 AM EST
Sabti, May 04, 2013 (HOL) — Deeq lacageed oo dhan 132,000 oo dollar-ka Mareykanka ah ayuu masaajidka Abuubakar Sadiiq ee ku yaalla magaalada Minneapolis ee gobolka Minnesota ku wareejiyay hay'adda HARO oo ka mid ah hay'adaha samfalka ee ka hawlgala gudaha Soomaaliya, xafiisyana ku leh magaalooyinka qaar ka mid ah magaalooyinka dalka Maraykanka.

5/4/2013 2:27 AM EST
Sabti, May 04, 2013 (HOL) — Waddooyinka muhiimka ah ee Muqdisho ayaa dib loo furay saakay oo Sabti ah kaddib afar maalmood oo ay u xirnaayeen arrimo la sheegay inay ammaanka la xiriiraan, waxaana jidadkaas dib uga howl-billlaabay gaadiidka dadweynaha.

5/4/2013 2:08 AM EST
Sabti, May 04, 2013 (HOL) — Maamulka dowladda Soomaaliya ee gobolka Bakool ayaa sheegay inay Al-shabaab kala wareegeen degmada Tiyeegloow oo 90-km u jirta degmada Xudur ee gobolka Bakool iyo deegaan ku dhow Xudur oo lagu magacaabo Mooro-gaabeey, kaddib dagaal saacado socday oo xalay ka dhacay deegaannadaas.