3/28/2024
Today from Hiiraan Online:  _
Wararka Maanta- Jimco, May 3 , 2013
Jaamacadda Koonfurta Soomaaliya ee Magaalada Baydhabo oo ay ka qalin-jabiyeen in ka badan Toban Arday (SAWIRRO)


Jimco, May 03, 2013 (HOL) — Waxaa maanta magaalada Baydhabo ka dhacday xaflad ay ku qalinjabinayeen arday dhameystray waxbarashaeda jaamacadda Koonfurta Soomaaliya ee xarunteedu tahay Baydhabo, iyadoo ay xafladda kasoo qaybgaleen mas’uuliyiin kala duwan.

Xafladda ayaa waxaa kasoo qaybgalay mas’uuliyiin ay ka mid ahaayeen: xildhibaannada kala ah Sheekh Adan Madoobe iyo Maxmed Ibraahim Xaabsade, waxaa sidoo kale joogay mas’uuliyiinta gobolka Bay iyo saraakiil ka socday ciidamada Midowga Afrika ee AMISOM.

Dufcadda ka qalin-jabisay jaamacadda ayaa noqonaysa tii saddexaad oo ka baxda tan iyo maskii jaamacadda la aasaasay, waxayna barteen cilmiyada kala ah: xisaabaada iyo Kimistiriga, iyadoo goobta ay ka hadleen madaxda iyo macallimiinta jaamacadda.

Jaamacadda Koonfurta Somalia ayaa jaamacadda keliya ee ka jirta degmada Baydhabo taasoo wax weyn ka tartay waxbarashada gobalka Bay iyo kuwa kale ee ku dhow-dhow sida: Bakool, Gedo iyo Jubbada dhexe, iyadoo ay ka mid yihiin ardayda wax ka barta jaamacadda kuwo ka yimid gobolladan.

Kulliyada ay jaamacaddu ka kooban tahay ayaa waxay kala yihiin: kuliyadda waxbarashada , kuliyadda caafimaadka, kulliyada xisaabaadka iyo kuwo kale oo kala duwan, iyadoo hadda lagu soo kordhiyay kulliyadaha beeraha iyo daraasaaska Islaamka.

Waqtiyadii hore gobolladan Bay, Bakool, Gedo iyo Jubbada dhexe ayaa u doonan jiray waxbarashada jaamacadeed magaalada Muqdisho, iyadoo dhib badan kala kulmi jiray helitaanka waxbarasho jaamacadeed, iyagoo sidoo kale dhibaatooyin kala kulmi jiray dhinacyada dhaqaalaha iyo fogaanta ay u jirto.

Ardayda ka qalan-jibisay maanta jaamacadda Koonfurta Soomaaliya ayaa waxay gaarayaan 12 arday oo dhammaantood rag ahaa, waxayna qaateen shahaadada Bachelor-ka loo yaqaan.

Guddoomiyaha jaamacadda Koonfurta Soomaaliya, Dr. Maxamed Cali Kalaay oo hore u soo noqday wasiirkii waxbarshada, hiddaha iyo tacliinta sare ee Soomaaliya xilligii dowladdii Dr. C/qaasim Salaad Xasan oo hadal goobta ka jeediyay ayaa ammaanay ardayda qalin-jabiyay iyo kuwa waxbarashadu ay weli uga socoto jaamacadda.





Hiiraan Online, Baydhabo













Click here
5/3/2013 2:29 PM EST
Jimco, May 03, 2013 (HOL) — Madaxda dalalka ku bahoobay IGAD ayaa isku raacay in dowladda Soomaaliya ay hormuud u noqoto dadaallada maamul u sameynta gobollada Soomaaliya, iyadoo warkan lagu sheegay war-murtiyeed laga soo saaray shirkii madaxda IGAD uga socday magaalada Addis Ababa ee xarunta dalka Itoobiya.

5/3/2013 1:52 PM EST
Jimco, May 03, 2013 (HOL) — Golaha ammaanka ee Qaramada Midoobay ayaa meel-mariyay qorshe lagu billaabayo howlgal cusub oo Qaramada Midoobay ay ka billaabayso Soomaaliya, kaasoo loogu magac-daray UN-SOM, howlgalkaas oo fududeynaya in Soomaaliya ay nabad buuxda ka dhalato.

5/3/2013 1:31 PM EST
Jimco, May 03, 2013 (HOL) — Maanta oo ku beegan maalinta war-baahinta aduunka, waxaa siweyn looga xusay magaalooyin badan oo dalka ka tirsan, kuwaasoo ay kamid tahay xarunta maamulka Puntland ee Garoowe.

5/3/2013 11:40 AM EST
Jimco, May 03, 2013 (HOL) — Dowladda Puntland ayaa ka hadashay mowqifkeeda ku aaddan shirka London ee toddobaadka soo socda ka furmaya magaalada London ee xarunta dalka Brirtain, kaasoo dhaqaale loogu raadinayo Soomaliya.

5/3/2013 10:17 AM EST
Jimco, May 03, 2013 (HOL) — Guddoomiyaha baarlamaanka Soomaaliya, Prof. Maxamed Sheekh Cismaan Jawaari iyo wafdi uu hoggaaminayo ayaa maanta dib ugu soo laabtay dalka kaddib socdaal shaqo oo uu ku tagay dalka Turkiga, isagoo lasoo kulmay mas’uuliyiinta Turkiga iyo ardayda Soomaaliyeed ee wax ka barta dalkaas.

5/3/2013 7:10 AM EST
Jimco, May 03, 2013 (HOL) — AMISOM ayaa warsaxaafadeed ay soo saartay ku sheegtay inay fashilisay weerarro ay Al-shabaab doonaysay inay ka fuliso magaalada Kismaayo ee xarunta gobolka Jubbada Hoose, halkaasoo sanadkii hore laga qabsaday Al-shabaab iyadoo aysan ka dhicin wax dagaallo ah.

5/3/2013 6:39 AM EST
Jimco, May 03, 2013 (HOL) — Kal-fadhigii 43-aad ee St. Gallen Symposium ayaa si rasmi ah uga furmay magaalada St. Gallen ee dalka Switzerland, waxanaa kulankan kasoo qaybgalay siyaasiin caan ah iyo qubaro magic-weyn ku leh caalamka.

5/3/2013 6:32 AM EST
Jimco, May 03, 2013 (HOL) — Golaha wasiirrada xukuumadda Soomaaliya ayaa ansixiyay qorshe loogu talogalay dib u habeynta maamulka maaliyadda dalka, kaasoo ay soo diyaarisay wasaaradda maaliyadda iyo qorsheynta dowladda Soomaaliya.