3/29/2024
Today from Hiiraan Online:  _
Wararka Maanta- Talaado, May 14, 2013
Xarakada Al-shabaab oo ka hadashay tirada Ciidamada AMISOM looga dilay Soomaaliya kuna Hanjabtay Dagaallo kale

Talaado, May 14, 2013 (HOL) — Xarakada Al-shabaab oo dagaal kula jirtay dowladda Soomaaliya iyo AMISOM ayaa sheegtay inay xoojinayso dagaallada ay kula jirto ciidamadan, waxaana ay ka hadleen ciidamadii AMISOM ee lagu dilay gudaha Soomaaliya.

Afhayeenka howgallada ee Al-shabaab, Sheekh C/casiis Abuu-Muscab oo la hadlay warbaahinta qaarkeed ayaa sheegay inay rumeysan yihiin in tirada kaga dhimatay AMISOM gudaha Soomaaliya ay ka badan yihiin 3,000 oo askari.

“Innagu waxaan rumeysannahay in tiradaas ay aad uga badan tahay inta ay sheegtay Qaramada Midoobay, waxaana askartaas ay ku baxeen gacmaha mujaahidiinta,” ayuu yiri Abuu-Muscab oo sheegay in dagaalkooda oo ay u bedeleen mid jabhadeyn ah ay ku dileen tiro badan oo ka tirsan ciidamada AMISOM.

Sidoo kale, afhayeenku wuxuu sheegay inay bedeleen dagaalkii tooska ahaa ee ay kula jireen ciidamada AMISOM iyo kuwa dowaldda ayna ka dhigeen mid jabhadeyn ah oo ay ku ugaarsanayaan ciidamada isbahaysanaya meel walba oo ay ku arkaan.

“Ciidamada AMISOM ee aan ku dilnay dagaalkii tooska ahaa waxay aad uga badan yihiin tirada la sheegay ee 3,000 ah, waxaana naga go’an inaan sii wadno dagaalka inta aan ka dilayno tiro intaas ka badan ama ay dalkeenna nooga baxayaan,” ayuu Abuu-Muscab hadalkiisa ku daray.

Mar uu ka hadlay sida ay arkaan tirada la sheegay in looga dilay AMISOM gudaha Soomaaliya ayuu sheegay inay tahay mid ay aad u soo dhaweynayaan maadaama ay iyagu afkooda ka qirteen in ciidammo badan ay ku waayeen dagaalladii Soomaaliya.

“Tiradaas iyo mid ka badan ayaan inngu horay u haynay, haddii ay iyagu ka qirteen afkooda guul ayay noo tahay, waayo waxaan horay u sheegnay ayay iyagu qirteen maanta,” ayuu yiri afhayeenka howlgallada ee Al-shabaab oo aan la ogeyn halka uu ku sugan yahay.

Dhanka kale, Al-shabaab ayaa waxay sheegtay inay xoojinayso dagaalka ay kula jirto dowladda Soomaaliya iyo ciidamada taageeraya, iyadoo sheegtay inay beegsanayso saldhigyada ciidamada iyo xumaha dowladda.

 Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
5/14/2013 2:05 PM EST
Guddomiyaha xisbiga mucaaradka ee UCID mudane Faysal Cali Waraabi ayaa iska fogeeyey eedeymo uu u soo jeediyey wasiirak warfaafinta ee Soomaliland. Waxaa wareystay Ibraahim Baafo

5/14/2013 11:22 AM EST
Talaado, May 14, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) ayaa maanta ka qaybgalay munaasabad looga hadlayay mideynta gargaarka deeq-bixiyeyaasha caalmaka ee ee loo yaqaan ‘New Deal Process’, isagoo halkaas ka jeediyay khudbad ku saabsan qiimaha ay leedahay mideynta deeqaha.

5/14/2013 10:37 AM EST
Talaado, May 14, 2013 (HOL) —Xukuumadda Somaliland, ayaa si weyn uga so horjeedsatay soo wareejinta cashuuraha hawadda sare ee Soomaaliya laga qaado ee loo soo gacangaliyey dawladda Soomaaliya.

5/14/2013 10:31 AM EST
Talaado, May 14, 2013 (HOL) — Madaxweynaha Somaliland Mudane Axmed Maxamed Maxamuud Siillaanyo, ayaa maanta kulan balaadhan la yeeshay ardayda jaamacadaha dalka, waxaanu uga waramayey xaaladda guud ee dalka iyo qadiyadda madax banaanidda Somaliland.

5/14/2013 1:52 AM EST
Talaado, May 14, 2013 (HOL) — Dagaal muddo koobban socday ayaa ka dhacay deegaanka Goofgaduud Shabeelow oo 30-km u jirta magaalada Baydhabo ee xarunta gobolka Bay, dagaaalkaas oo ay Al-shabaab ku soo qaadday fariisimo ay deegaankaas ku lahaayeen ciidamada dowladda Soomaaliya iyo kuwa AMISOM.

5/14/2013 12:15 AM EST
Talaado, 14 May, 2013(HOL) :- Waxaa magaalada Ceelwaaq ee gobolka Gedo dib ugu soo laabatay ku dhawaad 500 oo qoys oo dad Qaxooti Soomaaliyeed ah kuwaasoo ku noolaa xerooyinka Qaxootiyada gobolka Waqooyi bari ee dalka Kenya.