3/28/2024
Today from Hiiraan Online:  _
Wararka Maanta- Sabti, May 11, 2013
Gaadiidleydii ka Shaqeynayay Degmooyinka Gobolka Shabeellada Hoose oo Isbaarooyin Awgood u joojiyay Howlahoodii

Sabti, May 11, 2013 (HOL) — Gaadiidleyda ka shaqeysa degmooyinka gobolka Shabeellada Hoose ayaa saakay ku dhaqaaqay shaqo-joojin, kaddib markii ay sheegeen in isbaarooyin fara badan lasoo dhigtay waddooyinka isku xira degmooyinka gobolka.

Darawallda gaadiidka shaqo-joojinta sameeyay ayaa sheegay in ciidammo ka tirsan kuwa dowladda ay isbaarooyin ay lacago ku qaadayaan dhigteen jidadkaas, taasina ay keentay inay shaqadooda joojiyaan; maadaama aysan bixin karin lacagta ay ka doonayaan ciidamada isbaarooyinkta dhiganaya.

“Waddooyinka ay ciidamadu dhigteen isbaarooyinka waxaa ka mid ah midda aadda degmada Marko iyo midda aadda degmaa Wanlaweyn, baabuurtii oo dhan saakay waxay yaallaan degmada Afgooye mana bixi karaan iyadoo aan wax laga qaban isbaarooyinkaas,” ayuu yiri darawal ka mid ah kuwa joojiyay howlahooda oo saxaafadda la hadlay.

Sidoo kale, darawalkan wuxuu sheegay in dhibaatooyinka ugu weyn ee ay ku qabaan marista waddooyinkaas ay tahay handadaad ama caga-juleyn xoog leh oo ay ku hayaan ciidamada isbaarooyinka dhiganaya.

“Dowladda Soomaaliya waxaan ka codsanaynaa inay wax ka qabato dhibka ay nagu hayaan ciidamada dowladda iyo isbaarooyinka waddooyinka u yaalla,” ayuu yiri darawalka oo magaciisa u qariyay sababo la xiriira amnigiisa.

Inkastoo ay weli shaqeynayaan gaadiidka ka shaqeeya waddada isku xirta Muqdisho iyo Afgooye ayaa darawallada gaadiidkan waxay dhawaanahan ka cabanayeen isbaarooyin is-babar-yaac ah oo ciidamada dowladdu soo dhiganayeen waddadaas.

Madaxweynaha Soomaaliya, Xasan Sheekh Maxamuud ayaa horay ugu dhawaaqay in la qaado dhammaan isbaarooyinka yaalla gudaha magaalada Muqdisho iyo gobollada ku dhow-dhow, isagoo sheegay in arrintaas ay qayb ka tahay qorshe lagu joojinayo musuqmaasuqa.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
5/11/2013 4:33 PM EST
Sabti, May 11, 2013(HOL)—Waxaa maalintii labaad ka socda xarunta International Coffee Organization shir looga hadlayo hawlaha ay AMISOM ka waddo Soomaaliya iyo sida ay qurba joogta soomaaliyeed uga faa,ideysan karaan fursadaha shaqo iyo sidii ay dalkooda wax ugu qaban lahaayeen.

5/11/2013 2:27 PM EST
Magaalada Minneapolis ee dalka Mareykanka ayaa waxaa lagu qabtay dood aad u xiisa badneyd ee lagu falanqeynayey arrimaha la xiriira Federalka Soomaaliya. Doodaada ayaa waxaa ka qayb-galay: Prof. Axmed I Samatar, Dr. Abdinur Sheekh Mohamed iyo Dr. Hodan Ciise

5/11/2013 12:21 PM EST
Sabti, May 11, 2013 (HOL) — Xarunta SWDC (Somali Women Developments Center ayaa waxay maanta ku wareejisay deeq isugu jirta qalab waxbarasho iyo mid caafimaad ku wareejisay maanta oo Sabti ah wasaarada adeegga bulshada xukuumadda Soomaaliya, waxaa deeqdan ay ka mid timid dadka Mareykanka, taasoo ay ugu talogaleen inay ku caawiyaan Soomaaliya.

5/11/2013 8:49 AM EST
Sabti, May 11, 2013 (HOL) — Taliyaha cusub ee ciidanka booliiska Somalia Jen. C/kariin Daahir Siciid (Saacid) oo toddobaad ka hor loo magacaabay xilkan ayaa si rasmi ah maanta ula wareegay xilkiisa, waxaana xafladdii lagu wareejinayay xilka ka qaybgalay ra’iisal wasaaraha Somalia, Cabdi Faarax Shirdoon (Saacid), guddoomiya maxkamadda sare, Avv. Caydiid Cabdullaahi Ilka-xanaf iyo wasiirka arrimaha guddaha iyo ammaanka Qaranka, C/kariin Xuseen Guuleed.

5/11/2013 8:34 AM EST
Jimco, May 10, 2013 (HOL) — Hay’adda UN-OCHA oo isku-dubaridka gargaarka bani’aadamnimo u qaabilsan Qaramada Midoobay ayaa sheegtay in daad ka dhashay roobab mahiigaan ah oo ka da’ay Koonfurta Soomaaliya ay dileen toddoba caruur ah, 50,000 oo kalena ku qasbay inay guryahooda ka barakaac, sidoo kalena ay u baaba’een daadadkaas 6,400 oo hektar oo dhul-beereed ah.

5/11/2013 8:28 AM EST
Sabti, May 11, 2013 (HOL) — Wsaaradda Boosaha iyo isgaadhsiinta Somaliland ayaa sheegtay inay ogolaatay lambaradda fureyaasha cusub ee shirkadda TELESOM ku soo kordhisay Mobile-keeda gacanta.

5/11/2013 2:04 AM EST
Sabti, May 11, 2013 (HOL) — Askari ka tirsan ciidamada dowladda Somalia iyo laba qof oo rayid ah ayaa xalay ku dhintay xaafadda suuqa xoolaha ee degmada Huriwaa, kaddib shaqaaqooyin is-daba socday oo xaafaddaas ka dhacay.

5/11/2013 2:01 AM EST
Sabti, May 11, 2013 (HOL) — Ugu yaraan 10-qof ayaa ku dhintay tiro intaas ka badanna way ku dhaawacmeen dagaal u dhexeeya laba beelood oo shalay ka dhacay deegaanka Raamo oo ku dhow degmada Mandheera ee gobolka Waqooyi-bari dalka Kenya.