3/29/2024
Today from Hiiraan Online:  _
Wararka Maanta- Jimco, Mar 29, 2013
Roobab Dabaylo xambaarsanaa oo Khasaare kala duwan geystay oo ka da’ay deegaanno ku yaalla Gobolka Sool (SAWIRRO)


Jimco, Maarso 29, 2013 (HOL) — Roobabkan oo billowday saqdii dhexe ee xalay oo socday illaa barqonimadii maanta ayaa waxay ka da’een deegaanno iyadoo degaannadaas ay kasoo baxayaan in roobabku ay geysteen khasaare isugu jirta naf iyo maal.

Deegaanka Farxas-kuulle oo ku dhowaad 10-km dhinaca waqooyi ka xiga beegan magaalada Laascaanood ayaa waxaa ku dhintay hal qof oo danab ama onkod uu ku habsaday, kaasoo ahaa aabbihii qoyska isla markaan ay ku waxyeeloobeen 12 caruur ah iyo hooyadadood; iyadoo tiro ari ahna ay uu danabku ku laayay xeradoodii.

Dadweynaha degmada Laascaanood ayaa gurmad ballaaran u fidiyay dadkii uu shirku ku dhacay iyagoo ku guulaystay inay soo gaarsiiyaan rugaha caafimaad ee magaaladda, sidoo kalena aasay aabbihii qoyskaas iyo xoolihii ku naf waayay shilka.

Keyse Jaamac oo ka mid dadkii halkaas tagay ayaa sheegay in dhibaatada ugu badan ee ka hor timid ay ahayd dhulka oo aad u jilcay oo gaadiidku uu mari waayay, dadkii oo goobta gaaray; iyagoo daallan iyo isgaarsiinta oo liidatay.

Keyse wuxuu intaasi ku daray inay goobta ugu tageen dad aad u dhibban oo daryaankii danabka iyo naxdintii dhimashada aabbihii qoyska ay u suuro-geli wayday inay helaan cid si cad wax ugu sharaxda, balse buu yiri waxaa noo muuqanayay maydkii xoolaha oo xero ku wadajira, kuwaasoo markii dambe aan aasnay si aanu caafimaadka dadka wax u yeelin.

Roobabka xalay ka da'ay deegaanno ka mid ah gobolka Sool khaasatan degmada Laascaanood oo ahaa kuwo dabaylo iyo danab isbarbar socda watay soona gaaray meelaha qaarkood barqadii maanta ayaa lasoo sheegayaa inay xoolo geel u badan ku laayay degaanno kala duwan oo ay ka mid yihiin: Dhuxun, Laasadaar, Ceegaag, Laf-weyn, Xaysimo iyo Dhanaqda dooxada nugaaleed.

Magaalada Laascaanood oo saqdii dhexe ee xalay waxaa ka da’ay roobab danab iyo dabaylo wadata ayaa waxay waxyeello gaarsiiyeen deegaanno ay dad dan-yar ahi deggenaayeen, waxaa kaloo la bakhtiiyay korontada ama laydhka magaalada oo illaa waaberigii maqnayd.

Roobabka noocan ah ayaa dhowrkii sanaba mar ka da'a gobolka Sool iyadoo sannadkii 2010-kii dad 6-ruux gaaraya iyo xoolo kun ka badan ay ku laayeen deegaanno kala duwan oo gobolka ka mid ah, halka sannadkii ku xigeyna ay qaar ka mid ah shirkadaha isgaarsiinta qaarkood khasaare soo gaarsiiyeen welina qaarkood sidii ay waqtigaa u daateen taawarradii laliska aan dib hawada loogu arag sida TELECOM.







Seynab Cabdi Warsame, Hiiraan Online
[email protected]
Laascaanood, Gobolka Sool













Click here
3/29/2013 3:44 PM EST
Khamiis, Maarso 28, 2013 (HOL) - Duqa magaalada Ottawa ee dalka Kanada Jim Watson oo ay wehliyaan xubno ka tirsan madaxda degaanada magaalada Ottawa ayaa guddoonsiiyey Fartuun Cabdisalaam Adan abaalmarin ay ku muteysatay howlaha sama-falka oo ay ka waddo magaalada Moqdisho. Xafladdaas oo ay soo abaabuleen hay'adda "City for All Women Initiative" laguna qabtay xaruunta magaalada Ottawa (City Hall)

3/29/2013 2:32 PM EST
Jimco, Maarso 29, 2013 (HOL) — Madaxweynaha Soomaaliya, Xasan Sheekh Maxamuud ayaa maanta safar shaqo ku tagay dalka Imaaraadka Carabta oo ka mid ah dalalka ku yaalla Khaliijka Carabta, isagoo caawa wadahadallo la yeeshay dhaxal-sugaha dalkaas, Maxamed Bin Zayed Al-Nahyan, iyagoo uga hadlay kulankooda arrimo la xiriira: ammaanka, dib u heshiisiinta harumarka iyo siyaasadda.

3/29/2013 12:49 PM EST
Jimco, Maarso 29, 2013 (HOL) — Ra'iisul wasaaraha Soomaaliya, Cabdi Faarax Shirdoon (Saacid) iyo wafdigii uu hoggaaminayay oo gellinkii dambe ee maanta dib ugu soo laabtay Muqdisho, ayaa warbaahinta uga warbixiyay natiijada kasoo baxday wadahalladii Kismaayo iyo kulamadii uu la qaatay qaybaha kala duwan ee bulshada Kismaayo.

3/29/2013 10:29 AM EST
Jimco, 29 Maarso, 2013(HOL) :- Ciidamo aad u tiro badan oo katirsan dowladda Soomaaliya islamarkaasina mudooyinkii u danbeeyay ku sugnaa duleedka magaalada ayaa maanta gudaha usoo galay magaalada Kismaayo, iyadoona ciidamadani la dajiyay saldhigyo ku yaal gudaha magaalada.

3/29/2013 10:13 AM EST
Jimco, 29 Maarso, 2013(HOL) - Wafdigii uu hogaaminayay ra’isul wasaaraha dowladda Federaalka Soomaaliya ee maalmihii ugu danbeeyay ku sugnaa magaalada Kismaayo ayaa maanta dib ugu laabtay magaalada Muqdisho ee caasimadda dalka Soomaaliya.

3/29/2013 3:47 AM EST
Jimco, Maarso 29, 2013 (HOL) — Xaflad ballaaran oo lagu sagootinayey 135 arday oo ka qalin jebiyey fasalka afraad ee dugsiga sare ayaa shalay galab ka dhacday xarunta dugsiga sare Imaamu Shaafici ee magaalada Boosaaso.

3/29/2013 3:34 AM EST
Jimco, Maarso 29, 2013 (HOL) — Madaxweynaha Soomaaliya ayaa sheegay inay socdaan baaritaanno ku saabsan eedeymaha ku saabsan in ciidamada dowladda ay dhibaatooyin u geystaan shacabka Soomaaliyeed oo ay ahayd inay difaacaan, isagoo xusay in haddii askari lagu helo dambi wax laga weydiin doono sarkaalkii xukumayay.

3/29/2013 3:05 AM EST
Jimco, Maarso 29, 2013 (HOL) — Ururka Qaranka Suxufiyiinta Soomaaliyeed ee NUSOJ ayaa soo dhaweeyay xukunkii ay maxkamadda ciidamada ku ridday gacan ku dhiiglihii dilay wariye Xasan Yuusuf Absuge, iyadoo xoghayah guud ee NUSOJ, Cumar Faaruuq uu xukunkaas ku tilmaamay mid hoos u dhigaya dilalka loo geystay suxufiyiinta Soomaaliyeed.

3/29/2013 2:29 AM EST
Jimco, Maarso 29, 2013 (HOL) — Wadahadalladii u dhexeeya xukuumadda Soomaaliya iyo maamulka KMG ah ee Kismaayo ayaa guul-darro ku dhammaaday kaddib markii la isku fahmi waayay wadahadallo socday shantii maalmood ee lasoo dhaafay.

3/29/2013 1:58 AM EST
Jimco, Maarso 29, 2013 (HOL) — Dhallinyaro kooxo-kooxo u abaabulan ayaa la sheegay inay dhibaatooyin isugu jira dhac iyo kufsi ka geystaan xilliyada habeenkii ah magaalada Hargeysa ee xarunta Somaliland, iyadoo taliyaha booliiska uu sheegay inay xirxireen kooxo kuwaas ka mid ah.

3/29/2013 1:42 AM EST
Jimco, Maarso 29, 2013 (HOL) — Madaxweynaha Soomaaliy, Xasan Sheekh Maxamuud ayaa sheegay inay rajeynayaan inay helaan hubkii ugu horreeyay tan iyo markii laga qaaday cunno-qabateyntii hubka ee saarnayd Soomaaliya in ka badan 20 sano, si ay u xoojiaan ciidamadooda dagaalka kula jira Al-shabaab.