3/29/2024
Today from Hiiraan Online:  _
Wararka Maanta- Khamiis, Mar 28, 2013
Wafdigii uu hogaaminayay Ra’isul wasaare Saacid oo booqday qeybo ka tirsan magaalada Kismaayo [DAAWO SAWIRRO]



Khamiis, 28 Maarso, 2013(HOL) :-Wafdigii uu horkacayay ra’isul wasaaraha xukuumadda Federaalka Soomaaliya Mudane Cabdi Faarax Shirdoon (Saacid) ayaa maanta booqasho ku soo maray marsadda caalamiga ah ee magaalada Kismaayo iyo weliba qaar katirsan xerooyinka ay daganyihiin ciidamada xoogga dalka.

 Ra’isul wasaare Saacid oo ay wehlinayeen xubno ka tirsan golihiisa wasiirada iyo masuuliyiinta ugu sareeysa maamulka Kismaayo  ayaa booqasho kusoo maray Marsadda Caalamiga ah ee magaalada Kismaayo iyo Xerada shiirkole oo ay daganyihiin guutada labaad ee ciidamada xoogga dalka.

Wafdiga Ra’isul wasaaraha ayaa booqashadooda ku bilaabay marsadda Kismaayo, xilli ay halkaasi ku suganaayeen doomo ganacsi oo laga dajinayay shixnado kala duwan, waxaan ra’isul wasaare Saacid iyo wafdigiisa ay kusoo wareegeen dhamaan qeybaha kala duwan ee Dakadda.

Intii uu ra’isul wasaaraha iyo wafdigiisa ay ku sugnaayeen gudaha dakadda ayaa warbixin kooban laga siiyay habka ay u shaqeyso dakadda iyadoona sidoo kale ra’isul wasaaruhu uu indhiisa ku arkay qeybo ay ka burbursantahay dakadda iyo weliba Markab xilliyadii dagaallada ku burburay dakadda oo hakad geliyay isticmaalka qeyb kamid ah dekedda.

Ra’isul wasaaraha iyo wafdigiisa ayaa intaasi ka dib u gudbay xarunta Shiirkole oo ku taal nawaaxiga madaxtooyada halkaasoo ay daganyihiin cutubyo ka tirsan guutada labaad ee ciidamada xoogga dalka, waxaana wafdiga ra’isul wasaaraha ay ku socdaaleen wadada dheer ee isku xirta dakadda iyo Madaxtooyada xilli dhaqdhaqaaqa dadka iyo gadiidka uu ahaa mid caadi ah.

Ra’isul wasaaraha ayaa markii uu gaaray xarunta Shiirkole waxa uu salaan sharaf ka gudoomay ciidamo ka tirsan dowladda, isagoona intaasi kadib kulan ay ilbaabada u xiranyihiin la qaatay madaxda ugu sareeysa ee maamulka Kismaayo iyo saraakiisha ciidamada ee ku sugan halkaasi.

Wafdiga ra’isul wasaaraha ayaa ugu danbeyn dib ugu laabtay Hotelkii ay daganaayeen iyadoona ay xusid mudantahay in wafdiga ay booqashadiisa ku wehlinayeen gudoomiyaha maamulka KMG ee Kismaayo Sheekh Axmed Max’ed Islaam (Axmed Madoobe), gudoomiye ku xigeenka maamulkaasi Yaasiin Nuur Gaas (Raadeer), wasiirro, xildhibaanno, Saraakiil iyo weliba cutubyo ka tirsan ciidamada AMISOM ee ku sugan Kismaayo.











…………..
Xasan Nuur, Hiiraan Online
[email protected]
Kismaayo-Soomaaliya.













Click here
3/28/2013 11:54 AM EST
Khamiis, Maarso 28, 2013 (HOL) — Roobab muddo saacado ah socdey isla markaana watey dabeylo aad u xooggan, ayaa 24-kii saac ee lasoo dhaafay ka da’ay galbeedka degmada Buurtinle ee gobolka Nugaal.

3/28/2013 11:26 AM EST
Khamiis, March 28, 2013(HOL): Ururka Somaliska Ungdomsnätverket (SUN) ayaa wuxuu u shalay u dabaal-degay sanadguuradiisii shanaad iyadoo sanadkan uu ururka ku xusay guriga looga arrimo degmada Eskilstuna ee dalka Sweden.

3/28/2013 11:08 AM EST
Khamiis, Maarso 28, 2013 (HOL) — Wasiiradda wasaaradda horumarinta iyo adeegga bulshada xukuumadda Soomaaliya, Maryan Qaasim Axmed oo uu wehliyo dajiraha Jamacadda Carabta u fadhiya Soomaaliya iyo madaxda waaxda waxbarashada ee wasaaradda horumarinta adeegga bulshada ayaa maanta dhagax-dhigtay dugsiyada 21-ka Oktoobar iyo dugsiga sare ee Howl-wadaag oo ka mid ah shan dugsi oo ay Jamacadda Carabta ka gacan siinayso dawladda Soomaaliya dib u dhiska Iskuullada.

3/28/2013 10:30 AM EST
Khamiis, Maarso 28, 2013 (HOL) — Waxaa lagu qabtay magaalada Muqdisho Maanta oo Khamiis ah kulan balaaran oo ay iskugu yimaadeen xildhibaanno kasoo jeeda beelaha Digil iyo Mirifle kuwaasoo maamulka loo sameeyay gobolka Bay ku tilmaamay mid kasoo horjeestay dastuurka dalka.

3/28/2013 9:35 AM EST
Khamiis, Maarso 28, 2013 (HOL) — Maxkamadda ciidamada qalabka sida ee dowladda Soomaaliya ayaa maanta xukun dil ah ku ridday, Aadan Sheekh Cabdi Sheekh Xuseen oo la sheegay in lagu helay inuu sannadkii hore ku dilay Muqdisho wariye Xasan Yuusuf Absuge oo ka tirsanaa Idaacada Maanta.

3/28/2013 9:26 AM EST
Khamiis, Maarso 28, 2013 (HOL) — Mas’uuliyiinta maamulka goballka Hiiraan, saraakiisha sar sare ee ciidamad Jabuuti oo uu ka mid yahay abaanduulaha guud ee ciidamada AMISOM Jen Cismaan Subaglle, waxgarad iyo odayaal dhaqmeed ayaa maanta ku soo dhaweeyay garoonka diyaaradaha Ugaas Khaliif ee magaalada Baladweyne diyaarad siday dawo uu ku deeqay madaxweynaha dalka Jabuuti Ismaaciil Cumar Geelle.

3/28/2013 9:05 AM EST
Khamiis, Maarso 28, 2013 (HOL) — Ciidamada AMSIOM ayaa la wareegay saakay saldhiggii ugu weyn ee madaxtooyada Baydhab oo ay ku sugnayeen Ciidamada Itoobiya; iyadoo ciidamada AMISOM ay horay ula wareegeen saldhigii garoonka diyaaradaha ee degmada Baydhabo oo ay ku sugnaan jireen ciidamada Itoobiya.

3/28/2013 8:26 AM EST
Khamiis, Maarso 28, 2013 (HOL) — Howlihii garoonka diyaaradaha Muqdisho ayaa hakad la geliyay maanta, kaddib markii uu soo baxay cabsi ammaan oo laga qaaday gaari ay leedahay shirkadda maamusha garoonka diyaaradaha ee SKA, sida uu sheegay maareeyay duulista hawada ee garoonka. Inj. Cali Maxamuud Ibraahim.

3/28/2013 7:57 AM EST
Khamiis, Maarso 28, 2013 (HOL) — Gudoomiyaha guddiga baadhista Xasuuqii dhacay, Khadar Axmed Like, ayaa ugu baaqay hay’ada Laanqayrta Cas (ICRC) inay ka caawiso siddii dadkii reer Somaliland ee lagu xasuuqay xeebta Jaziira ee magaalada Muqdisho qalfoofkooda dib loogu soo celin lahaa Somaliland, isla markaaana loogu aasi lahaa qaab waafaqsan shareecadda islaamka.

3/28/2013 7:44 AM EST
Khamiis, Maarso 28, 2013 (HOL) — Afhayeenka AMISOM, Col. Cali Aadan Xumad oo maanta shir jaraa’id ku qabtay Xalane ayaa ka hadlay arrimo ay ka mid yihiin halka la geynayo ciidamada ka imaaanaya dalka Sierra Leone, booliiska AMISOM oo ka howlgalaya gobollada dalka qaarkood iyo qorshe ay ku donayaan inay kula wareegaan deegaannada ay baneynayaan ciidamada Itoobiya.

3/28/2013 3:25 AM EST
Khamiis, Maarso 28, 2013 (HOL) — Guddoomiyaha gobolka Banaadir ahna duqa Muqdisho, Maxamuud Axmed Nuur (Tarsan) ayaa ugu baaqay shacabka ku nool magaalada Muqdisho inay ka hortagaan kooxaha kasoo horjeeda nabadda.

3/28/2013 3:23 AM EST
Khamiis, Maarso 28, 2013 (HOL) — Laamaha ammaanka ee magaalada Boosaaso ayaa shaaciyey magacyada 3 nin oo la rumeysan yahay in ay qayb ka yihiin dableydii shalay dhaca iyo dilka ka geystey xarunta xawaaladda KAAH ee magaalada Boosaaso.

3/28/2013 3:20 AM EST
Khamiis, Maarso 28, 2013 (HOL) — Xukuumada Soomaaliya ayaa magaalada Marko u dirtay wafdiyo ka socda wasaaradaha arrimaha gudaha iyo difaaca u dirtay degmada Marko ee xarunta gobolka Shabeellada hoose si ay xal uga gaaraan khilaafyo dagaallo sababay oo dhawaanahan ka dhacayay degmadaas.

3/28/2013 2:23 AM EST
Khamiis, Maarso 28, 2013 (HOL) — Madaxweynaha Soomaaliya, Xasan Sheekh maxamuud ayaa soo dhaweeyay warbixintii hay’adda xuquuqda aadanaha ee Human Rights Watch ay soo saartay ee lagu sheegay in xad-gudubyo loo geysto barakacayaasha ku jira xeryaha Muqdisho.

3/28/2013 1:46 AM EST
Khamiis, Maarso 28, 2013 (HOL) — Wasiirka arrimaha gudaha iyo amniga Qaranka, C/kariin Xuseen Guuleed oo ka mid ah wafdiga uu horkacayo ra’iisul wasaaraha Soomaaliya ee ku sugan magaalada Kismaayo ayaa ka warbixiyay kulammo ay la yeesheen mas’uuliyiin ka tirsan maamulka degmada iyo waxgaradka.