3/19/2024
Today from Hiiraan Online:  _
Wararka Maanta- Arbaco, Mar 27, 2013
Maxkamadda Racfaanka ee Somaliland oo dib u eegis ku sameysay dacwad loo haysto 17 qof oo hore dil loogu xukumay

Arbaco, Maarso 27, 2013 (HOL) — Maxamadda rafcaanka Ciidamadda Militariga, ayaa dib u eegis ku samaynaysa go’aankii maxkamadda hore ugu xukuntay 17 qof oo sanadkii hore soo weerartay xero ciidanka militarig ku leeyihiin bariga magaaladda Hargeysa.

Maxkamadan oo dhagaysatay galdacwadeedkii kiiskan loo haysto eedeesanayaashan maxkamadda hore ku xukuntay dilka iyo xadhiga iskugu jiray, ayaa ku soo gebogabowday jawi degan, iyadoo dib u dhigtay go’aanka maxkamadda dambe oo la soo sari doono bilowga bishan April ee sanadkan.

Inkastoo warbaahinta loo ogoleyn dhagaysiga kiiskan, hadana dadkii ka qaybgalay oo warbaahinta la hadlay ayaa sheegay si fiican u socotay dacwaddu, isla markaana ku rajo weyn yihiin in go’aan fiicani ka soo baxo.

Weerarkan ay dablaydani soo qaaday ayaa waxa ku dhintay saddex askari iyo ilaa afar qof oo shacab ah, haseyeeshee madax dhaqameedka 17 kan eedeysane ayaa sheegay inay bixiyeen magtii saddexda askari ee dhacdadaasi ku geeriyooday.

Barkhad-Ladiif M. Cumar, Hiiraan Online
[email protected]
Hargeysa, Somaliland













Click here
3/27/2013 1:23 PM EST
Arbaco, Maarso 27, 2013 (HOL) — Madaxweynaha Somaliland Mudane Axmed Maxamed Maxamuud (Siilaanyo) iyo weftigii uu Hoggaaminayay, ayaa galabta dalka dib ugu soo laabtay ka dib markii uu soo dhamaystay safar shaqo oo shan maalmood qaatay oo uu ku tagay dalka Imaaraadka carabta.

3/27/2013 1:09 PM EST
Arbaco, Maarso 27, 2013 (HOL) — Kaddib muddo dib u dhac ah ayaa lagu wadaa in ciidammo ka socda dalka Sierra Leone ay ka mid noqdaan howgalka ciidamada Midowga Afrika ee AMISOM, kuwaasoo ku sugan qaybo ka mid ah dalka Soomaaliya.

3/27/2013 12:20 PM EST
Arbaco, Maarso 27, 2013 (HOL) — Hay’adda caalamiga ah ee shaqada (ILO) iyo hay'adda horumarinta haweenka Soomaaliyeed ee IIDA ayaa maanta ku qabatay Muqdisho dabaal-deg loo sameeyay bisha ganacsiga haweenka Soomaaliyeed, Women Entrepreneur (MOWE). Waxaana halkaas lagu soo bandhigay ganacsiyo yaryar iyo kuwo dhexe oo ay haweenku ka shaqeystaan oo soo jiirtay dadkii kasoo goobtaas ku sugnaa.

3/27/2013 10:50 AM EST
Arbaco, 27 Maarso, 2013(HOL) :- Maamulka KMG ee magaalada Kismaayo ayaa ka warbixiyay xaaladda ammaan ee magaalada Kismaayo iyo weliba shirar ay mudooyinkii u danbeeyay gudaha magaalada kismaayo ku qaadanayeen wafdi ka socday dowladda Soomaaliya oo uu horkacayo ra'isul wasaaraha Soomaaliya iyo masuuliyiinta maamulka KMG ee kismaayo.

3/27/2013 10:03 AM EST
Arbaco, Maarso 27, 2013 (HOL) — Afhayeenka Al-Shabaab, Sheekh Cali Maxamuud Raage (Cali Dheere) ayaa ka warbixiyay xaaladda dalka iyo dagaallada ay kula jiraan dowladda iyo caawinaya iyo la wareegistii degmada Xudur ee xarunta gobolka Bakool.

3/27/2013 9:41 AM EST
Arbaco, Maarso 27, 2013 (HOL) — Kooxo hubeysan oo ka kooban shan qof ayaa dhac u geystay baqonimadii maanta xarunta shirkadda xawaaladda Kaah ay ku leedahay magaalada Boosaaso ee xarunta gobolka Bari, iyadoo lagu dilay halkaas maamulkii xaruntaas iyo mid ka mid ah waardiyeyaasha.

3/27/2013 9:28 AM EST
Arbaco, Maarso 27, 2013 (HOL) — illaa laabtan xidhibaan oo ka tirsan baarlamaanka Soomaaliya ayaa maanta gaaray degmada Jowhar ee xarunta gobolka Shabeellada dhexe, iyagoo kulammo la qaatay maamulka gobolka iyo kan degmada.

3/27/2013 3:16 AM EST
Arbaco, Maarso 27, 2013 (HOL) —Al-shabaab iyo Raaskabooni ayaa guulo kala kala sheegtay dagaal shalay ka dhacay degmada Afmdow ee gobolka Jubbada Hoose oo ay Al-shabaab gudaha ugu gashay degmadaas kuna sugnayd muddo kooban.

3/27/2013 2:50 AM EST
Arbaco, Maarso 27, 2013 (HOL) — Warbixin ay soo saartay Hay’adda xaquuqda aadanaha ee Human Rights Watch ayaa sheegtay in ciidamda dowladda iyo dabley hubeysan ay kufsi u geystaan haweenka ku jira xeryaha barakacayaasha ee ku yaalla Muqdisho, iyadoo dowladda ka dalbaday inay ka shaqeyso sidii ammaanka barakacyaasha loo xaqiijin lahaa.

3/27/2013 2:15 AM EST
Arbaco, Maarso 27, 2013 (HOL) — Wasiirka arrimaha dibadda ee Somaliland Maxamed Cabdullaahi Cumar oo ka jawaabayay warar ku saabsa inay Dubai ku kulmi doonaan madaxweynaha Soomaaliya, Xasan Sheekh Maxamuud iyo madaxweynaha Somaliland, Axmed Maxamed Maxamuud (Siilaanyo) ayaa sheegay inuusan jirin kulan dhexmari doona labada madaxweyne.