3/19/2024
Today from Hiiraan Online:  _
Wararka Maanta- Arbaco, Mar 27, 2013
Wasiirka Arrimaha Dibadda Somaliland oo sheegay Inaysan jirin Wadahadallo dhexmaraya Siilaanyo iyo Xasan Sheekh


Arbaco, Maarso 27, 2013 (HOL) — Wasiirka arrimaha dibadda ee Somaliland Maxamed Cabdullaahi Cumar oo ka jawaabayay warar ku saabsa inay Dubai ku kulmi doonaan madaxweynaha Soomaaliya, Xasan Sheekh Maxamuud iyo madaxweynaha Somaliland, Axmed Maxamed Maxamuud (Siilaanyo) ayaa sheegay inuusan jirin kulan dhexmari doona labada madaxweyne.

Cumar oo ku sugan Dubai ayaa BBC-da u sheegay in safarkooda uu ahaa mid ay kula kulamayeen madaxa Imaaraadka uuna u dhammaaday, ayna Arbacada maanta ah dib ugu laaban doonaan Somaliland.

“Shir ay labada madaxweyne halkan ku yeelanayaan ma jirto, wararka lagu sheegay inaan halkan u nimid inaan la kulanno madaxweyaha Soomaaliya waa mid aan jirin,” ayuu yiri Cumar oo inaas intaas ku daray: “Booqashadii aan halkan (Duabi) ku nimid waxay ahayd casuumaad rasmi ah oo aan ka helnay dowladda Imaaraadka wayna noo dhammaatay; mana jiro kulan kale oo noo qorsheysan inaan halkan ku yeelanno.”

Wasiirku wuxuu sheegay inay diyaar u yihiin sii socoshada wadahadalladii u dhexeeyay Soomaaliya iyo Somaliland, kuwaawsoo uu sheegay intii ay jirtay dowladda cusub Soomaaliya inaysan suurgelin, taasoo uu u sababeeyay inay dowladda Soomaaliya ku mashquulsanayd arrimo iyada u gaar ah oo ay ka mid yihiin sugidda nabadgalyada.

“Qorshayaal lagu damacsan yahay in wadahadalldu ay dib u bilowdaan ayaa socda, innaga (Somaliland) diyaar ayaan u nahay inaan ka qaybgalno meel kasta oo wadahadallada lagu qabanayo, muhiim ayayna Somaliland u yihiin wadahadalladaas,”  ayuu yiri Maxamed Cumar.

Mar uu ka jawaabayay su’aal ahayd inay ka qaybgalayaan shirka bisha May lagu qaban doono magaalada London ayuu sheegay inaysan diyaar u ahayn inay ka qaybgalaan, maadaama uu yahay shir gaar ah oo looga hadlayo arrimaha Soomaaliya.

“Ujeeddada ugu weyn ee shirka London laga leeyahay waa mid la doonayo in taageerooyin caalami ah oo dhinaca ammaanka lagu siiyo Soomaaliya, balse wadahadallada Somalia iyo Somailland waxay u baahan yihiin diyaargarow ka duwan midkan,” ayuu yiri wasiirka arrimaha dibadda Somaliland.

Gabagbadii hadalkiis ayuu ku sheegay inaysan jirin wax casuumaad ah oo ay ka heleen dowladda Britain kuna saabsan shirka Lodon, isagoo xusay inay ku adkeysanayaan in shirkaas aysan diyaar u ahay inay ka qaybgaleen.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
3/27/2013 1:23 PM EST
Arbaco, Maarso 27, 2013 (HOL) — Madaxweynaha Somaliland Mudane Axmed Maxamed Maxamuud (Siilaanyo) iyo weftigii uu Hoggaaminayay, ayaa galabta dalka dib ugu soo laabtay ka dib markii uu soo dhamaystay safar shaqo oo shan maalmood qaatay oo uu ku tagay dalka Imaaraadka carabta.

3/27/2013 1:09 PM EST
Arbaco, Maarso 27, 2013 (HOL) — Kaddib muddo dib u dhac ah ayaa lagu wadaa in ciidammo ka socda dalka Sierra Leone ay ka mid noqdaan howgalka ciidamada Midowga Afrika ee AMISOM, kuwaasoo ku sugan qaybo ka mid ah dalka Soomaaliya.

3/27/2013 12:20 PM EST
Arbaco, Maarso 27, 2013 (HOL) — Hay’adda caalamiga ah ee shaqada (ILO) iyo hay'adda horumarinta haweenka Soomaaliyeed ee IIDA ayaa maanta ku qabatay Muqdisho dabaal-deg loo sameeyay bisha ganacsiga haweenka Soomaaliyeed, Women Entrepreneur (MOWE). Waxaana halkaas lagu soo bandhigay ganacsiyo yaryar iyo kuwo dhexe oo ay haweenku ka shaqeystaan oo soo jiirtay dadkii kasoo goobtaas ku sugnaa.

3/27/2013 10:50 AM EST
Arbaco, 27 Maarso, 2013(HOL) :- Maamulka KMG ee magaalada Kismaayo ayaa ka warbixiyay xaaladda ammaan ee magaalada Kismaayo iyo weliba shirar ay mudooyinkii u danbeeyay gudaha magaalada kismaayo ku qaadanayeen wafdi ka socday dowladda Soomaaliya oo uu horkacayo ra'isul wasaaraha Soomaaliya iyo masuuliyiinta maamulka KMG ee kismaayo.

3/27/2013 10:03 AM EST
Arbaco, Maarso 27, 2013 (HOL) — Afhayeenka Al-Shabaab, Sheekh Cali Maxamuud Raage (Cali Dheere) ayaa ka warbixiyay xaaladda dalka iyo dagaallada ay kula jiraan dowladda iyo caawinaya iyo la wareegistii degmada Xudur ee xarunta gobolka Bakool.

3/27/2013 9:41 AM EST
Arbaco, Maarso 27, 2013 (HOL) — Kooxo hubeysan oo ka kooban shan qof ayaa dhac u geystay baqonimadii maanta xarunta shirkadda xawaaladda Kaah ay ku leedahay magaalada Boosaaso ee xarunta gobolka Bari, iyadoo lagu dilay halkaas maamulkii xaruntaas iyo mid ka mid ah waardiyeyaasha.

3/27/2013 9:28 AM EST
Arbaco, Maarso 27, 2013 (HOL) — illaa laabtan xidhibaan oo ka tirsan baarlamaanka Soomaaliya ayaa maanta gaaray degmada Jowhar ee xarunta gobolka Shabeellada dhexe, iyagoo kulammo la qaatay maamulka gobolka iyo kan degmada.

3/27/2013 9:10 AM EST
Arbaco, Maarso 27, 2013 (HOL) — Maxamadda rafcaanka Ciidamadda Militariga, ayaa dib u eegis ku samaynaysa go’aankii maxkamadda hore ugu xukuntay 17 qof oo sanadkii hore soo weerartay xero ciidanka militarig ku leeyihiin bariga magaaladda Hargeysa.

3/27/2013 3:16 AM EST
Arbaco, Maarso 27, 2013 (HOL) —Al-shabaab iyo Raaskabooni ayaa guulo kala kala sheegtay dagaal shalay ka dhacay degmada Afmdow ee gobolka Jubbada Hoose oo ay Al-shabaab gudaha ugu gashay degmadaas kuna sugnayd muddo kooban.

3/27/2013 2:50 AM EST
Arbaco, Maarso 27, 2013 (HOL) — Warbixin ay soo saartay Hay’adda xaquuqda aadanaha ee Human Rights Watch ayaa sheegtay in ciidamda dowladda iyo dabley hubeysan ay kufsi u geystaan haweenka ku jira xeryaha barakacayaasha ee ku yaalla Muqdisho, iyadoo dowladda ka dalbaday inay ka shaqeyso sidii ammaanka barakacyaasha loo xaqiijin lahaa.