3/28/2024
Today from Hiiraan Online:  _
Wararka Maanta- Sabti, Mar 23, 2013
Kooxo hubeysan oo saakay aroortii Degmada Dharkeynley ku dilay Haweeney u Shaqeynasay Waaxda Socdaalka

Sabti, Maarso 23, 2013 (HOL) — Kooxo hubeysan ayaa saakay ku toogtay xaafadda Celdheere ee degmada Dharkeynley haweeney ka mid ahayd shaqaalaha garoonka diyaaradaha Muqdisho, gaa rahaan waaxda socdaalka, iyadoo la toogtay xilli ay u socotay shaqadeeda, waxaana mana jirto sabab la ogyahay oo loo dilay iyo cidda dilkeeda ka dambeysay.

Haweeneyda la toogtay oo magaceeda lagu soo koobay Saynab ayaa waxaa toogtay laba ruux oo bastoolado ku hubeysan, kuwaasoo markiiba goobta ka baxsaday, iyadoo aysan jirin cid sheegatay inay ka dambeysay dilkaas.

Guddoomiyaha degmada Dharkeynley, Macallin Cabdulle Cali Hilowle ayaa u sheegay warbaahinta in kooxo hubeysan ay ku toogteen waaxda afaraad ee xaafadda Ceeldheere ee degmada Dharkeynley haweeneyda oo ka shaqeynaysay garoonka diyaaradaha, gaar ahaan waaxda socdaalka iyo jinsiyadaha.

“Ciidamada booliiska ayaan amar ku siinnay inay baaritaanno ku sameeyaan dilka haweeneydaas loo geystay iyo kooxihii ka dambeeyay, iyaga ayaana ka warsugaynaa,” ayuu Macallin Cabdulle hadalkiisa ku daray.

Haweeneyda oo dhaawac ahaan looga qaaday halkii lagu toogtay ayaa ku naf-baxday isbitaalka Madiina ee Muqdisho, halkaasoo loola cararay si loogu soo daweeyo, iyadoo falkan uu noqonayo kii ugu horreeyay noociisa oo ka dhaca degmada Dharkeynley.

“Dilkan wuxuu yimid iyadoo xaaladda degmada ay dhawaanahan ahayd mid aad u deggen, mana garanayno koox ka dambeysa dilka, waxaanse qabnaa in kooxaha dilka geystay ay ka tirsanaayeen Al-shabaab,” ayuu yiri Macallin Cabdulle oo sheegay inay socdaan baaritaanno lagu xaqiijinayo falkan ciddii ka dambeysay.

Haweeneydan saakay la toogtay ayaa waxay ka dhigaysaa haweeneydii sadexaad oo bishan oo kale kooxo bastoolado ku hubeysan ay ku dileen gudaha magaalada Muqdisho, iyadoo horay loo dilay gabar jaamaacad dhigata iyo haweeney ka shaqeysa isbitaal gaar loo leeyahay.

Tallaabooyinkan lagu beegsanayo haweenka shaqeeya iyo kuwa dhigta jaamcadaha ayaa ah kuwol ku cusub magaalada Muqdisho, iyadoo tani ay  cabsi weyn gelinayso haween badan oo u shaqeeya dowladda iyo kuwo kale oo u shaqeeya hay’adaha samafalka.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
3/23/2013 2:37 PM EST
Sabti, Maarso 23, 2013 (HOL) — Barakacyaashii ku noolaa Baydhabo ayaa billaabay inay dib ugu laabtaan tuulooyinkii ay markii hore ka yimaadeen kaddib markii ay waayeen cid taakuleysa ama dib u dejin u samaysa.

3/23/2013 2:12 PM EST
Sabti, Maarso 23, 2013 (HOL) — Labo arday oo dhiganayay dugsi Qur’aan ayaa ku dhintay saddex kalena way ku dhaawacmeen kaddib markii ay ku qaraxday walax ay garaaceen sida uu sheegay guddoomiyaha deegaanka Xeraale, Bashiir Daahir Yuusuf.

3/23/2013 1:22 PM EST
Sabti, Maarso 23, 2013 (HOL) — Roobab mahiigaan ah ayaa maanta ka da'ay degaanno badan oo ka tirsan gobolka Sool iyo degaanno ku dhow-dhow oo ay ka mid tahay magaalada Buuhoodle iyo kuwo kale oo hoos yimaada deegaanka Cayn oo ay dhibaato biyo iyo la'aan ahi ay ka jirtay kaddib markii laba xili roobaad ay baaqdeen.

3/23/2013 8:24 AM EST
Sabti, Maarso 23, 2013 (HOL) — Wafdigan oo ka koobanaa sagaal xubnood ayaa waxaa ku soo dhaweeyay garoonka diyaaradaha magaalada Baladweyne mas’uuliyiinta ka tirsan maamulka gobollka Hiiraan.

3/23/2013 8:24 AM EST
Sabti, Maarso 23, 2013 (HOL) — Madaxweynaha Somaliland Axmed Maxamed Maxamuud Siillaanyo iyo wefti balaadhan oo uu hoggaaminayo ayaa maanta u ambabaxay dalka imaaraadka Carabta, kaddib markii ay mas'uuliyiinta dalka ka heleen casuumaad rasmi ah.

3/23/2013 8:23 AM EST
Sabti, 23 Maarso, 2013(HOL) - Ciidamada nabadsugidda degmada Kismaayo ayaa maanta soo bandhigay Walxaha qarxa oo ay saaka kasoo bixiyeen mid kamid ah wadooyinka waaweyn ee magaalada Kismaayo.

3/23/2013 8:18 AM EST
Sabti, Maarso 23, 2013 (HOL) — Dowladda Mareykanka ayaa ka bixitaanka ciidamada Itoobiya ee gobollada Bay iyo Bakool ku tilmaantay tallaabo aan loo baahnayn xilligan, iyagoo ku boorriyay ciidamada dowladda iyo kuwa AMISOM inay buuxiyaan goobaha ay banneeyeen ciidamada Itoobiya.

3/23/2013 7:47 AM EST
Sabti, 23 Maarso, 2013(HOL) - Wafdi uu horkacayo gudoomiyaha maamulka KMG ee degmada Kismaayo Sheekh Axmed Max’ed Islaam (Axmed Madoobe) ayaa maanta soo gaaray magaalada Kismaayo iyagoona kasoo kicitimay magaalada Nairobi ee dalka Kenya.

3/23/2013 3:24 AM EST
Sabti, Maarso 23, 2013 (HOL) — Wariye Maxamuud Cabdiraxmaan Beene-Beene oo ka mid ahaa wariyeyaashii ka howlgeli jiray warbaahinta dalka, balse sannadihii ugu dambeeyay ku noolaa dalka Kenya ayaa xanuun awgiis xalay ugu geeriyooday magaalada Gaarisa ee xarunta gobolka Waqooyi-bari ee dalka Kenya.

3/23/2013 3:23 AM EST
Sabti, Maarso 23, 2013 (HOL) — Xaalad cabsi leh ayaa saakay ka taagan degmada Marko ee xarunta gobolka Shabeellada Hoose, kaddib markii uu shalay halkaas ku dhexmaray dagaal khasaare geystay askar kawada tirsan ciidamada dowladda Soomaaliya; iyadoo saakay ay degmadaas aadeen saraakiil ka tirsan kuwa dowladda.