3/29/2024
Today from Hiiraan Online:  _
Wararka Maanta- Axad, July 7 , 2013
Madaxweynaha & Ra’iisul waasaraha Soomaaliya oo ka qaybgalay Salaaddii Janaasada ee Boqor King-Kong (SAWIRRO)


Axad, July 07, 2013 (HOL) —Madaxweynaha Soomaaliya, Xasan Sheekh Maxamud, ra’iisul wasaaraha, wasiiro iyo xildhiabanno ka tirsan dowladda Soomaaliya ayaa ka qaybgalay salaaddii janaasada ee Boqor C/llaahi Boqor Muuse (King-Kong) oo maydkiisa maanta laga soo dajiyay garoonka weyn ee magaalada Muqdisho.

Marxuumka ayaa maydkiisa loo qaaday degmada Qardho halkaas oo maanta lagu aasayo, waxaana madaxda dowladda ay u duceeyeen maydka boqorka oo dhawaan ku geeriyooday dalka Finland.

“Geeridu waa xaq, waxaana EEBBE uga baryayaa eheladii, saaxiibadii iyo dhammaan Soomaalida inuu samir iyo iimaan ka siiso Boqor Cabdullaahi Boqor Muuse (King-Kong) oo si weyn looga yaqaanno Somalia, ahaan mid ka mid ah mas’uuliyiinta Qaran ee dadaallada badan u soo galay sidii dalka uu ku noqon lahaa mid xasilloon,” ayuu madaxweynuhu yiri janaasada kaddib.

Sidoo kale,  madaxweynuhu wuxuu sheegay inuu ahaa boqorku shaqsi si aad ah uga shaqeynayay nabaddeed. Sidoo kaena uu siyaasadda siyaasadda ka sakow ka mid ahaa madax dhaqameedka Soomaaliyeed.

Intaas kaddib wuxuu madaxweynaha Soomaliya gacan-qaaday dhammaan ehelladii qoyska oo ay ku jiraan xaaskiisii iyo caruurtiisii oo kasoo raacay dalka Finaldn, isagoo Alle uga baryay inuu Samir iyo iimaan buuxa ka siiyo.

Dhanka kale, waxaa munaasabadda janaasada ah ka qaybgalay siyaasiyiin, madax-dhaqameed iyo dadweyne Soomaaliyeed, kuwaasoo dhammaantood Alle uga baryay marxuumka inuu jannadiisii fardowso ahayd ka waraabiyo.

Inta badan maydadka madaxdii dalka soo maray, siyaasiyiinta iyo cid walba oo waxgarad ah ayaa lasoo marsiinayay sannadihii ugu dambeeyay xarunta Soomaaliya ee Muqdisho, waxaana xubnihii lasoo marsiiyay ka mid ahaa Col. C/llaahi Yuusuf Axmed oo horay madaxweyne uga soo noqday Soomaaliya.

Boqor C/llaahi Boqor Muuse King Kong ayaa wuxuu 24-kii bishii lasoo dhaafay ku geeriyooday dalka Filand halkaasoo uu muddo ku xanuunsanaa, waxaana suurogashay in maanta lagu aaso duleedka magaalada Qardho ee Puntland.







Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
7/7/2013 6:53 PM EST
Axad, July 07, 2013— Madaxweynaha Soomaaliya, Xasan Sheekh Maxamuud ayaa markii ugu horreysay ka hadlay xarigga Sheekh Xasan Daahir Aweys iyo dagaalladii ka dhacay magaalada Kismaayo ee xarunta gobolka Jubbada Hoose iyo arrimo kale oo badan ka daawo wareysigan oo uu siiyay TV-ga Universal.

7/7/2013 4:13 PM EST
Axad, July 07, 2013 (HOL) — Madaxweynaha Soomaaliya, Xasan Sheekh Maxamud oo maanta kulan la qaatay ganacsatada Soomaaliyeed ayaa ugu baaqay inay bisha barakeysan ee Ramadaan taageeraan masaakiinta gaar ahaan barakacayaasha ayna ka farxiyaan carruurta Soomaaliyeed maalinta ciidda ee bishan ku xigta.

7/7/2013 2:38 PM EST
Axad, July 07, 2013 (HOL) — Waxaa maanta magaalada Qardho si diirran loogu soo dhoweeyey wefdi ballaaran oo uu horkacayo madaxweynaha Puntland C/raxmaan Maxamed Maxmuud Faroole, islamarkaana uu qayb ka yahay madaxweynaha maamulka Jubbaland Axmed Maxamed Islaan (Madoobe).

7/7/2013 2:18 PM EST
Axad, July 07, 2013 (HOL) — Dagaal u dhexeeya ciidammo kawad tirsan dowaldda Soomaaliya ayaa maanta ka dhcay Buurha-kaba ee gobolka Bay, waxaana la sheegayaa inay iska dileen ciidamadan shan askari ayna isaga dhaawaceen dagaalka askar kale oo fara badan.

7/7/2013 1:34 PM EST
Axad, July 07, 2013 (HOL) — Kooxo hubeysan oo aan la garanayn ayaa toogasho ku dilay caawa fiidkii wariye ka mid ah wariyeyaasha ka howlgala magaaladaas, iyadoo kooxaha dilka geystay ay u suurogashay inay goobta ka baxsadaan.

7/7/2013 11:59 AM EST
AxadSunday, July 7, 2013(HOL)—Boqolaal dadweyne ah oo ka kooban qeybaha Bulshada ayaa Maanta waxa ay isu soo bax balaaran ka dhigeen waddoyinka waaweyn ee Magaalada Melbourne.

7/7/2013 10:20 AM EST
Axad, July 07, 2013 (HOL) — Dibadbaxayaal haween u badan ayaa maanta ka dhigay Muqdisho bannaanbax ay ku dalabnayeen in dowladda Soomaaliya ay maxkamad soo taagto Sheekh Xasan Daahir Aweys, waxayna dadkan wateen boorar ay ku qoran yihiin inuu yahay gacan-ku-dhiigle dad badan dilay.

7/7/2013 8:43 AM EST
Axad, July 07, 2013 (HOL) — Madaxweynaha KMG ah ee dalka Masar, Cadli Mansuur ayaa maanta sheegay inuusan ra’iisul wasaaraha Masar u magacaabin siyaasiyiinta Maxamed Al-baraadici oo ka mid ahaa xubnihii sida weyn ugu ololeynayay in xukunka laga tuuro madaxweynihii lasoo doortay ee dalka Masar Maxamed Mursi.

7/7/2013 8:04 AM EST
Axad, July 07, 2013 (HOL) — Allaha u naxariistee waxaa maanta lagu aasay Bariga magaalada Qardho marxuum Boqor C/llaahi Boqor Muuse King-Kong oo bishii hore ku geeriyooday xarunta dalka Finland, kaddib markii uu halkaa ku xanuunsaa muddo bilooyin ah.

7/7/2013 7:52 AM EST
Axad, July 07, 2013 (HOL) — Wafdiyo ka socday Soomaaliy iyo Somaliland oo ka qaybgalaya shirka labaad ee labadan dhinac ku dhexmaraya Istabnuul ayaa maanta la kulmay wasiirka arrimaha dibadda Turkiga, Axmed Daa’uud Oogle oo gar-wadeen ka noqonaya shirkan.

7/7/2013 7:33 AM EST
Axad, July 07, 2013 (HOL) — Askari ka tirsan ciidamada dowladda Somalia iyo nin hubeysan oo la sheegay inuu geystay dilka askariga ayaa lagu dilay maanta isgoyska Fagax ee degmada Yaaqshiid ee gobolka Banaadir.

7/7/2013 7:32 AM EST
Axad, July 07, 2013 (HOL) — Waaxda waxbarashada hiddaha iyo tacliinta sare ee wasaaradda horumarinta adeegga bulshada xukuumadda Somalia ayaa wadda qorshe ay ku qaadanayso macallimiin Soomaaliyeed oo tiradoodu dhan tahay 1,000, kuwaasoo wax ka dhigi doona iskuullada ku yaalla gobollada Koonfurta & Bartamaha Soomaaliya.

7/7/2013 2:28 AM EST
Axad, July 07, 2013 (HOL) — Siyaasiyiinta Kenya iyo gacanacsatada jaadka ayaa ugu baaqay xukuumadda Kenya inay kala hadasho dhiggeeda Britain go’aanka lagu mamnuucayo ganacsiga jaadka, kaasoo sabab u noqonaya in malaayiin doollar oo khasaare ah ay soo wajahdo wax-soo-saarka beeraha dalka Kenya.

7/7/2013 2:06 AM EST
Axad, July 07, 2013 (HOL) — Madaxweynaha Soomaaliya, Xasan Sheekh Maxamuud ayaa markii ugu horreysay ka hadlay xariga Sheekh Xasan Daahir Aweys iyo dagaalladii ka dhacay magaalada Kismaayo ee xarunta gobolka Jubbada Hoose.

7/7/2013 2:03 AM EST
Axad, July 07, 2013 (HOL) — Magaalada Istanbuul ee dalka Turkiga ayaa waxaa ka socota qabanqaabada wajigii labaad ee wadahadallada u dhexeeya Soomaaliya iyo Somaliland, kuwaasoo maalinta berri ah ka furmi doona magaaladaas.