3/29/2024
Today from Hiiraan Online:  _
Wararka Maanta- Axad, July 7 , 2013
Wasaarada Horumarinta Adeegga Bulshada Somalia oo Qorsheynaysa inay kun Macallin u Qaadato Waxbarashad Dalka

Axad, July 07, 2013 (HOL) — Waaxda waxbarashada hiddaha iyo tacliinta sare ee wasaaradda horumarinta adeegga bulshada xukuumadda Somalia ayaa wadda qorshe ay ku qaadanayso macallimiin Soomaaliyeed oo tiradoodu dhan tahay 1,000, kuwaasoo wax ka dhigi doona iskuullada ku yaalla gobollada Koonfurta & Bartamaha Soomaaliya.

Agaasimaha guud ee waxbarashada, hiddaha & tacliinta Sare Prof. Maxamed Cabdulqaadir Nuur oo maanta ka hadlay arrintaan ayaa sheegay in gobollada Banaadir, Hiiraan, Shabeelaha Hoose, Shabeelaha Dhaxe, Jubadda Hoose, Bay, Gedo, Galgaduud iyo Mudug laga qaadan doono macallimiin ayna ka shaqeyn doonaan gobolladas.

“Waxaan sameynaynaa jaan-gooy aan gobol walba aan uga qoondaynayno tiro macalimiinta, waxaana rajeyneynaa in shacabka Soomaaliyeed kuwooda fursadahan danaya inay si fiican ugu faa’iideystaan wasaaradduna ay si cad oo cadaaladi ku jirto u soo xulli doonta macallimiintan; iyagoona dhigi doona dugsiyada hoose, dhaxe iyo sare,” ayuu yiri Prof. Maxamed C/qaadir.

Agaasimaha ayaa sheegay in tani ay qayb ka tahay mashruuc loogu magac-daray aada dugsiyadda (Go-To-School) oo ay fikraddiisu leedahay wasiirada Wwsaaradda horumarinta adeegga bulshada, Maryan Qaasin Axmed, iyadoo wasaaraddu ku rajo weyn tahay in bisha September ee sannadkan dib looga furo dhamaan gobollada dalka dugsiyo ama iskuullo lacag la’aan ah.

Xukuumadda Soomaaliya ayaa horay u qorsheysay in hal milyan oo caruurta Soomaaliyeed ah ay helaan waxbarasho lacag la’aan ah, waxaana socda dib u dayactir lagu sameynayo guud ahaan iskuulladii dalka ee burburay intii ay socdeen dagaallada sokeeye.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
7/7/2013 6:53 PM EST
Axad, July 07, 2013— Madaxweynaha Soomaaliya, Xasan Sheekh Maxamuud ayaa markii ugu horreysay ka hadlay xarigga Sheekh Xasan Daahir Aweys iyo dagaalladii ka dhacay magaalada Kismaayo ee xarunta gobolka Jubbada Hoose iyo arrimo kale oo badan ka daawo wareysigan oo uu siiyay TV-ga Universal.

7/7/2013 4:13 PM EST
Axad, July 07, 2013 (HOL) — Madaxweynaha Soomaaliya, Xasan Sheekh Maxamud oo maanta kulan la qaatay ganacsatada Soomaaliyeed ayaa ugu baaqay inay bisha barakeysan ee Ramadaan taageeraan masaakiinta gaar ahaan barakacayaasha ayna ka farxiyaan carruurta Soomaaliyeed maalinta ciidda ee bishan ku xigta.

7/7/2013 2:38 PM EST
Axad, July 07, 2013 (HOL) — Waxaa maanta magaalada Qardho si diirran loogu soo dhoweeyey wefdi ballaaran oo uu horkacayo madaxweynaha Puntland C/raxmaan Maxamed Maxmuud Faroole, islamarkaana uu qayb ka yahay madaxweynaha maamulka Jubbaland Axmed Maxamed Islaan (Madoobe).

7/7/2013 2:18 PM EST
Axad, July 07, 2013 (HOL) — Dagaal u dhexeeya ciidammo kawad tirsan dowaldda Soomaaliya ayaa maanta ka dhcay Buurha-kaba ee gobolka Bay, waxaana la sheegayaa inay iska dileen ciidamadan shan askari ayna isaga dhaawaceen dagaalka askar kale oo fara badan.

7/7/2013 1:34 PM EST
Axad, July 07, 2013 (HOL) — Kooxo hubeysan oo aan la garanayn ayaa toogasho ku dilay caawa fiidkii wariye ka mid ah wariyeyaasha ka howlgala magaaladaas, iyadoo kooxaha dilka geystay ay u suurogashay inay goobta ka baxsadaan.

7/7/2013 11:59 AM EST
AxadSunday, July 7, 2013(HOL)—Boqolaal dadweyne ah oo ka kooban qeybaha Bulshada ayaa Maanta waxa ay isu soo bax balaaran ka dhigeen waddoyinka waaweyn ee Magaalada Melbourne.

7/7/2013 10:20 AM EST
Axad, July 07, 2013 (HOL) — Dibadbaxayaal haween u badan ayaa maanta ka dhigay Muqdisho bannaanbax ay ku dalabnayeen in dowladda Soomaaliya ay maxkamad soo taagto Sheekh Xasan Daahir Aweys, waxayna dadkan wateen boorar ay ku qoran yihiin inuu yahay gacan-ku-dhiigle dad badan dilay.

7/7/2013 8:43 AM EST
Axad, July 07, 2013 (HOL) — Madaxweynaha KMG ah ee dalka Masar, Cadli Mansuur ayaa maanta sheegay inuusan ra’iisul wasaaraha Masar u magacaabin siyaasiyiinta Maxamed Al-baraadici oo ka mid ahaa xubnihii sida weyn ugu ololeynayay in xukunka laga tuuro madaxweynihii lasoo doortay ee dalka Masar Maxamed Mursi.

7/7/2013 8:04 AM EST
Axad, July 07, 2013 (HOL) — Allaha u naxariistee waxaa maanta lagu aasay Bariga magaalada Qardho marxuum Boqor C/llaahi Boqor Muuse King-Kong oo bishii hore ku geeriyooday xarunta dalka Finland, kaddib markii uu halkaa ku xanuunsaa muddo bilooyin ah.

7/7/2013 7:52 AM EST
Axad, July 07, 2013 (HOL) — Wafdiyo ka socday Soomaaliy iyo Somaliland oo ka qaybgalaya shirka labaad ee labadan dhinac ku dhexmaraya Istabnuul ayaa maanta la kulmay wasiirka arrimaha dibadda Turkiga, Axmed Daa’uud Oogle oo gar-wadeen ka noqonaya shirkan.

7/7/2013 7:40 AM EST
Axad, July 07, 2013 (HOL) —Madaxweynaha Soomaaliya, Xasan Sheekh Maxamud, ra’iisul wasaaraha, wasiiro iyo xildhiabanno ka tirsan dowladda Soomaaliya ayaa ka qaybgalay salaaddii janaasada ee Boqor C/llaahi Boqor Muuse (King-Kong) oo maydkiisa maanta laga soo dajiyay garoonka weyn ee magaalada Muqdisho.

7/7/2013 7:33 AM EST
Axad, July 07, 2013 (HOL) — Askari ka tirsan ciidamada dowladda Somalia iyo nin hubeysan oo la sheegay inuu geystay dilka askariga ayaa lagu dilay maanta isgoyska Fagax ee degmada Yaaqshiid ee gobolka Banaadir.

7/7/2013 2:28 AM EST
Axad, July 07, 2013 (HOL) — Siyaasiyiinta Kenya iyo gacanacsatada jaadka ayaa ugu baaqay xukuumadda Kenya inay kala hadasho dhiggeeda Britain go’aanka lagu mamnuucayo ganacsiga jaadka, kaasoo sabab u noqonaya in malaayiin doollar oo khasaare ah ay soo wajahdo wax-soo-saarka beeraha dalka Kenya.

7/7/2013 2:06 AM EST
Axad, July 07, 2013 (HOL) — Madaxweynaha Soomaaliya, Xasan Sheekh Maxamuud ayaa markii ugu horreysay ka hadlay xariga Sheekh Xasan Daahir Aweys iyo dagaalladii ka dhacay magaalada Kismaayo ee xarunta gobolka Jubbada Hoose.

7/7/2013 2:03 AM EST
Axad, July 07, 2013 (HOL) — Magaalada Istanbuul ee dalka Turkiga ayaa waxaa ka socota qabanqaabada wajigii labaad ee wadahadallada u dhexeeya Soomaaliya iyo Somaliland, kuwaasoo maalinta berri ah ka furmi doona magaaladaas.