3/28/2024
Today from Hiiraan Online:  _
Wararka Maanta- Arbaco, July 3 , 2013
Mucaaradka Puntland oo sheegay in loo diiday Dibadbax ay Qorsheynayeen inay ka sameeyaan Boosaaso (SAWIRRO)


Arbaco, July 03, 2013 (HOL) — Golaha mucaaradka Puntland oo shir-jaraa'id ku qabtay xafiiskooda magaalada Boosaaso, ayaa sheegay in maanta laga horjoogsaday bannaan bax nabadeed oo ka dhan ah urur-siyaasadeedka Horseed.

Shir-ay warbaahinta ugu qabteen xaruntooda magaalada Boosaaso ayey ku eedeeyeen xukuumadda xilligan Puntland ka arrimisa ee uu hoggaamiyo Madaxweyne C/raxmaan Maxamed Faroole, iyagoo sheegay in ay caado ka dhigatay cabburinta dadka shacabka ah.

Afhayeenka Golaha Samata Bixinta Puntland Maxamed Cilmi Cabdalla oo ugu horeyn shirkaas jaraa'id ka hadlay, ayaa sheegay in sinaba aan loogu dulqaadin doonin awood ku muquuninta shacabka, arintaasoo uu sheegay in ay tahay mid madax bannaanida dadka iyo bini aadminimadaba liddi ku ah.

“Dadkii aan soo abaabulnay oo tiro ahaan dhowr boqol oo qof ahaa waa la caburiyey, waxaana hor joogsaday ciidamada, muddaahraadkaas waxaa nalooku sheegtay xoog iyo awood, anaguna waan ka xishoonay in aan dadkayaga burbur iyo nidaam darro u horseedno anagoo gacan ka hadal ku jawaabeyna.." Afhayeenka golaha mucaaraka Puntland ayaa yiri.

Sidoo kale guddoomiye ku xigeenka urur-siyaasadeedka MIDNIMO Dr. C/qaadir Siciid Shiine oo isna shirkaas jaraa'id ka hadlay, ayaa sheegay in ay wax laga xumaado tahay in dadka shacabka ah loo diido in ay si cad afkaartooda siyaasadeed u muujiyaan, isagoo xusay in dhaqanka noocan ahi uu yahay mid astaan u ah maamullada keligood taliska ah.

"Ujeedada aan dibad baxa u dhigi lahayni waxay ahayd inaan muujinno dareenkeena ku aaddan doorashada, kaas oo ah in doorashada la filayaa ay tahay mid aan xalaal ahayn oo la doonayo in lagu kala qaybiyo dadka walaalaha ah ee reer Puntland.." Guddoomiye ku xigeenka ururka MIDNIMO Dr. Shiine ayaa yiri.

Waa markii labaad muddo todobaad gudeheed ah oo Golaha Samata Bixinta Puntland - oo mucaarad ku ah xukuumadda Madaxweyne Faroole- ay sheegaan in laga horjoogsadey dibad bax nabadeed oo ay doonayeen in ay ka dhigaan magaalada Boosaaso.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
7/3/2013 5:33 PM EST
Arbaco, July 03, 2013(HOL)—Kaddib mudaharaadyo xiriir ahaa oo dhawaanahan ka socday magaalada Qaahira ee xarunta dalka Masar, gaar ahaan halkii looga mudaharaaday Madaxweynihii hore Maxamed Xusni Mubaarak ayaa waxay ugu dambeyntii keeneen in xukunka xoog looga wareejiyo madaxweynaha Masar Maxamed Musri oo xilli yar waddanka soo xukumayay.

7/3/2013 4:12 PM EST
Arbaco, July 03, 2013(HOL) — Xukuumadda Britain ayaa ku dhawaaqday in ay mamnuuceyso qaadka oo ay u aragto in uu halis caafimaad sababo, isla markaana uu la mid yahay daroogada qaarkeed.

7/3/2013 11:30 AM EST
Arbaco, July 03, 2013 (HOL) — Ergayga Midowga Afrika ee arrimaha Somalia dajire Maxamed Saalax Anaadiif ayaa maanta kulan la yeeshay madaxweyne Xasan Sheekh Maxamuud iyo ra’iisul wasaare Cabdi Faarax Shirdoon (Saacid) kaasoo ay kaga hadleen dagaalladii ka dhacay Kismaayo.

7/3/2013 10:51 AM EST
Arbaco, July 03, 2013 (HOL) — Madaxweynaha Puntland C/raxmaan Maxamed Maxamuud (Faroole) oo todobaadyadii ugu danbeeyey safar shaqo dalka dibaddiisa ugu maqnaa ayaa maanta dib ugu soo laabtay caasimadda Puntland ee Garoowe.

7/3/2013 9:34 AM EST
Arbaco, July 03, 2013 (HOL) — Xildhibaannada baarlamaanka Soomaaliya oo maanta kulan ku yeeshay Muqdisho ayaa ansixiyeen hindise sharciyeedka dib u eegista iyo hirgelinta dastuurka dalka.

7/3/2013 9:10 AM EST
Arbaco, July 03, 2013 (HOL) — Xarakada Al-shabaab ayaa madaafiic hoobiye ah xalay iyo saakay ku weeraray saldhigyo ay ciidamada AMISOM iyo kuwa Itoobiya oo ku kala sugan garoonka diyaaradaha Baydhabo iyo warshadda Xaseey, lana oga khasaaraha ka dhashay weerarradaas.

7/3/2013 8:42 AM EST
Arbaco, July 03, 2013 (HOL) — Iyadoo lagu guda jiro wareegii labaad ee ololaha doorashooyinka goleyaasha deegaanka ee Puntland, islamarkaana maanta uu ku qornaa ururka xukuumadda ee HORSEED, ayaa waxaa ciidamo aad u tira badan lasoo dhoobay jidadka muhiimka ah ee magaalada Boosaaso.

7/3/2013 8:24 AM EST
Arbaco, July 03, 2013 (HOL) — Magaalada Gaalkacayo ee xarunta gobolka Mudug, waxaa maanta ka dhacay iska hor imaad khasaare badan geystey oo dhex maray ciidamada ammaanka ee Puntland iyo kooxo hubeysan oo kasoo horjeeda ololaha doorashada ee ururka Horseed ee uu hoggaamiyo Madaxweyne Faroole.

7/3/2013 8:23 AM EST
Arbaco, July 03, 2013 (HOL) — Maxkamada degmada Hargeysa, ayaa maanta xukun xadhig iyo ganaax iskugu jira ku riday masuuliyiinta wargeyska madaxa banaan ee HUBAAl ka dib markii xayiraad la saaray wargeyska oo dacwadiisi ka socotay maxkamadda.

7/3/2013 7:16 AM EST
Arbaco, July 03, 2013(HOL) :- Mudnayaasha baarlamaanka federaalka Soomaliya ee kasoo jeeda gobollada Jubooyinka iyo Gedo ayaa booqday dhaawacyadii ciidamada dowlada Soomaaliya iyo dad rayid ah oo kusoo dhaawacmay dagaaladii ka dhacay magaalada kismaayo ee xarunta gobolka jubada hoose kuwaasoo lasoo dhigay isbitaalka Madiino ee magaalada Muqdisho.

7/3/2013 4:01 AM EST
Arbaco, July 03, 2013 (HOL) — Magaalada Seattle ee gobolka Washington ayaa lagu soo gabagabeeyey koob kubadda koleyga ah oo loogu magic-daray isbuucii Soomaalida iyo tartan kubadda koley ah kaasoo lagu soo beegay munaasabadda 53-guuradii xoriyadda Soomaaliya. Cayaarahaan oo soo socday muddo toddobaad ah ayaa lasoo gabagabeeyay 01-dii Luuliyo.

7/3/2013 4:00 AM EST
Arbaco, July 03, 2013 (HOL) — Guddoomiyaha bankiga dhexe, Cabdisalaan Cumar Hadliye ayaa iska fogeeyay warbixinta ku saabsan in 80% lacagaha kusoo xarooday bankiga dhexe ee Soomaaliya ay la baxeen shaqsiyaad gaar ah oo ay soo saartay Qaramada Midoobay.