3/28/2024
Today from Hiiraan Online:  _
Wararka Maanta- Talaado, July 2 , 2013
Xildhibaannada Baarlamanka Soomaaliya oo Maanta yeelanaya kulan billow u ah kulammo socon doona muddo 30-casho ah

Talaado, July 02, 2013 (HOL) — Xildhibaannada baarlamaanka Somalia ayaa lagu wadaa inay maanta yeeshaan kulan ka duwan kuwii hore oo soconaya muddo bil ah, kaddib markii uu dhawaan sidaas ka codsaday madaxweynaha dowladda Soomaaliya, Xasan Sheekh Maxamuud.

Kalfadhigan ayaa waxaa looga doodi doonaan hindise sharciyeedyo ay horay ugu soo gudbisay baarlamaanka xukuumadda Soomaaliya, iyadoo lagu wado in inta kulammadan socdaan ay xildhibaannadu ansixiyaan hindisayaashaas.

“Fadhiga baarlamaanka ee maanta billaabanaya wuxuu socon doonaan hal bil, waana mid uu codsaday madaxweynaha Soomaaliya maadaama lagu jiro fasaxii baarlamaanka ee labada bilood ahayd,” ayuu yiri xidhibaan Maxamed Cumar oo ah xoghayaha baarlamaanka Soomaaliya.

Sidoo kale, xoghayuhu wuxuu sheegay in xildhibaannadu ay ku mahadsan yihiin ogolaashaha codsiga madaxweynaha uu u soo gudbiiyay, ayna doodo ka yeelan doonaan inta kulanka socdo meel-marinta sharciyada.

“Hindisayaasha horyaalla baarlamaanka waxaan ka mid ah midka arrimaha dibadda, la dagaalanka argagaxisada, sharciga kalluumeysiga iyo kuwo kale oo fara badan, dhammaantoodna waxaa lagu wadaa in kulankan lagu meel-mariyo,” ayuu hadalkiisa raaciyay.

Kulanka maanta ayaa wuxuu imaanayaa iyadoo maalin ka hor lasoo xiray kal-fadhigii labaad ee golaha baarlamaanka Soomaaliya, iyadoo uu shir-guddoomin doono kulanka maanta guddoomiiyaha baarlamaanka Somalia, Prof. Maxamed Sheekh Cismaan (Jawaari).

Fadhiga aan caadiga ahayn ee xildhibaannada baarlamaanka u furmaya maanta ayaa noqonaya kii ugu horreeyay noociisa oo ay yeeshaan tan iyo markii ay howlahooda billaabeen xildhibaannada baarlamaanka bishii Ogoosto ee sannadkii hore.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
7/2/2013 2:37 PM EST
Soomaali lagu qiyaasay kumanaan kun ayaa habaynkii xalay ahaa isugu soo baxay fagaare ku yaalla xaafada Islii ee Soomaalida ay ka daggantahay magaalada Nairobi.

7/2/2013 12:01 PM EST
Talaado, July 02, 2013 (HOL) — Wasiirka Arrimaha gudaha Somalia, C/kariin Xuseen Guuleed oo ka hadlay xaaladda Sheekh Xasan Daahir ayaa sheegay inuu ku jiro gacanta dowladda Soomaaliya uuna caafimaad qabo, isagoo wax aan jirin ku tilmaamay wararka sheegaya in lagu wareejiyay dad ajnabi ah.

7/2/2013 11:07 AM EST
Talaado, July 02, 2013 (HOL) — Qaar kamid ah dadkii ku dhaawacmay dagaalladii ka dhacay magaalada Kismaayo - dhowrkii maalmood ee lasoo dhaafay- ayaa maanta lasoo gaarsiiyey magaalada Gaalkacayo ee xarunta gobolka Mudug.

7/2/2013 11:02 AM EST
Talaado, July 02, 2013 (HOL) — Ururka hormarinta midowgga dhalinyarrada gobolka Hiiraan oo kashanaya qaar ka mid ah guddiyada xaafaddaha magaalada Baladweyne ayaa bilaaway dib u dayactir lagu sameynayo jidadka muhiim u ah isku xirka magaalada iyo deegaannada ku dhaw dhaw oo ay dhibaato ku qabeen gadiidleyda iyo dadka kale ee isticmaala.

7/2/2013 10:15 AM EST
Talaado, July 02, 2013 (HOL) — Madaxtooyada Puntland ee Garoowe waxaa maanta kulan ku yeeshay wefdi ka socda dowlad deegaanka Soomaalida ee Itoobiya (DDSI) oo shalay Garoowe soo gaarey iyo mas'uuliyiinta ugu sareysa maamulka Puntland.

7/2/2013 8:43 AM EST
Talaado, July 02, 2013 (HOL) — Madaxweynaha Soomaaliya, Xasan Sheekh Maxamud ayaa maanta waraaqihii aqoonsiga danjirenimo kala guddoomay danjiraha cusub ee Britain ay u soo magacowday Soomaaliya, Neil Wigan.

7/2/2013 4:12 AM EST
Talaado, July 02, 2013 (HOL) — Ururka dhallinyarada SYAO ayaa Muqdisho kula qabtay kulan lagu taageerayay sidii dhallinyarada Somaliland kasoo jeeda ee Muqdisho ku sugan ay fursado shaqo uga heli lahaayeen hay’adaha dowladda Soomaaliya iyo kuwa gaarka ah, iyadoo kulankan lagu soo beegay shalay oo ahayd maalintii xoriyadda Soomaaliya.

7/2/2013 4:02 AM EST
Talaado, July 02, 2013 (HOL) — Madaxweyne ku xigeenka Puntland, C/samad Cali Shire ayaa dowladda Soomaaliya ku eedeeyay inay kasoo horjeeddo maamulka Jubbaland iyo joogitaanka ciidamada Kenya ee qaybta ka ah howgalka Midowga Afrika ee AMISOM.

7/2/2013 3:59 AM EST
Talaado, July 02, 2013 (HOL) — Duqa magaalada Laascaanood ee xarunta gobolka Sool, Cabdiqaadir Jaamac Saalax ayaa shir lagu qabtay xafiiska ay leeyihiin barakacayaasha gobolka Sool ayaa ugu baaqay dhamaan hay’adaha samafalka ee ka hawlgala magaalada inay qayb ka qaataan caawinta dadka barakacayaasha ah ee ku sugan magaaladaas iyo qaybaha kale ee gobolka.