3/28/2024
Today from Hiiraan Online:  _
Wararka Maanta- Arbaco, July 10, 2013
Duqa Muqdisho oo culummada ugu baaqay inay Shacabka ku dhiirrigeliyaan ka shaqeynta iyo ka hortagga Colaadaha

Arbaco, July 10, 2013 (HOL) — Guddoomiyaha gobolka Banaadir, ahna duqa Muqdisho, Maxamuud Axmed Nuur (Tarsan) oo kulan la qaatay culummada Soomaaliyeed ayaa ka dalbaday inay ka qaybqaataan sidii shacabku ay uga qayb-qaadan lahaayeen sugidda ammaanka.

Mudane Tarsan ayaa sheegay in culummadu ay yihiin kuwo dhaxlay nabiyada sidaa daraadeedna looga baahan yahay inay shacabka uga digaan dhibaateynta dadka, kuna dhiirrigeliyaan ka shaqeynta nabadda.

“Khudbooyinka masaajidda aad ka jeedisaan dadka waa ku sheekeystaan, waxaa la idinka doonayaa inaad dadka u sheegtaan dhibaatooyinka ay leedahay in qof rayid ah oo aan waxba galabsan la dilo ama la qarxiyo,” ayuu Tarsan ku yiri culummadii uu la kulmay.

Sidoo kale, guddoomiyaha gobolka Banaadir ayaa culummada u sheegay in sababaha ay ugu yeereen ay ka mid yihiin sidii ay arrinta nabadeynta ula qaadi lahaayeen maamulka, maadaama ay shacabku dhageystaan hadallada ay culummadu jeediyaan.

“Waxaan doonaynaa in dadka maskaxadooda ay la tageen kuwa doonaya in dalkan ay nabadda u diidaan aad u sheegtaan dhibaatada ay leedahay inuu qofku is-dilo ama uu dilo qof aan waxba u dhimin, waayo waxaad tihiin kuwo dhaxlay ambiyada, mas’uuliyad ayaana arrintan idinka saaran,” ayuu Tarsan ku daray hadalkiisa.

Guddoomiyaha gobolka Banaadir ayaa sheegay in qorshahan uu yahay mid uu maamulka gobolka kaga hortagayo in Al-shabaab ay inta lagu jirto bishan barakeysan ee Ramadaan dhibaatooyin ka geystaan caasimadda Soomaaliya ee Muqdisho.

Dhanka kale, guddoomiyaha gobolka Banaadir ayaa ugu baaqay shacabka ku nool Muqdisho inay kala shaqeeyaan ciidamada ammaanka sidii gacanta loogu dhigi lahaa kuwa dhibaatooyinka ka geysanaya caasimadda, isagoo ka digay in shacabku ay guryaha ku qarsadaan kuwa doonaya inay qaraxyo geystaan.

Xarakada Al-shabaab oo dagaal kula jirta dowladda Soomaaliya ayaa looga bartay marka la gaarobisha Ramadaan inay kordhiyaan dagaallada ay kula jiraan dowladda iyo ciidamada gacnta siinaya ee AMISOM.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
7/10/2013 4:01 PM EST
Arbaco, July 10, 2013(HOL)—Dowladda Soomaaliya ayaa ammaan ku muteysatay mowqifkeeda ku aaddan difaacidda xuquuqda aadanaha, waxayna ammaantaas ku heshay in ay miiska soo saartay qaraar lagu difaacayo Xuquuqda dadka laga tirada badan yahay ee la takooro ee loo yaqaano Albinism.

7/10/2013 9:42 AM EST
Arbaco, July 10, 2013 (HOL) — Ergayga Midowga Afrika ee Somalia, danjire Maxamed Saalax Anaadiif iyo ergayga Qaramada Midoobay ee Soomaaliya, Nikolas Kay ayaa shacabka Soomaaliyeed u rajeeyay Ramadaan wanaagsan iyo inay bishan ku dhameystaan cibaadadooda nabadgalyo iyo xasillooni.

7/10/2013 9:13 AM EST
Arbaco, July 10, 2013 (HOL) — Danjirihii Somalia ee dalka Koonfur Afrika, Sayid Xasan Shariif C/llaahi ayaa maanta oo Arbaco ah ku geeriyooday xarunta dlaka Koonfur Afrika ee Pretoria, iyadoo aan la sheegin sababta keentay geeridiisa.

7/10/2013 4:20 AM EST
Arbaco, July 10, 2013 (HOL) — Madaxweynaha Somaliland Axmed Maxamed Maxamuud Siilaanyo, ayaa shalay kormeer kadis ah ku maray qaar ka mid ah Hay’adaha dawladda, kaas oo aan hore loogu sii sheegin imaanshiiyihiisa madaxweynaha.

7/10/2013 3:14 AM EST
Arbaco, July 10, 2013 (HOL) — Ciidamadii Itoobiya ee ku sugnaa magaalada Baydhabo iyo degmooyin kale oo ka tirsan gobolka Bay ayaa billaabay maanta inay isaga baxaan, iyadoo la arkayo inay ka baxayaan saldhigyadii ay ku lahaayeen.

7/10/2013 3:05 AM EST
Arbaco, July 10, 2013 (HOL) — Madaxda Soomaalida ayaa shacabka ugu baaqay inay ka faa’iideystaan bisha barakceysan ee Ramadaan iyagoo ka codsaday inay Alle ka baryaan in dalkooda uu noqdo mid deggenaasho taam ah hela.

7/10/2013 2:28 AM EST
Arbaco, July 10, 2013 (HOL) — Wadahadalladii u dhexeeyay Soomaaliya iyo Somaliland ee ka socday magaalada Istanbuul ee dalka Turkiga ayaa xalay lasoo gabagabeeyay iyadoo laga soo saaray qodobbo dhowr oo labadii guddi ay isku afgarteen, inkastoo ay jiraan qodobbo la isku fahmi waayay oo dib loo dhigay ka hadalkooda.