3/25/2023
Today from Hiiraan Online:  _
Wararka Maanta- Khamiis, Feb 28, 2013
Wasaaradda Macdanta iyo Biyaha oo dhagax-dhigtay Mashruuc biyo soo saar oo Turkigu ka Hirgelinayo Magaalada Berbera

Khamiis, Feberaayo 28, 2013 (HOL) —Dawladda Turkiga, ayaa dhagax dhigtay mashruuc biyo soo saar oo ay ka hirgalinayso magaaladda Berbera ee gobolka Saaxil.

Munaasibaddii dhagax dhiga mashruucaasi biyo soo saar ayaa waxa ka hadlay Wasiirka wasaarada Macdanta, Biyah iyo Tamarta, Md. Xuseen Cabdi Ducaale, waxaanu xusay in wasaaradiisu ay muddo ka shaqaynaysay mashruucan ceelasha loogu qodayo magaallada Berbera, waxaanu tilmaamay inay wax wayn ka tari doonto biyo yaraantii ka jirta magaalada Berbera.

“Magaalada biyo yaraan weyn ayaa ka jirta wakhti aad u fiicana wax qabadkani waa inoo yimi, ilaa afar shan ceel ayaa noo qorshaysan inaan magaalada biyaheeda halkan uga samayno, riigani waa mid aan dheerayn oo aan gaadhayn markaas maadaama riigu awoodiisu aanay dhaafsanay 150m 200m,”ayuu yidhi wasiirka macdanta iyo biyaha oo ka hadleyey  mashruucaasi.

Maareeyaha wakaalada biyaha Berbera Mr: Cabdiraxmaan Cartan Geedi, ayaa u mahadnaqay dawladda turkiga ee maalgalinaysa mashruucan ceel qodista ee magaaladda Berbera, waxaanu ka sheekeeyey taariikhda faca weyn ee ka dhexeyn jiray dawladda turkiga iyo xidhiidhkii wanaagsanaa ee ay lahaan jireen.

“Waxa noo suuro-gashay in riig dowlada Turkiga noogu deeqday ceelal lagaga qodo xarunt biyo soosaarka Dubaar, waxaa u mahad naqayaa dowlada Turkiga ee riiga noogu deeqaday” ayuu yidhu Maareeyaha wakaalada biyaha Berbera C/raxmaan Cartan.

Waxa isaguna halkaasi ka hadlay Gudoomiyaha gobolka Saaxil Cali Maxamed Cilmi iyo duqa degmadda Berbera, CabdiShakuur Maxamuud Xasan, waxaanay sheegeen in mashruucani ceelasha loogu qodayo wax wayn ka tari doono biyo yaraanta ka jirtay magaalada Berbera iyo guud ahaan gobolka Saaxil,waxaanu tilmaamay in biyaha magaaladda Berbera cabto uu wakhti hore hirgaliyey dawladda Turkiga, taasina ay tilmaamayso xidhiidhka dheer ee ka dhexeeya Magaaladda Berbera iyo Turkiga, isagoo tilmaamay in waxqabad badan oo turkigu leeyahay ka muuqdo magaaladda Berbera.

Si kastaba ha ahaatee, mashruucan biyo soo saar ayaa noqonaya kii labaad ee muddo dheer ka dib ay hirgaliso dawladda Turkiga, iyadoo hore Turkigu u maalgalisay biyaha magaaladda Berbera.

Barkhad-Ladiif  M. Cumar, Hiiraan Online 
[email protected]
Hargeysa, Somaliland













Click here
Curyaamiinta ku nool Baydhabo oo ka cabanaya dhibaato dhinaca nolosha ah oo haysata gargaarka codsaday (SAWIRRO)
2/28/2013 12:17 PM EST
Khamiis, Feberaayo 28, 2013 (HOL) — Waxaa magaalada Baydhabo ku nool curyaamiin tiradadood gaareyso 500 oo qof oo cid taakuleysaa aysan jirin, waxaana soo food saartay daryeel xumo iyo caafimaad dari aad u daran,

DAAWO SAWIRRADA Ciidamada Dowladda Soomaaliya iyo kuwa AMISOM oo ku sugan Degmada Buur-hakaba ee Gobolka Bay
2/28/2013 12:07 PM EST
Khamiis, Feberaayo 28, 2013 (HOL) — Ciidamada Dowladda Soomaaliya iyo kuwa AMISOM oo shalay si nabadgalyo ah kula wareegay degmada Buur-hakaba ee gobolka Bay ayaa weli ku sugan halkaas iyadoo aysan ka dhicin wax dagaallo ah.

Golaha Wasiirrada Xukuumadda Soomaaliya oo yeeshay kulan ay uga hadleen qodobbo ay ka mid yihiin Canshuuraha (SAWIRRO)
2/28/2013 11:41 AM EST
Khamiis, Feberaayo 28, 2013 (HOL) — Golaha wasiirradda xukuumadda Soomaaliya ayaa maanta isugu yimid shirkoodii joogtada ahaa, kaasoo looga hadlay qodobbo dhowr ah oo ay ka mid ahaayeen warbixino laga dhagaystay wasiirro kasoo noqday safarro shaqo ugu maqnaa dibadda dalka, ansixinta tariifo KMG ah oo lagu qaadayo canshuuraha iyo ammaanka.

Taliyaha Hoggaanka Socdaalka iyo Jinsiyadahaa Soomaaliya oo ka warbixiyay in ka badan boqol kun oo dollar oo la xaday
2/28/2013 9:08 AM EST
Khamiis, Feberaayo 28, 2013 (HOL) — Taliyaha hoggaanka socdaalka iyo jinsiyadaha Soomaaliya, Jen. C/llaahi Gaafoow Maxamuud oo shir jaraa’id ku qabtay maanta Muqdisho ayaa faah-faahin ka bixiyay lacago dhawaan laga xaday xafiis ay leedahay waaxda socdaalka iyo jinsiyadaha dowladda Soomaaliya.

Madaxweynaha Soomaaliya oo Cafis u fidiyay Dhallinyarada Burcadbadeedda ka tirsran haddii ay Joojiyaan Falalkaas
2/28/2013 8:28 AM EST
Khamiis, Feberaayo 28, 2013 (HOL) — Madaxweynaha Soomaaliya, Xasan Sheekh Maxamuud ayaa sheegay inuu cafis u fidiyay dhallinyarada ka tirsan kooxaha burcadbadeedda Soomaalida haddii ay ka tanaasulaan fikirka ku saleysan rabshadaha xeebaha Soomaaliya.

Dagaal ciidamada Dowlada Somalia iyo Al-shababa ku dhexmaray deegaanka Janaale ee Gobolka Shabeellada Hoose
2/28/2013 8:14 AM EST
Khamiis, Feberaayo 28, 2013 (HOL) — Dagaal inta la og-yahay ay laba qof ku dhinteen ayaa ciidmada dowladda Soomaaliya oo kaashanaya AMISOM iyo xoogagga Al-shabaab ku dhexmaray deegaanka Janaale ee gobolka Shabeellada hoose.

Madaxweynaha Somaliland oo xariga ka jaray xafiisyo laga hirgaliyay Qasriga Madaxtooyadda Somaliland (SAWIRRO)
2/28/2013 7:36 AM EST
Khamiis, Feberaayo 28, 2013 (HOL) — Madaxweynaha Somaliland, Axmed Maxamed Maxamuud Siillaanyo ayaa maanta xadhiga ka jaray dhismayaal iskugu jira kuwo cusub iyo qaar dib u habayn lagu sameeyey oo ku yaalla xarunta madaxtooyadda Somaliland.

Madaxweynaha Somalia oo Madaxtooyada Kula Kulmay Garsoorayaal uu kala hadlay cadaaladda iyo sharciga (SAWIRRO)
2/28/2013 7:24 AM EST
Khamiis, Feberaayo 28, 2013 (HOL) — Madaxweynaha Soomaaliya, Xasan Sheekh Maxamuud ayaa maanta kulan xasaasi ah kula qaatay villa Somalia 60-garsorayaal oo ka kala socday maxkamadda sare, maxkamadda dhexe iyo maxkamadda gobolka Banaadir. Kulankaas oo looga hadlay sidii dib u habeyn loogu sameyn lahaa garsoorka oo qayb ka ah lixda tiir siyaasadeed ee dowladdu ay ku shaqeynayso.

Shirkii Maamul u Sameynta Gobollada Jubbooyinka oo Maanta si rasmi ah uga Furmay Magaalada Kismaayo [DAAWO SAWIRRO]
2/28/2013 5:55 AM EST
Khamiis, Feberaayo 28, 2013 (HOL) —Shirkii maamul u sameynta gobollada Jubooyinka ayaa maanta si rasmi ah uga furmay magaalada Kismaayo ee xarunta gobolka J/hoose, iyadoona madasha shirka ay ku suganyihiin ku dhawaad 800 oo ergo oo ka kala socota gobollada Jubooyinka iyo Gedo.

Suxufiyiinta Magaalada Gaalkacyo oo yeeshay kulan ay ku diideen Qodobo ka mid ah Xeerka Saxaafadda (SAWIRRO)
2/28/2013 3:32 AM EST
Khamiis, Feberaayo 28, 2013 (HOL) — Suxufiyiinta magaalada Gaalkacyo ee gobolka Mudug ayaa shalay ku yeeshay xarunta idaacadda Radio Gaalkacyo kulan ay uga hadleen xeerka saxaafadda ee ay dhawaan soo bandhigtay dowladda Soomaaliya, kaasoo ay kaga soo horjeesteen qodobbo ka mid ah xeerkaas.

Wasiirka Warfaafinta Somalia oo ka Qayb-galay shir looga Hadlay Isgaarsiinta Caalamka oo ka dhacay Spain (SAWIRRO)
2/28/2013 3:12 AM EST
Khamiis, Feberaayo 28, 2013 (HOL) — Wasiirka boostada, isgaarsiinta iyo gaadiidka xukuumadda Soomaaliya, C/llaahi Ciilmooge Xirsi ayaa kaga qaybgalay shir looga hadlayay isgaarsiinta caalamiga ah oo magaalada Barcelona ee dalka Spain ka dhacay 25-kii illaa 27-kii bshan Feberaayo, iyadoo shirkaas ay joogeen madax wasiirro iyo mas’uuliyiin ka socday ha’yado caalami ah sida: ITU, ATU iyo GSMA.

Dagaal ka dhacay deegaanka Ow-diinle iyo Guddoomiye xaafadeed lagu dilay Magaalada Baydhabo ee Gobolka Bay
2/28/2013 1:09 AM EST
Khamiis, Feberaayo 28, 2013 (HOL) — Ugu yaraan afar ruux oo dhinacyadii dagaalamay ka tirsan ayaa ku dhintay dagaal deegaanka Ow-diinle ee gobolka Bay ku dhexmaray ciidamada dowladda Somalia iyo xoogagga Al-shababa, iyadoo sidoo kalena guddoomiye xaafadeed lagu dilay Baydhabo.

Xarakada Al-shabaab oo sheegtay in Shacabka Kenya ay Haystaan Fursad ay kaga fikiraan Mustaqbalkooda Siyaasadeed
2/28/2013 1:08 AM EST
Khamiis, Feberaayo 28, 2013 (HOL) — Warsaxaafadeed ay Al-shabaab soo saartay ayay kaga hadashay doorashooyinka Kenya ka dhacaya bisha soo socota horraanteeda iyo weliba isbedelka siyaasadeed ee dalkaas uu galayo.