3/29/2024
Today from Hiiraan Online:  _
Wararka Maanta- Khamiis, Feb 21, 2013
Gaadiidka AMISOM oo Sarkaal ka tirsanaa Ciidamada Somalia ku jiiray wadada isku xira Muqdisho iyo Afgooye

Khamiis, Feberaayo 21, 2013 (HOL) — Gaadiid kolonyo ah oo ay wateen ciidamada dowladda AMISOM ayaa sarkaal ka tirsan ciidamada dowladda Soomaaliya ku jiiray gobolka Shabeellada Hoose, sida ay warbaahinta u sheegeen saraakiil ka tirsan dowladda Soomaaliya.

Shilkan oo ka ka dhacay jidka dheer ee isku xira Muqdisho iyo Afgooye ayaa waxaa la sheegay in mid ka mid ah kolonyadii ay wateen AMSIOM uu si lama filaan ah ku jiiray sarkaalka.

“Baabuur ay wateen ciidamada AMISOM, gaar ahaan kuwa Burundi ayaa si lama filaan ah ugu jiiray deegaanka Calamada sarkaal ka tirsanaa ciidamada dowladda Soomaaliya oo lagu magacaabi jiray, C/salaam Sheekh Maxamuud Hilowle (Baraxoow),” ayuu yiri Col. Hilowle Ciise oo la hadlay saxaafadda.

Maydka sarkaalka ayaa waxaa goobta ka qaaday ciidamadii jiiray sida uu mar kale u sheegay saxaafadda Col. Hilowle oo intaas ku daray in falkan uusan ahayn mid si ula kac ah loo sameeyay.

Shilka uu ku dhintay sarkaalka ayaa noqonaya kii ugu horreeyay noociisa oo ka dhaca jidka isku xira Muqdisho iyo Afgooye, iyadoo aan la ogeyn go’aanka ay taliska AMISOM ka qaadan doonaan ciidamadii watay gaadiidka jiiray sarkaalka Soomaaliga ah.

Ma ahan markii ugu horreysay oo ciidamada AMISOM ay jiiraan ciidammo ka tirsan kuwa dowladda iyo dad shacab ah, iyadoo ciidamadii falalkaas horay u geystay qaarkood lagu xukumay xabsiyo kala duwan, lagana joojiyay shaqooyinkii ay hayeen.

Ciidamada Burundi ayaa waxay qayb ka yihiin 17,500-askari ee qaybta ka ah howgalka Midowga Afrika ee AMISOM, kuwaasoo sidoo kale ka socda dalalka Uganda, Kenya iyo Jabuuti.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
2/21/2013 12:55 PM EST
Khamiis, February 21, 2013(HOL): Tartan isboorti oo ay ka qeyb galayeen 8 kooxood mudo todobaad ahna ka soconayay Garoonka kubada Cagta lamagalaay ee Magaalada beledweyne ayaa lasoo gaba gabeeyay.

2/21/2013 12:48 PM EST
Khamiis, Feberaayo 21, 2013 (HOL) — Maxkamadda ciidamada dowladda Soomaaliya ayaa saddex askari ku xukuntay dil iyo xabsi kaddib markii lagu helay inay geysteen falal dil ah, iyadoo mid ka mid ah askarta la xukumay uu dilay wiil yar oo dugsi qur’aan dhiganayay.

2/21/2013 12:46 PM EST
Khamiis, Feberaayo 21, 2013 (HOL) — Shacabka degmada Saylac ayaa ugu baaqay xukuumadda Somaliland inay sugto ammaanka deegaankooda oo koox yar ay isku dayayso inay qalqal geliyaan, haddii kale ay iyagu u istaagi doonaan inay ammaankooda sugtaan.

2/21/2013 10:56 AM EST
Khamiis, Febraayo,19 2013(HOL): Madaxweynaha Jamhuuriyadda Federaalka Soomaaliya Mudane Xasan Sheekh Maxamuud ayaa maanta Villa Soomaaliya ku qaabilay Safiirka cusub ay dowladda Japan u soo magaacwday Soomaaliya.

2/21/2013 9:55 AM EST
Khamiis, February 21, 2013 (HOL) - Keith Ellison oo ah xildhibaan kamid ah congresska waddanka Maraykanka oo dhawaan booqday magaalada Muqdisho ayaa shalay galinkii dambe soo gaaray magaalada Nairobi.

2/21/2013 7:25 AM EST
Khamiis, Feberaayo 21, 2013 (HOL) — Madaxweynaha Soomaaliya, Xasan Sheekh Maxamuud ayaa maanta la kulmay madaxa hay’adda samfalka ee Mareykanka USAID, Mr. Rajiv Shah. Kulanka ayaa waxaa ka qaybgalay safiirka Maraykanka ee Soomaaliya, Mr. James Swan iyo wasiir-u-dowlaha madaxtooyadda Soomaaliya, Faarax Sheekh Cabdulqaadir.

2/21/2013 6:55 AM EST
Khamiis, Feberaayo 21, 2013 (HOL) — Xaaladda magaalada Baydhabo ee gobolka Bay ayaa deggen maanta kaddib markii Talaadadii lasoo dhaafay laga kexeeyay degmadaas guddoomiyihii xilka laga qaaday ee gobolka Bay, C/fitaax Maxamed Geeseey oo horay uga soo horjeestay maamulka ay dowladdu u magacowday Gobolkaas.

2/21/2013 6:19 AM EST
Khamiis, Feberaayo 21, 2013 (HOL) — Kulan looga hadlayAY waxa diinta Islaamku ay ka qabto gabdhaha sida khasabka ah lagu guursado ayaa maanta ka dhacay magaalada Muqdisho, waxaana kulankan ka qayb-galay culumaa'uddiin, waxgarad iyo ururada bulshada rayidka ah Soomaaliyeed.

2/21/2013 6:18 AM EST
Khamiis, Feberaayo 21, 2013 (HOL) —Wararka aynu ka heleyno magaalada Liboyo ee ku taal soohdinta ay wadaagaan dalalka Soomaaliya iyo Kenya ayaa sheegaya in kooxo hubeysan ay saaka aroortii weerar ku qaadeen goob masaajid ah oo ku taal tuulo ku dhow magaaladaasi.

2/21/2013 1:20 AM EST
Khamiis, Feberaayo 21, 2013 (HOL) — Maxkamadda ciidamada Qalabka sida ee dowladda Soomaaliya ayaa saaka dil toogasho ah ku fulisay askar ka tirsan ciidamada dowladda oo horay loogu xukumay dilal toogasho.

2/21/2013 12:52 AM EST
Khamiis, Feberaayo 21, 2013 (HOL) — Guddoomiyaha baarlamaanka Soomaalia, Prof. Maxamed Sheekh Cismaan (Jawaari) ayaa xalay fiidkii kulan kula yeeshay magaalada Addis Ababa ee xarunta dalka Itoobiya Soomaalida ku nool halkaas.