3/29/2024
Today from Hiiraan Online:  _
Wararka Maanta- Arbaco, Feb 20, 2013
Dalka Jabuuti oo uu ka socda diyaargarow xooggan oo loogu jiro sidii lagu soo dooran lahaa Baarlamaanka cusub (SAWIRRO)


Arbaco, Feberaayo 20, 2013 (HOL) — Dalka Jabuuti ayaa waxaa ka socda diyaargarow xooggan oo loogu doorashooyinka golaha xildhibaannada cusub ee baarlamaanka dalkaas, iyadoo markii ugu horreysay loo ogolaaday in tartankan ay uga qayb-galaan si furan xisbiyada mucaaradka ah muddo dheer kaddib.

Taageerayaasha isahaysiga talada ah ee dalka Jabuuti UMP ayaa sheegay inay dooran doonaan dhammaadka toddobaakan xildhibaannada ka socda xisbiga talada haya, sidoo kale kooxaha mucaaradka ah ayaa sheegay inay iyaguna dooran doonaan xubnaha mucaaradka ah oo ay sheegeen inay is-bedel wadaan.

“Waxaan taageeraynaa xildhibaannada xisbiga talada haya ee UMP, waxaan taageeraynaa Ismaaciil Cumar Geelle… waxaan ku taageeraynaa dhibaatadii uu naga saaray, wuxuu qabtay, jahligii uu naga bixiyay, innagoo habeen ku jirna haddaan haween nahay ayuu iftiinka noo saaray, waana middaas tan aan ku taageerayno,” ayay tiri Aamino Daahir Cawad oo ka mid ahayd dad isku soo baxay oo taageerayay xisbiga talada haya.

Ololayaasha doorashooyinka ayaa tan iyo toddobaadkii hore si xowli ah uga socday magaalooyinka iyo gobollada dalka Jabuuti, iyadoo mas’uuliyiinta xisbiyada tartanka ka qaybgalaya ay la hadlayeen dadweynaha si ay uga helaan codadkooda.

Maalinta Jimcaha ah ee soo socota ayaa waxaa lagu wadaa in dalkaas ay ka dhacdo doorasho ay shacabku kusoo dooranayaan xildhibaannada guud ee baarlamaanka dalkaas, iyadoo xisbi walba uu u xusul-duubayo sidii uu ku heli lahaa aqlabiyadda baarlamaanka.

“Waxaan taageersannahay xisbiga USN ee mucaaradka ah, waayo waxaa ku jira culummada dalka, waxayna wadaan isbedel,” ayay tiri haweeney ka mid ahayd dadkii taageerayay mid ka mid ah xisbiyada mucaaradka ah ee dalka Jabuuti ee ka qaybgalaya doorashada.

Baarlamaanka dalka Jabuuti ayaa soo doorta madaxweynaha, taasoo ah midda ay xisbiyada mucaaradka ah iyo kuwa muxaafidka ah ay tartanka ugu jiraan sidii ay ugu guuleysan lahaayeen kuraasta baarlamaanka.



Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
2/20/2013 2:34 PM EST
Arbaco, February 20, 2013-Ururka Suxufiyiinta Adduunka ee IFJ ayaa maanta soo saaray war rasmi ah oo ku aaddan dib-u-eegis lagu sameynayo sharciga saxaafadda Soomaaliya.

2/20/2013 11:18 AM EST
Arbaco, Feberaayo 20, 2013 (HOL) — Wasiirka beeraha Somaliland, Faarax Cilmi Geedoole oo ay weheliyaan deeq-bixiyayaal caalami ah oo ka socday Midawga Yurub iyo hay’adda FAO ayaa booqday halka ay marayso hawsha jidka la dhisayo oo isku xira degmada Boorama iyo deegaanka Xeego ee gobolka Awdal.

2/20/2013 8:26 AM EST
Arbaco, Feberaayo 20, 2013 (HOL) — Ra’iisul wasaare ku-xigeenka ahna wasiiradda arrimaha dibadda Soomaaliya, Fowziyo Yuusuf Xaaji Aadan oo dib ugu soo laabatay maanta Muqdisho ayaa ka warbixisay shirkii uu golaha ammaanka ee Soomaaliya ka yeeshay arrimaha Soomaaliya.

2/20/2013 7:53 AM EST
Arbaco, Feberaayo 20, 2013 (HOL) — Munaasabad ballaaran oo billado lagu guddoonsiinayo boqol qof oo labaatankii sanno ee u dambeeyey waxqabad la taaban karo ka sameeyey dhinacyadda bulshadda, ayaa maanta lagu qabtay magaaladda Hargeysa, gaar ahaan hoteel Maansoor.

2/20/2013 6:13 AM EST
Arbaco, Feberaayo 20, 2013 (HOL) — Iyadoo maxkamadda rafcaanta ee gobolka Banaadir ay dib uga furantay dacwaddii wariye C/casiis Koronto iyo haweeney sheegtay inay kufsadeen ciidamada dowladda oo maxkamadda gobolka ay horay ugu xukuntay min hal sano oo xabsi ah, iyadoo dacwadda dib loo dhigay illaa toddobaadka soo socda.

2/20/2013 3:21 AM EST
Arbaco, Feberaayo 20, 2013 (HOL) — Ugu yaraan laba ka mid ah dhinacyadii dagaalamay ayaa ku dhintay, tiro kalena dhaawacyo ayaa kasoo gaaray dagaal xalay ku dhexmaray deegaanka Janaale ciidmada dowladda Soomaaliya iyo kuwa AMISOM oo dhinac ah iyo xoogagga Al-shabaab.

2/20/2013 3:11 AM EST
Arbaco, Feberaayo 20, 2013 (HOL) — Kulan ay isugu yimaadeen Golaha Iimaamyada masaajidda Waqooyiga Amerika ee Soomaaliyeed oo ka dhacay magaaladda Minneapolis ee gobolka Minnesota ayey si weyn ugu cambaareeyeen dilkii dhawaan magaaladda Garoowe loogu geystay Sheekh Cabdulqaadir Nuur Faarax [Gacamey], oo ka mid ahaa culumada waaweyn ee Soomaalida.