3/28/2024
Today from Hiiraan Online:  _
Wararka Maanta- Isniin, Feb 18, 2013
Kulan Taageero ah oo Magaalada Muqdisho loogu qabtay Golaha Salaaddiinta Soomaaliyeed (DAAWO SAWIRRO)


Isniin, Feberaayo 18, 2013 (HOL) —  Kulan ay kasoo qaybgaleen odoyaasha dhaqanka, boqorrada, salaaddiinta, culimaudiinka, siyaasiyiinta iyo  aqoon-yahannada Soomaaliyeed oo lagu taageerayay golaha salaaddiinta Soomaaliyeed ayaa lagu qabtay hoteelka Mubaarak ee magaalada Muqdisho.

Xubnihii ka qayb-galay kulankaas ayaa sheegey in golahan uu yahay mid raalli la isaga yahay xubno loona xulay ee samata-bixin kara xiligan adag ee uu shacabka Soomaaliyeed ku jiro, isla markaanka dadka ku hoggaamin kara cadaalad.

Mas'uuliyiinta golaha, Suldaan Kamal Salaad Xasan ahna xiriiriyaha golaha oo ugu horreyn goobta ka hadlay ayaa akhriyay aqriyay warsaxaafadeed ku saabsan heerarkii loosoo maray qaab dhismeedka golaha iyo qaabkii lagu soo xulay xubnaha ugu sarreeya golaha, isagoo sheegay in lagu soo doortay hab cadaalad ah, iyadoo boqorka golaha loo doortay Inj. Faarax Cabdi Guure.

Ugaas Muxyadiin Xasan Axmed oo isna hadlay ayaa: "Innagoo diinta Islaamka cuskanayna ayaan golahan dhisnay, wuxuuna goluhu u taagan yahay nabadeynta beelaha Soomaaliyeed meel walba ay joogaan."

Kulan lagu taageerayay golaha Salaaddiinta Soomaaliyeed oo ay ka hadleen madax sarsare sida duuliye Maxamed Xaaji Dhagax, mas’uul ka tirsan xafiiska ra'iisul wasaaraha Soomaaliya, Maxamed Xirsi Faarax, wasiirka gaadiidka Galmudug, Faysal Xuseen Ciid iyo C/rashiid Aadan Gabyow oo ka mid ahaa xildhibaannadii hore ee Soomaaliya, waxayna dhamaantood soo dhaweeyeen golahan.

"Waxaan u sheegaynaa ummadda Soomaaliyeed iyo beesha caalamka inaan aqbalnay aana u hambalyeynayno boqorka golaha salaadiinta Soomaaliyeed Inj. Faarax Cabdi Guure," sidaana waxaa yiri duuliye Maxamed Xaaji Dhagax oo goobta ka hadlay.

Ugu dambeyn, waxaa kulanka ka hadlay guddoomiyaha golaha salaaddiinta Soomaaliyeed, Boqor Inj. Faarax  wuxuuna yiri: “Waxaan rajaynayaa inaanu marka hore wadahadal dhanka dhaqanka ah la billaabi doono walaalahayaga Somaliland si ay golaha uga mid noqdaan, taasaana ballan-qaadaynaa maanta. 

Isagoo hadalkiisa sii wata ayuu yiri: “Waxaa kaloo aannu ballan-qaadaynaa, inaynu u taagan nahay xallinta khilaafaadka madaxda dalka, waxaana ku dadaali doonnaa wax kasta oo ummadda horumarkeeda ah. Sidoo kale inaannu shaqo wanaagsan la sameynno dhaqanka Soomaaliyeed oo dhan.”

Kulankan lagu taageerayay golaha salaaddiinta Soomaaliyeed ayaa kusoo idlaaday jawi farxadeed iyo duco loo duceeyay shacabka Soomaaliyeed iyo dalka si dhibaatada muddada dheer soo jirtay looga baxo.








Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
2/18/2013 12:48 PM EST
Isniin, Feberaayo 18, 2013 (HOL) — Guddoomiyaha baarlamaanka Somalia iyo wafdi uu hoggaaminayo oo booqasho ku jooga magaalada Jigjiga ee deegaanka Soomaalida Itoobiya ayaa maanta kormeeray jaamacadda Jigjiga iyo kuulliyadaha waxbarashada iyo caafimaadka.

2/18/2013 12:04 PM EST
Isniin, Feberaayo 18, 2013 (HOL) — Gellinkii dambe ee maanta saacaddu markii ay ahayd 4:00 galabnimo ayaa ciidamada dowlada oo wata gaari kuwa dagaalka ah waxay gaarigooda kasoo dejiyeen madaxa nin ay soo gowraceen , iyadoo goobta ay isugu yimaadeen dadweyne fara badan oo daawanayay madaxaas bani’aadam.

2/18/2013 11:48 AM EST
Isniin, Feberaayo 18, 2013 (HOL) — Wasiirka arrimaha gudaha Soomaaliya, Cabdikariim Xuseen Guuleed ayaa maanta Muqdisho kula kulmay danjiraha Baritain u fadhiya Soomaaliya, Matt Baugh iyadoo labada mas’uul ay kawada hadleen arrimo ay ka mid yihiin, sidii dowladda Britain ay uga qayb-qaadan lahayd xoojinta ammaanka Soomaaliya iyo mashaariic lagu horumarinayo gobollada iyo degmooyinka dalka.

2/18/2013 11:36 AM EST
Isniin, Feberaayo 18, 2013 (HOL) — Ciidammo ka tirsan kuwa dowaldda Soomaaliya oo lagu soo tababaray dalka Uganda ayaa dib ugu soo laabtay maanta magaalada Muqdisho, iyadoo garoonka diyaaradaha ay si weyn loogu soo dhaweeyay.

2/18/2013 7:49 AM EST
Isniin, Feberaayo 18, 2013 (HOL) — Ciidamada Soomaaliya iyo Itoobiya ayaa waxay weerar ku qaadeen goobo ay fariisamo ku lahaayeen xoogagga Al-shabaab oo la kala yiraahdo, Bulo-barako, Bootis, Goorisane iyo Mannaas, waxaa la sheegayaa in dhammaan goobahaas ay la wareegeyn ciidamada huwanta.

2/18/2013 7:24 AM EST
Isniin, Feberaayo 18, 2013 (HOL) — Xisbiga Muxaafadka ah ee taladda haya ee KULMIYE ayaa u muuqda mid laba garab u kala safan, ka dib markii masuuliyiin badani sheegeen inay doonayaan inay u tartamaan xilka gudoomiyaha xisbigaasi oo noqon doono musharaxa doorashadda dambe ee madaxtooyadda.

2/18/2013 7:16 AM EST
Isniin, Feberaayo 18, 2013 (HOL) — Iyadoo dhowaan ay wasaaradda caafimaadka ee Puntland ku dhawaaqday in cudurka Duumadu uu ka dilaacay magaalada Boosaaso, ayaa waxaa soo badanaya tirada dadka uu cudurkaasi soo ridanayo.

2/18/2013 6:57 AM EST
Isniin, Feberaayo 18, 2013 (HOL) — Xukuumadda Soomaaliya ayaa sheegtay inay lacag gaaraysa 50,000 oo dollar ay abaalmarin ahaan u siinayso qofkii soo qabto qof dilay wariye. Sidaa waxaa Muqdisho kaga dhawaaqay ra’iisul wasaaraha Soomaaliya, iyadoo tallaabadan ay u muuqato mid looga hortagayo dilalka suxufiyiinta oo joogto ka noqday Soomaaliya sannadihii ugu dambeeyay.

2/18/2013 6:43 AM EST
Isniin, Feberaayo 18, 2013 (HOL) — Ciidamada ammaanka ee Puntland ayaa dhaqdhaqaaq ciidan ka wada deegaanada buuraleyda ah ee galbeedka kaga beegan magaalada Boosaaso ee xarunta gobolka Bari.

2/18/2013 6:29 AM EST
Isniin, Feberaayo 18, 2013 (HOL) — Saraakiisha ciidamada booliska magaalada Baladweyne ayaa warbaahinta u soo bandhigay saddex dhallinyarro ah oo sida ay sheegeen ka soo goostay xarakada Al-shabaab.

2/18/2013 6:19 AM EST
Isniin, Feberaayo 18, 2013 (HOL) — Kulan-diimeen ballaaran oo ay kasoo qayb galeen culimaa'uddiin Soomaaliyeed oo tira badan, islamarkaana loogu magac daray " Maxay u dileen Alle ha dile" ayaa xalay ka dhacay masjidka Al-Huda ee magaalada Garoowe.

2/18/2013 2:25 AM EST
Isniin, February 18, 2013 (HOL) - Kulan lagu taageerayo Xisbiga Mucaaradka dalka Jabuuti ee USN ayaa bishan Feb. 17keedii lagu qabtay magaalada Ottawa ee dalka Kanada. Kulankan oo si wanaagsan loo soo agaasimay ayaa waxaa soo qabanqaabiyey jaaliyadda reer Jabuuti ee ku dhaqan magaalada Ottawa.

2/18/2013 2:13 AM EST
Isniin, Feberaayo 18, 2013 (HOL) — Saraakiisha ciidamada Midowga Afrika ee AMISOM ayaa sheegay inay kulammo wadatashi ah la yeesheen qaar ka mid ah waxgaradka deegaannadii dhawaan laga qabsaday Al-shabaab ee ay ka mid yihiin Janaale, Owdheegle iyo Bariirre oo ka tirsan gobolka Shabeellada Hoose.