3/28/2024
Today from Hiiraan Online:  _
Wararka Maanta- Isniin, Feb 18, 2013
Ciidamada Puntland oo Dhaqdhaqaaq kawada deegaano ka tirsan Buuraleyda Golis oo Galbeedka ka xiga Boosaaso


Isniin, Feberaayo 18, 2013 (HOL) —  Ciidamada ammaanka ee Puntland ayaa dhaqdhaqaaq ciidan ka wada deegaanada buuraleyda ah ee galbeedka kaga beegan magaalada Boosaaso ee xarunta gobolka Bari.

Taliyaha ciidamada Daraawiishta ee aagga Sugurre oo maanta la hadlay warbaahinta gudaha ayaa sheegay in ay howlgallo ciidan oo ka dhan ah Al-shabaab  ka wadaan deegaano hoos taga degmada Gal-gala.

Col. Jaamac Siciid Warsame ayaa sheegay in dowladda Puntland ay ka go'an tahay sidii ay usoo afjari lahayd xoogagga taabacsan xarakada Al-shabaab ee ku sugan buuraleyda Golis.

"Maya anagu dowlad baan nahay, dowladani Jamhad kama adkaan weydo...Haddii Al-shabaab gacan loo qaado inaan waxba laga reebin wadanka laga sifeeyo, qorsheheenu hadda intaas weeye" Col. Jaamac ayaa yiri.

Col. Jaamac ayaa dhinaca kale beeniyey in ay jiraan deegaano ay ciidamada Puntland dib uga soo gurteen, isagoo tilmaamay in xiliyada qaar ay ciidamadu xeelado dagaal hadba meel ugu guuraan.

Khamiistii lasoo dhaafay ayey ahayd markii uu dagaal xoogani deegaanka Ceel-dibir ku dhex maray ciidamada Puntland iyo xoogaaga Al-shabaab, waxaana xusid mudan in dagaalkaas ay labada dhinac guulo ka kala sheegteen, haseyeeshee waxaa magaalada Boosaaso warbaahinta loogu soo bandhigay meydadka 2 nin oo la sheegay in ay ka tirsanaayeen dagaal yahanada Al-shabaab iyo 3 kale oo maxaabiis ahaan looso qabtay.

Buuraleyda Cal-madow oo koonfur-galbeed kaga beegan magaalada Boosaaso ee xarunta gobolka Bari waxaa bilihii u danbeeyey ka dhacay dagaalo dhex maray ciidamada Puntland iyo Al-shabaab, kuwaasoo ay qaarkood khasaare badan dhaliyeen.

Maxamed Salaad Xaaji Dirir, Hiiraan Online
[email protected]
Puntland, Soomaaliya













Click here
2/18/2013 1:38 PM EST
Isniin, Feberaayo 18, 2013 (HOL) — Kulan ay kasoo qaybgaleen odoyaasha dhaqanka, boqorrada, salaaddiinta, culimaudiinka, siyaasiyiinta iyo aqoon-yahannada Soomaaliyeed oo lagu taageerayay golaha salaaddiinta Soomaaliyeed ayaa lagu qabtay hoteelka Mubaarak ee magaalada Muqdisho.

2/18/2013 12:48 PM EST
Isniin, Feberaayo 18, 2013 (HOL) — Guddoomiyaha baarlamaanka Somalia iyo wafdi uu hoggaaminayo oo booqasho ku jooga magaalada Jigjiga ee deegaanka Soomaalida Itoobiya ayaa maanta kormeeray jaamacadda Jigjiga iyo kuulliyadaha waxbarashada iyo caafimaadka.

2/18/2013 12:04 PM EST
Isniin, Feberaayo 18, 2013 (HOL) — Gellinkii dambe ee maanta saacaddu markii ay ahayd 4:00 galabnimo ayaa ciidamada dowlada oo wata gaari kuwa dagaalka ah waxay gaarigooda kasoo dejiyeen madaxa nin ay soo gowraceen , iyadoo goobta ay isugu yimaadeen dadweyne fara badan oo daawanayay madaxaas bani’aadam.

2/18/2013 11:48 AM EST
Isniin, Feberaayo 18, 2013 (HOL) — Wasiirka arrimaha gudaha Soomaaliya, Cabdikariim Xuseen Guuleed ayaa maanta Muqdisho kula kulmay danjiraha Baritain u fadhiya Soomaaliya, Matt Baugh iyadoo labada mas’uul ay kawada hadleen arrimo ay ka mid yihiin, sidii dowladda Britain ay uga qayb-qaadan lahayd xoojinta ammaanka Soomaaliya iyo mashaariic lagu horumarinayo gobollada iyo degmooyinka dalka.

2/18/2013 11:36 AM EST
Isniin, Feberaayo 18, 2013 (HOL) — Ciidammo ka tirsan kuwa dowaldda Soomaaliya oo lagu soo tababaray dalka Uganda ayaa dib ugu soo laabtay maanta magaalada Muqdisho, iyadoo garoonka diyaaradaha ay si weyn loogu soo dhaweeyay.

2/18/2013 7:49 AM EST
Isniin, Feberaayo 18, 2013 (HOL) — Ciidamada Soomaaliya iyo Itoobiya ayaa waxay weerar ku qaadeen goobo ay fariisamo ku lahaayeen xoogagga Al-shabaab oo la kala yiraahdo, Bulo-barako, Bootis, Goorisane iyo Mannaas, waxaa la sheegayaa in dhammaan goobahaas ay la wareegeyn ciidamada huwanta.

2/18/2013 7:24 AM EST
Isniin, Feberaayo 18, 2013 (HOL) — Xisbiga Muxaafadka ah ee taladda haya ee KULMIYE ayaa u muuqda mid laba garab u kala safan, ka dib markii masuuliyiin badani sheegeen inay doonayaan inay u tartamaan xilka gudoomiyaha xisbigaasi oo noqon doono musharaxa doorashadda dambe ee madaxtooyadda.

2/18/2013 7:16 AM EST
Isniin, Feberaayo 18, 2013 (HOL) — Iyadoo dhowaan ay wasaaradda caafimaadka ee Puntland ku dhawaaqday in cudurka Duumadu uu ka dilaacay magaalada Boosaaso, ayaa waxaa soo badanaya tirada dadka uu cudurkaasi soo ridanayo.

2/18/2013 6:57 AM EST
Isniin, Feberaayo 18, 2013 (HOL) — Xukuumadda Soomaaliya ayaa sheegtay inay lacag gaaraysa 50,000 oo dollar ay abaalmarin ahaan u siinayso qofkii soo qabto qof dilay wariye. Sidaa waxaa Muqdisho kaga dhawaaqay ra’iisul wasaaraha Soomaaliya, iyadoo tallaabadan ay u muuqato mid looga hortagayo dilalka suxufiyiinta oo joogto ka noqday Soomaaliya sannadihii ugu dambeeyay.

2/18/2013 6:29 AM EST
Isniin, Feberaayo 18, 2013 (HOL) — Saraakiisha ciidamada booliska magaalada Baladweyne ayaa warbaahinta u soo bandhigay saddex dhallinyarro ah oo sida ay sheegeen ka soo goostay xarakada Al-shabaab.

2/18/2013 6:19 AM EST
Isniin, Feberaayo 18, 2013 (HOL) — Kulan-diimeen ballaaran oo ay kasoo qayb galeen culimaa'uddiin Soomaaliyeed oo tira badan, islamarkaana loogu magac daray " Maxay u dileen Alle ha dile" ayaa xalay ka dhacay masjidka Al-Huda ee magaalada Garoowe.

2/18/2013 2:25 AM EST
Isniin, February 18, 2013 (HOL) - Kulan lagu taageerayo Xisbiga Mucaaradka dalka Jabuuti ee USN ayaa bishan Feb. 17keedii lagu qabtay magaalada Ottawa ee dalka Kanada. Kulankan oo si wanaagsan loo soo agaasimay ayaa waxaa soo qabanqaabiyey jaaliyadda reer Jabuuti ee ku dhaqan magaalada Ottawa.

2/18/2013 2:13 AM EST
Isniin, Feberaayo 18, 2013 (HOL) — Saraakiisha ciidamada Midowga Afrika ee AMISOM ayaa sheegay inay kulammo wadatashi ah la yeesheen qaar ka mid ah waxgaradka deegaannadii dhawaan laga qabsaday Al-shabaab ee ay ka mid yihiin Janaale, Owdheegle iyo Bariirre oo ka tirsan gobolka Shabeellada Hoose.