3/30/2023
Today from Hiiraan Online:  _
Wararka Maanta- Arbaco, Aug 7 , 2013
Dab Xooggan oo saakay ka kacay garoonka diyaaradaha Jommo Kenyatta & Duullimaadyadii Garoonkaas oo la Joojiyay (SAWIRRO)


Arbaco, August 07, 2013 (HOL) — Dab weyn oo aan la ogeyn wixii sababay ayaa saakay oo Arbaco ah ka kacay garoonka diyaaradaha Jommo Kenyata ee magaalada Nairobi, taasoo keentay in garoonka la xiro tan iyo inta amar kale laga soo saarayo.

Xoghayaha gaadiidka dalka Kenya, Michael Kamau ayaa sheegay in dabka uu yahay mid aad u xooggan, lana joojiyay dhammaan duulimaadyadii iman jiray garoonka inta lagu guuleysanayo in dabka la damiyo, wuxuuna xusay in shaqaalaha dabka dambiya ay dagaal kula jiraan sidii ay dabka u damin lahaayeen.

“Rakaabkii ku jiray garoonka ee doonayay inay duulaan iyo kuwii soo dagay waxaa laga soo saaray iyagoo bad-qaba, dadkana waxaan ku wargelinay in aysan u dhawaan garoonka,” ayuu yiri Kamau.

Garoonka diyaaradaha Jommo Kenyatta ayaa ah garoon ay ku degaan diyaaradaha isaga gooshaya dalalka ku yaalla gobolka, kuwa qaaradda iyo sidoo kale kuwa meelaha fog-fog ka yimaada.

“Waxaan xaqiijinaynaa in dabku uu burburiyay qaybta koowaad oo ay kasoo xirtaan diyaaradaha ka yimaada dibadda,” ayaa lagu yiri warsaxaafadeed ay soo saareen maamluka Jommo Kenyatta.

Mutea Iringo oo ka tirsan saraakiisha wasaaradda arrimaha dibadda ee Kenya ayaa sheegay inay sameynayaan wax walba oo ay dabkaas ku damin karaan, isagoo xusay inay shaqalaha dabka dambiya dagaal kula jiraan dabkan kacay.

“Dhammaan duulimaadyadii dibadda ka imaan jiray iyo kuwii gudaha waa la joojiyay, garoonkana waa xiran yahay,” ayuu yiri Iringo oo sheegay in illaa amar dambe uu xirnaanayo garoonka.

Goobjoogayaal ku sugan Nairobi ayaa sheegay in dabka ka kacay garoonka laga arkayo meelo aad u fog, waxaana garoonka laga saaray dad badan oo doonayay inay u dhoofaan Yurub iyo dalal kale oo caalamka ah.



Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
Xukuumadda Soomaaliya oo ku dhawaadqay in Maalinta berri ah ay Ciida iyo Ra’iisul Wasaaraha oo Hambalyo diray
8/7/2013 3:32 PM EST
Arbaco, August 07, 2013 (HOL) — Xukuumadda Soomaaliya ayaa caawa ku dhawaaqay inay maalinta berri ah tahay ciid, waxaana hambalyo ku aaddan ciidda u diray shacabka Soomaaliyeed ra’iisul Soomaaliya, Cabdi Faarax Shirdoon Saacid.

Dowladda Soomaaliya oo deeqo waxbarasho oo ay ka heshay dalka Yemen qayb ka siisay Somaliland iyo Puntland
8/7/2013 3:30 PM EST
Arbaco, August 07, 2013 (HOL) — Wasiirka horumarinta adeegga bulshada Xukuumada Soomaaliya, Maryan Qaasim Axmed ayaa maanta oo Arbaco ah ku dhawaaqday in dowladda Soomaaliya ay ka heshay dalka Yemen deeqo waxbarasho jaamacadeed ah, kuwaasoo tiradoodu tahay 100, kuwasoo kala ah waxbarashada sare iyo shahaadaha koowaad ee Bachelor-ka.

Hay’adda HARO oo Zakaatul Fidri u qaybisay Indhoolayaal iyo Barakacayaal ku nool Muqdisho iyo Jubbada Hoose (SAWIRRO)
8/7/2013 10:01 AM EST
Arbaco, August 07, 2013 (HOL) — Hay’adda gargaarka bani’aadmanimo ee Afrika (HARO) ayaa gargaar raashin ah oo loogu talo-galay sakaatul fidriga ka qaybisay degmada Wadajir ee gobolka Banaadir iyo magaalada Kismaayo ee gobolka Jubbada Hoos, iyadoo loo qaybiyay dad dan-yar oo ay ku jireen kuwo indhoolayaal ah.

Bannaanabax looga horjeedo go’aanka uu Barclays Bank Xiriirka ugu jarayo Xawaaladaha oo ka dhacay Magaalada London
8/7/2013 8:47 AM EST
Arbaco, August 07, 2013 (HOL) — Bannaanbax looga horjeedo go’aankii uu ku gaaray bankiga Barclays inuu joojiyo adeegyadii uu u qaban jiray xawaaladaha Soomaalida ayaa maanta ka dhacay magaalada London, gaar ahaan afaafka hore ee xafiiska ra’iisul wasaaraha Britain, David Cameron.

Koox Dabley ah oo xalay meel Boosaaso u jirta 55-KM ku gubey Laba Gaari oo u Rarnaa Hay'adda Cunnada Adduunka ee WFP
8/7/2013 8:17 AM EST
Arbaco, August 07, 2013 (HOL) — Dabley hubeysan ayaa xalay ku gubey inta u dhexeysa magaalada Boosaaso iyo tuulada Kala-bayr labo gaari oo nooca xamuulka qaada ee ay Soomaalidu (Candho-meydlaha) u taqaan ah.

Munaasabad lagu Xusay Sanad-guuradii 2-aad ee Aasaasay Xisbiga DADKA oo lagu qabtay Magaalada Muqdisho (SAWIRRO)
8/7/2013 8:16 AM EST
Arbaco, August 07, 2013 (HOL) — Magaalada Muqdisho ayaa waxaa lagu qabtay munaasabad lagu xusayay sannadkii laabad ee kasoo wareegay markii la aasaasay xisbiga DADKA Soomaaliyeed oo ka mid ah xisbiyadii siyaasadeed ee ka qaybgalay doorashadii madaxnimo ee Soomaaliya.

U diyaar-garowga Munaasabadda Ciidda oo laga dareemayo Suuqyada kala duwan ee ku yaalla Magaalada Boosaaso (SAWIRRO)
8/7/2013 8:10 AM EST
Arbaco, August 07, 2013 (HOL) — Iyadoo ay maalin keliya ka harsan tahay munaasabaddii Iidul Fidriga ayaa waxaa suuqa weyn ee magaalada Boosaaso laga dareemayaa dhaqdhaqaaq ganacsi oo xooggan.

Xoogagga Al-shabaab oo Dagaal xooggan ku qaaday degmada Afmadow oo ku taalla galbeedka Gobolka Jubbada Hoose
8/7/2013 4:57 AM EST
Arbaco, August 07, 2013(HOL) :- Xoogagga Al-shabaab ayaa dagaal xooggan ku qaaday degmada Afmadow ee gobolka Jubbada hoose, iyadoona dagaalkaasi uu sababay khasaarooyin lixaad leh oo kala gaaray dhinacyadii dagaalamay.

Dowladda Kenya oo Shuruud ku Xirtray Wareejinta Garoonka Diyaaradaha & Dekedda Magaalada Kismaayo ee Jubbada Hoose
8/7/2013 4:01 AM EST
Arbaco, August 07, 2013 (HOL) — Xukuumadda Kenya ayaa shuruud ku xirtay wareejinta garoonka diyaaradaha iyo dekedda magaalada Kismaayo ee xarunta goblka Jubbada Hoose, iyadoo dhawaan ay madaxda dalalka ay ciidamadu ka joogaan Somnalia ay kasoo saareen shir ay ku yeesheen Kampala in maamulka garoonka iyo dekedda Kismaayo lagu wareejiyo dowladda Soomaaliya.

Deeq Lacageed oo la gaarsiiyay Isbitaalka guud ee Magaalada Laascaanood ee Gobolka Sool oo Bukaanno ay Jiifaan (SAWIRRO)
8/7/2013 2:52 AM EST
Arbaco, August 07, 2013 (HOL) — Deeq lacageed oo gaareysa 1,440 dollar ayaa la gaarsiiyay bukaannada ku jira isbitaalka guud ee magaalada Laascaanood ee xarunta gobolka Sool.

Booliiska Puntland oo billaabay Howgallo Ammaanka lagu Xaqiijinayo iyo 94 Maxbuus oo Maamulku uu cafiyay [SAWIRRO]
8/7/2013 2:41 AM EST
Arbaco, August 07, 2013 (HOL) — Xilli ay muddo yari ka harsan tahay munaasabaddii Iidul Fidriga ayaa waxaa magaalooyinka waaweyn ee Puntland ka bilowday howlagallo ay ciidamada Boolisku ammaanka si weyn ugu adkeynayaan.