3/29/2024
Today from Hiiraan Online:  _
Wararka Maanta- Jimco, Aug 16, 2013
Xukuumadda Kenya oo sheegtay in Kumanaan Qoxooti Soomaaliyeed ah ay si iskood ah ugu laabteen Soomaaliya

Jimco, August 16, 2013 (HOL) — Xukuumadda Kenya ayaa shaacisay in 80,000 oo qoxooti Soomaaliyeed oo ku noolaa dalkeeda ay si iskood ah ugu laabteen Soomaaliya, iyadoo sheegtay inaan qoxootigaas si khasab ah looga bixin Kenya.

Xoghayaha joogtada ah ee wasaaradda arrimaha dibadda Kenya, Joseph Ole Lenku ayaa sheegay in qoxootigan oo ku noolaa xeryaha dhadhaab ee dalka Kenya ay iyagu go’aansadeen inay dib u laabtaan.

“Qoxooti Soomaaliyeed oo tiradoodu kor u dhaafayso 80,000 oo qof ayaa dibb ugu laabtay dalkooda Soomaaliya, kaddib muddo ay Kenya qoxooti ahaan ku joogeen, waxayna dageen qaybo badan oo Soomaaliya ka tirsan,” ayuu yiri Ole Lenku.

Sidoo kale, Lenku wuxuu sheegay in qoxootigan ay dageen deegaanno ay ka jirto nabad, ayna dib u laabashadooda timid kaddib markii ay dareemeen in qaybo badan oo Soomaaliya ka tirsan ay nabadi kusoo laabatay.

“Dowladda Kenya ma qorsheynayso inay si khasab ah qoxootiga Soomaalida ah dib ugu celiso dalkooda. Balse way soo dhaweynaysaa dadka doonaya in ay si iskood ah dib ugu laabtaan dalkooda hooyo,” ayuu hadalkiisa ku daray.

Madaxweynaha Soomaaliya, Xasan Sheekh Maxamuud iyo madaxweynaha Kenya, Uhuru Kenyatta ayaa ku heshiiyay qorshe la doonayo in dib loogu celiyo qoxootiga Soomaalida ah ee ku nool dalka Kenya.

Kenya ayaa waxaa ku nool in ka badan 560,000 oo qoxooti Soomaaliyeed ah kuwaasoo ku jira xeryaha Dhadhaab iyo Kakuma, waxaana lagu wadaa in la qabto shir looga hadlayo dib u celintooda, kaasoo ka dhici doona magaalada Nairobi ee xarunta dalka Kenya.

Tan iyo markii ay burburtay dowladdii dhexe ee Soomaaliya, 1991-kii waxaa dalka Kenya deegaan ka dhigtay qoxooti fara badan oo Soomaaliyeed, kuwaas oo ka cararay colaadihii dhiigga badani ku daagtay ee ka dhacayay Soomaaliya.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
8/16/2013 2:23 PM EST
Jimco, August 16, 2013 (HOL) — Madaxweynaha Itoobiya, Girma Wolde-Giorgis ayaa maanta ka guddoomay warqadihii aqoonsiga danjirenimo, dajiraha cusub ee Soomaaliya ay u magacowday dalka Itoobiya, Axmed C/salaam Xaaji Aadan.

8/16/2013 1:45 PM EST
Jimco, August 16, 2013 (HOL) — Carwo buugaag caalamiga ah ayaa maanta si rasmi ah looga furay bartamaha magaalada Hargeysa, iyadoo furitaanka lagu casuumay aqoon-yahanno iyo qorayaal ka kala yimid daafaha dunida.

8/16/2013 1:12 PM EST
Jimco, August 16, 2013 (HOL) — Ku dhawaad 50-qof ayaa ku dhintay 300 oo qof oo kalena way ku dhaawacmeen mudaaharaadyo rabshado wata oo maanta ka dhacay magaalada Qaahira ee xarunta dalka Masar, iyadoo sidoo la sheegay in dhimasho iyo dhaawacyo ay ka dhaceen magaalooyinka kale ee dalkaas.

8/16/2013 12:56 PM EST
Jimco, August 16, 2013 (HOL) — Hay’adda dhakhaartiirta aan xuduudda lahayn ee MSF ayaa maanta oo Jimco ah - 16-August, 2013 - si rasmi ah u joojinaysa howshii caafimaad ee ay ka haysay Soomaaliya, kaddib markii ay maalmo ka hor ku dhawaaqday inay Soomaaliya uga baxayso sababo amni awgood.

8/16/2013 12:18 PM EST
Jimco, August 16, 2013 (HOL) — Dawlada federaalka ah ee Soomaaliya oo aaminsan in Kenya ay qayb ka tahay ismari-waaga ka taagan gobollada Jubbooyinka ayaa bilihii ugu dambeeyay dalbanaysay in ciidamada Kenya ee ku sugan gobolladaas ay ka baxaan dalka.

8/16/2013 9:38 AM EST
Jimco, August 16, 2013 (HOL) — Dowladda Turkiga ayaa sheegtay inay sii wadayso howlaha samafalka ah ee ay ku caawinayso Soomaaliya, kaddib markii hay’adda MSF ay maanta joojisay dhammaan gargaarradii ay dalka Soomaaliya ka wadday, kaddib markii ay sheegtay in shaqaalaheeda si toos ah loo beegsado.

8/16/2013 9:26 AM EST
Jimco, August 16, 2013 (HOL) — Kulan ballaaran oo lagu taageerayay madaxda dowlada Federalka Soomaaliya ayaa Khamiistii shalay aheyd ka dhacay xarunta Lake View ee Magaaladda Minneapolis ee Minnesota, kaas oo ay soo qaban qaabiyeen xubno ka tirsan Jaaliyadda Soomaaliyeed ee ku noolka Gobolkan Minnesota ee dalka Mareykanka.

8/16/2013 9:07 AM EST
Jimco, August 16, 2013 (HOL) — Dagaalyahanno taabacsan Al-shabaab ayaa la sheegayaa inay maanta gurigiisa ku weerareen Mayoow Teesoow oo horay u ahaa taliyihii nabadsugidda dowladdii KMG ahayd ee Soomaaliya ee degmada Baydhabo, iyadoo lala qafaashay rag kale oo la joogay.

8/16/2013 8:56 AM EST
Jimco, August 16, 2013(HOL) :- Qaraxan oo ahaa mid xooggan ayaa lala eegtay gaadiid nooca raaxada oo uu watay Ugaas C/qaadir Sheekh Axmed oo kamid ah ugaaysada caanka ah ee gobolka J/hoose.

8/16/2013 3:59 AM EST
Jimco, August 16, 2013 (HOL) — Garoonka diyaaradaha caalamiga ee magaalada Muqdisho oo howshiisu ay aad u korortay ayaa waxaa markii ugu horreysay uu yeeshay shabakad (Website) lagala socon karo duulimaadyada taga iyo kuwa ka baxa.