3/29/2024
Today from Hiiraan Online:  _
Wararka Maanta- Talaado, Aug 13, 2013
Ra’iisul Wasaaraha Xukuumadda Somalia oo Xalay Kulan la Qaatay Wasiirro iyo Saraakiisha Hay’adaha Amniga (SAWIRRO)


Talaado, August 13, 2013 (HOL) — Ra’iisul wasaaraha Soomaaliya , Cabdi Faarax Shirdoon (Saacid) ayaa xalay kulan la qaatay wasiirro, saraakiil ciidan iyo xubno ka tirsan maamulka gobolka Banaadir, isagoo kala hadlay xaaladda ammaan ee dalka.

Kulankan ayaa markii uu soo gabagaboobay waxaa warbaahinta la hadlay wasiirka arrimaha gudaha iyo amniga Qaranka, Cabdikariin Xuseen Guuleed isgoo sheegay in kulanku uu ku saabsanaa sugida ammaanka dalka iyo howl-galladii ugu dambeeyay ee ay ciidanka ammaanku sameeyeen kuwaas oo laga gaaray horumaro dhanka la dagaallanka argagaxisada ah iyo weliba unugyo isku xiran oo ku howlanaa qal-qal-gelinta amniga.

“Kulanku wuxuu ahaa mid aad muhiim u ah oo uu shir-guddoominayay ra’iisul wasaare Saacid, waxaana si qoto-dheer looga hadlay waxqabadka hay’addaha amniga dalka, gaar ahaana Muqdisho, waxaana si aad ah looga dooday qorshaha sugidda amniga iyo xasilinta dalka, dood dheer kaddib waxaa la isla qiray in toddobaadkii ugu dambeeyey la qabtay howlo badan oo amniga Muqdisho ku saabsan, waxaana hay’addaha ammaanku iyagoo is-kaashanaya ay gacanta kusoo dhigeen 17 unug oo ka mid ahaa kooxda Al-shabaab,” ayuu yiri wasiirka arrimaha gudaha oo xusay in unugyadan oo ka kooban halkii unugba uu ka koobnaa saddex illaa 11-xubnood oo gabi ahaan lasoo qabtay, iyagoo ku howlan falal ay dhan ah amniga.

Sidoo kale, wasiirku wuxuu xusay in warbixino cad-cad ay hay’adaha amnigu kasoo gudbiyeen kooxahan nabadiidka ah, si loo cirib-tiro. Isgaoo intaas ku daray in degmooyinka howlgalladan laga fuliyay ay ka mid yihiin Yaaqshiid, Kaaraan, Wardhiigley, Xamar-weyne, Xamar-jajab, Shibis, Bakaaro, Heliwaa, Dayniile iyo Wadajir, tirada guud ee kooxahan ee gacanta lagu dhigayna ay dhan yihiin 39 ruux.

Wasiirka ayaa sidoo kale xusay inay jiraan howlo ballaaran oo weli ay ku guda jiraan hay’adaha amniga iyagoo dhidibbada u siibaya unugyada weli ku howlan amni-xumada.

“Runtii waa guul billow ah, waxaana rajeynayaa in la xaqiijin doono amniga dalka, gaar ahaana caasimadda, waana waajib na saaran in kooxahaas aan shacabka ka badbaadino,” ayuu hadalkiisa ku daray, isagoo shacabka ugu baaqay inay gacan ka geystaan ka hortaga kooxahaas.

Kulanka ra’iisul wasaaruhu la qaatay wasiirrada iyo saraakiisha amniga ayaa wuxuu qeyb ka yahay kulammo is-daba-jooga ah oo uu la qaadanayay toddobaadyadii ugu dambeeyay hay’addaha ammaanka, kuwaasoo uu kula xisaabtamayay xaqiijinta amniga iyo xasilinta dalka.




Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
8/13/2013 10:49 AM EST
Talaado, August 13, 2013 (HOL) — Wasiirka kheryaadka dalka, Cabdrisaaq Cumar Maxamed ayaa sheegay maanta in hay’adda WFP ay kula heshiiyeen in gargaarka ay bixinayso ay ka iibiso beeraleyda Soomaaliyeed, halkii ay markii hore ka keeni jirtay dalka dibaddiisa.

8/13/2013 10:34 AM EST
Talaado, August 13, 2013 (HOL) — Labadii toddobaad ee lasoo dhaafay waxaa si weyn u soo gaarayay magaalada Baladweyne ee xarunta gobolka Hiiraan qurba-joogta kasoo jeeda gobolka, kuwaasoo sheegay in ujeeddada socdaalkooda uu yahay ka qeyb-galka shirweyne uu ku baaqay Ugaas C/raxmaan Ugaas Khaliif.

8/13/2013 9:30 AM EST
Talaado, August 13, 2013 (HOL) — Ugu yaraan lix qof ayaa ku dhintay 15 kalena dhaawacyo kala duwan ayaa kasoo gaaray dagaal culus oo maanta deegaanka Garasweyne ee gobolka Bakool ku dhexmaray ciidamada dowladda Soomaaliya iyo kuwa Al-shabaab.

8/13/2013 9:14 AM EST
Talaado, August 13, 2013 (HOL) — Guddigii loo xil-saaray inay soo baaraan xog rasmi ahna ka keenaan qaabkii ay ku burburtay diyaarad laga leeyahay dalka Itoobiya oo kasoo dagaysay garoonka diyaaradaha Muqdisho ayaa soo saaray warbixin hordhac ah.

8/13/2013 9:13 AM EST
Talaado, August 13, 2013 (HOL) — Munaasabad isugu jirtay furintaanka sanad dugsiyeedka 2013-2014, dhinaca kalana abaalmarino lagu guddoosiinayay Ardayda kaalamaha wanaagsan ka galay Imtixaanka dugsiga Aflah Basic ayaa lagu qabtay magaalada Baladweyne.

8/13/2013 8:52 AM EST
Talaado, August 13, 2013 (HOL) — Baarlamaannada Soomaaliya iyo Uganda ayaa maanta si rasmi ah u kala saxiixday heshiis ay ku mataanoobeen, kaas oo ay ku yeelanayaan wada-shaqeyn, kaddib kulan saacado qaatay oo ay ku yeesheen Kampala guddoomiyaha baarlamaannada labada dal iyo xildhibaanno.

8/13/2013 8:27 AM EST
Talaado, August 13, 2013 (HOL) — Dadweynaha Somaliland, ayaa maalmihii u dambeeyey si weyn u hadal hayey darajooyinka ciidamada Somaliland loo qaybiyey, kuwaas oo intoodda badan si weyn usoo dhoweeyey dalacsiinta loo sameeyey ciidamada.

8/13/2013 8:19 AM EST
Talaado, August 13, 2013 (HOL) — Kooxo hubeysan ayaa fiidnimadii xalay ku toogtay xaafadda Xaawo Taako ee magaalada Baladweyne askari ka tirsanaa ciidamada maamulka gobolka HIiraan oo xiligaa la sheegay in uu ku sii jeeday gurigiisa.

8/13/2013 2:52 AM EST
Talaado, August 13, 2013 (HOL) — Ugu yaraan laba qof ayaa ku dhintay tiro intaas ka badanna way ku dhaawacmeen dagaal ciidammo taabacsan ururka Ahlusunna waljamaaca iyo dad reer miyi ah ku dhexmaray deegaanka Sangub oo ku yaalla duleedka degmada Dhuusomareeb ee xarunta gobolka Galguduud.

8/13/2013 2:45 AM EST
Talaado, August 13, 2013 (HOL) — Tuulada la yiraahdo Gooyaale dadka ku nool ayaa waxay billaabeen in waddooyinka soo gala tuulooyinkooda ay dib u hagaajistaan si ay u fudadaato aadista beerahooda iyo ceelal biyoodyada ay biyaha kasoo dhaansdaan, iyadoo gaadiidkana ay u tahay mid wanaagsan in waddooyinkaas la hagaajiyo.