3/29/2024
Today from Hiiraan Online:  _
Wararka Maanta- Axad, Aug 11, 2013
Orodyahanka Soomaaliyeed ee Mo Farah oo mar kale ku guuleystay Orodka dheer ee Tobanka kun ee Mitir ee Dunida


Axad, August 11, 2013 (HOL) — Orodyahanka Soomaaliyeed ee Mo Farah ayaa ku guuleystay orodka dheer ee 10,000 oo mitir tartanka adduunka eek a dhacaya magaalada Moscow ee xarunta dalka Ruushka.

Mo Farah ayaa ku guuleystay oroddada 5,000 ee mitir iyo 10,000 ee mitir ciyaarihii olombikada ee ka dhacay London isla sannadkan, iyadoo 30-jirkan uu horumar kale oo dhinaca orodka ah uu ka sameeyay tartanka ciyaaraha fudud ee caalamka ee ka socda Moscow.

Faarax oo u orda dalka Britain ayaa jabiyay rikoorkii ciyaaraha 10,000 ee mitir ee caalamka u yaallay ee uu dhigay orodyahanka reer Itoobiya Ibraahim Jeylaani, kaddib markii uu ku orday 27 daqiiqo iyo 21.71 il-biriqsi.

“Waxaan haysataa khibrad aan dhaxalay laba sano ka hor,” ayuu Mo Farah u sheegay BBC-da qaybta isboortiga. Isagoo intaas ku raaciyay. “Waxaan ogahay inaan hadda ka badiyay rag badan oo iga khibrad badan. Aad ayaan ugu faraxsanahay inaan heerkan imaado oo aan ku guuleysto ciyaaraha.”

Ciyaaryahankan Soomaaliga ah ee u orda Britain ayaa sheegay in tababar adag uu u soo galay inuu heerkan yimaado, uuna qoyskiisa muddo ka maqnaa. Isagoo xusay inuu ku faraxsan yahay inuu ciyaaraha dunida heerkan ka gaaro.

Mo Farah ayaa dhawaan ka mid ahaa dadkii Soomaaliyeed ee ka horjeeday go’aankii uu gaaray bangiga Barclays ee dalka Britain, kaasoo sheegay inuu joojinayo xiriirka uu la lahaa in ka badan 250 xawaaladood oo lacagaha lagu diro.

Faarax ayaa sheegay in malaayihiin Soomaali ah ay ku nool yihiin lacagaha ay ka helaan qoysaskooda ku nool caalamka oo ay Ingiriisku ka mid yahay, isagoo xusay in haddii Bangigu uu xiro xisaabaadyadan ay keeni karto inay dad badan saameyn ku yeelato.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
8/11/2013 9:23 AM EST
Madaxii hore ee sirdoonka Soomaaliya ee loo yaqaano nabad-sugida Axmed Macallin Fiqi ayaa waraysi uu siiyay wargeyska The Standard ee kasoo baxa dalka Kenya ku sheegay in uu ka hortagay weeraro la doonayay in lagu khaarajiyo labada hogaamiye ee ugu cadcadaa tartankii doorashadii dalka Kenya.

8/11/2013 9:08 AM EST
Axad, August 11, 2013 (HOL) — Waxaa mar kale lagu qabtay Muqdisho shir ku saabsan Raod-Map-ka xuquuqda aadanaha Somalia, kaasoo ay ka qayb-galeen xoghayaha golaha wasiirrada, Maxamed Jamac Calas, ururrada bulshada rayidka ah iyo danjiraha Soomaaliya u fadhiya xafiiska Qaramada Midoobay xuquuqul insaanka ee Geneva, Yuusuf Maxamed Ismaaciil (Bari-Bari).

8/11/2013 8:43 AM EST
Axad, August 11, 2013 (HOL) — Soddon ka mid ah xildhibaannada dumarka ah ee ku jira baarlamaanka Soomaaliya ayaa maanta u dhoofay dalka Kenya si ay uga qaybgalaan siminnaar aqoon-kororsi ah oo looga hadlayo sida ay u shaqeeyaan baarlamaannada caalamka iyo sidii baarlamaanka Soomaaliya uu xiriir ula yeelan lahaa baarlamaannada kale ee caalamka.

8/11/2013 7:57 AM EST
Axad, August 11, 2013 (HOL) — Wareegto kasoo baxday xafiiska madaxweynaha Soomaaliya ayaa loogu magacaabay guddoomiyaha cusub ee gobolka Galguduud, Xuseen Cali Wehliye (Cirfo) iyadoo la sheegay in lagu magacaabay soo jeedinta wasiirka arrimaha gudaha Soomaaliya.

8/11/2013 7:56 AM EST
Axad, August 11, 2013 (HOL) — Iyadoo maanta la filayay in magaalada Kismaayo looga dhawaaqo golaha wasiirada maamulka Jubbaland ayaa waxa arintaasi ku yimid dib u dhac iyadoona mudo 10 maalmood ah dib loo dhigay.

8/11/2013 7:36 AM EST
Axad, August 11, 2013 (HOL) —Iyadoo shalay dowladda Puntland ay dekedda magaalada Boosaaso ka celisey markab sidey deeq raashin ah oo ka timid hay'adda Bisha Cas ee Turkiga, taas oo ku socotey qaar kamid ah degmooyinka Puntland iyo gobollada dhexe ee dalka, ayaa waxaa arintaas siyaabo kala duwan u fasiray siyaasiyiinta mucaaradka ah ee dhaliila xukuumadda Madaxweyne C/raxmaan Maxamed Faroole.

8/11/2013 2:39 AM EST
Axad, August 11, 2013 (HOL) — Ra’iisul wasaaraha Somalia, Cabdi Faarax Shirdoon (Saacid) ayaa ka hadlay waxyaabihii u qabsoomay xukumadda uu madaxda ka yahay muddadii ay jirtay, isagoo xusay in waxyaabo badan ay ka qabteen dhibaatooyin ka taagnaa magaalada Muqdisho.

8/11/2013 2:00 AM EST
Axad, August 11, 2013 (HOL) — Dowladda Britain ayaa shaacisay in xubno ka tirsan Al-shabaab ay dhaceen gargaar kala duwan oo loogu deeqay dadka Soomaaliyeed, kaasoo qiimihiisu ahaa 480,000 lacagta Britain ah oo la mid ah 75,000 oo doollarka Mareykanka ah.