3/28/2024
Today from Hiiraan Online:  _
Wararka Maanta- Jimco, Apr 26, 2013
Abuu-Mansuur Al-Amriki oo shaaciyay inuu ka Badbaaday isku-day dil oo lagu qaarijin lahaa, dhaawacna uu soo gaaray


Jimco, Abriil 26, 2013 (HOL) — Abuu-Mansuur Al-Amriiki oo loo yaqaanka Cumar Xamaami oo ka mid ah dagaalyahannada Ajnabiga ah eek a barbar dagaalama Al-shabaab ayaa bartiisa Twitter-ka ku sheegay inuu si dirqi ah uga baxsaday isku-day di loo lagu qaarijin lahaa.

Al-Amriiki ayaa sheegay inay soo weerareen xubno sarsare oo Al-shabaab ka tirsan uuna dhaawac ka gaaray qoorta, bale uu iska difaacay kooxihii weerarka ku soo qaaday, isagoo aan sheegin halka uu ku sugan yahay hadda.

“Weerarkan wuxuu dhacay gellinkii dambe ee Khamiista shalay, waxaana la i soo weeraray anigoo fadhiya biibito shaahaga laga cabo,” ayuu yiri bartiisa Tiwitter-ka, wuxuuna bartaas soo dhigay afar sawir oo uu ka mid ahaa sawir muujinaya qoortiisa oo dhiig leh iyo shaati uu watay oo buluug ah oo uu dhiig qariyay.

Hoggaamiyahan oo khilaaf xooggan uu kala dhexeeyay madaxda Al-shabaab labadii sano ee lasoo dhaafay ayaa ku eedeeyay in weerarkan lagu doonayay in lagu qaarijiyo uu soo abaabuulay hoggaamiyaha guud ee Al-shabaab Sheekh Mukhtaar C/raxmaan Abuu-Subeyr.

Cumar Xamaami ayaa oo kasoo jeeda gobolka Alabama ee Mareykanka ayaa ku biiray Al-shabaab sannadkii 2006, isagoo ka qaybgalay dagalalo badan oo ay Al-shabaab la gashay ciidamada dowladda Soomaaliya iyo kuwa AMISOM ee caawinaya.

Al-shabaab ayaa bayaan ay sannadkii hore soo saartay waxay ku sheegtay in Xamaami uusan ka mid ahayn hoggaamiyeyaasheeda dagaalka, balse uu yahay dagaalyahan Ajnabi ah oo ka barbar dagaalama oo keliya, balse isagu wuxuu dhowr jeer ooh ore sheegay inuu khilaaf kala dhexeeya mas’uuliyiinta Al-shabaab.

Dowladda Mareykanka ayaa sannadkan horraantiisa dul-dhigay Xamaami iyo dagaalyahan kale oo Mareykanka oo la rumeysan yahay inuu Soomaaliya ku sugan yahay lacag malaayiin doollar ah, taasoo ay siinayso cid walba oo soo gudbisa xog ku saabsan halka uu ku sugan yahay.

Sarkaalkan ayaa bartay luuqadda Soomaaliga oo aad u jajaban, waxaana ilmo u dhalay haween Soomaaliyeed oo uu guursaday, isagoo labadii sano ee ugu dambeysay ahaa nin iska ilaalinayay Al-shabaab oo uu sheegay inay dhowr jeer isku dayday inay shilqool ku dilaan.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
4/26/2013 4:28 PM EST
Maxamed Cabdi Xuseen oo ay maalmo ka hor ayaa dhallinyaro ku dileen duleedka magaalada London ayaa manta la aasay. Waxaa warbixintaa London nooga soo diray Ibraahim Baafo.

4/26/2013 2:41 PM EST
Jimco, Abriil 26, 2013 (HOL) — Mayarka dagmada Saylac, Xuseen Iidle Barkhadle ayaa ka warbixiyay xaaladda degmada Saylac, isagoo sheegay in xaaladdu ay tahay mid aad u wanaagsan, isagoo sheegay in markii uu xilka ka wareegay uu isku dayay inuu xaaladda intaas kasii wanaajiyo.

4/26/2013 2:12 PM EST
Jimco, Abriil 26, 2013 (HOL) — Booliiska dalka Uganda ayaa shaaciyay maanta oo Jimco ah inay heleen warbixinno sheegaya in Al-shabaabta Soomaaliya oo xiriir la leh urur-weynaha Al-Qaacida ay qorsheynayaan weerarro ay ka geysteen dalka Uganda.

4/26/2013 1:39 PM EST
Jimco, Abriil 26, 2013 (HOL) — Danjiraha Soomaaliya u jooga Qaramada Midoobay, Cilmi Axmed Ducaale ayaa sheegay in Soomaaliya ay tahay arrinta ugu weyn ee looga hadlo shirarka Qaramada Midoobay, isagoo xusay in siyaasad ahaan iyo ammaan ahaan ay u muuqato Soomaaliya mid ay dhibaato ka jirto.

4/26/2013 1:18 PM EST
Jimco, Abriil 26, 2013 (HOL) — Prof. Axmed Ismaaciil Samatar ayaa sheegay inuu iska casily xilkii xildhibaannimo ee baarlamaanka Soomaaliya, isagoo ku sheegay wareysi uu siiyay VOA-da inuu warqaddiisii iscasilaadda u gudbiyay guddoomiyaha baarlamaanka Somalia.

4/26/2013 11:24 AM EST
Jimce, Abriil 26, 2013 (HOL)- Abwaan C/laahi Macalin Axmed ”Dhoodaan” oo kamid ahaa sugaanyahanada Soomaaliyeed kuwooda ugu caansan ayaa ku geeriyoodey magaalada Herer ee dalka Itoobiya.

4/26/2013 5:01 AM EST
Jimco, Abriil 26, 2013 (HOL) — Ciidamada dowladda Soomaaliya iyo kuwa Al-shabaab ayaa ku dagaalamay deegaanno ka tisran gobollada Bakoool iyo Bay, dagaalladaas oo dhaliyay khasaare isugu jirta mid nafeed iyo mid maaliyadeed.

4/26/2013 4:51 AM EST
Jimco, Abriil 26, 2013 (HOL) — Kooxo bastooladley ah ayaa xalay fiidkii ku dilay degmada Yaaqshiid ee gobolka Banaadir ku-xigeenkii garyaqaanka guud ee dalka, Avv. Axmed Sheekh Nuur Maalin, iyadoo kooxihii dilkaas ka dambeeya la qabtay.

4/26/2013 4:38 AM EST
Jimco, Abriil 26, 2013 (HOL) — Gudoomiyaha Dalladda Naafadda ee Somaliland Mukhtaar Cismaan Muxumed, ayaa sheegay inay carqalad ku hayso dhismayaasha wasaaradaha iyo hay’adaha oo aan loogu tallogalin sidii ay dadka naafadda ahi hawlahooga uga soo qabsan lahaayeen, isla markaana ka codsaday inay dadka naafada ah ugu tallogalaan meelihii ay u soo mari lahaayeen.