3/28/2024
Today from Hiiraan Online:  _
Wararka Maanta- Talaado, Apr 2 , 2013
Koox ka dhisan Columbus OHIO oo ku Guuleysatay Koobka Indoor Soccer Cup oo lagu qabtay Magaaladaas (SAWIRRO)


Talaado, Abriil 02, 2013 (HOL) — Maalintii Axadda ahayd ee lasoo dhaafay ayaa waxaa (31 Maarso, 2013), waxaa lagu soo gaba-gaboobay tartankii 13- aad ciyaaraha kubadda cagta ee Indoor Soccer Cup magaalada Columbus ee gobolka Ohio.

Koobkan oo ay kasoo qayb-galeen in ka badan 24-kooxood ayaa waxaa lagu tartamayay hanashada koobkaas, waxayna kooxahan isugu jireen kuwo ay u  ciyaarayeen dhallinyaro, kuwo ay u ciyaarayeen dad da’ dhexaad ah oo ay hoggaaminayeen rug-cadayaashii isboortiga Soomaaliyeed ku ahaa magaca iyo maamuuska.

Ciyaartii kama dambeysta ahayd waxaa isugu soo baxay koox ka socotay magaalada Minneapolis ee gobolka Minnesota, (Twin City Stars) iyo koox ka dhisan Columbus Ohio (Hilaac FC).

Ciyaartaas oo ay ku dhamaatay barbar-dhac saddex gool iyo saddex gool ah ayaa waxaa labada kooxood ay ku kala baxeen rigoorayaal ama gool ku laadyo, iyadoo guusha ku raacday kooxda Hilaac FC oo ka dhisan Ohio.

Tartanka koobkan ayaa wuxuu ahaa mid xiiso badan leh, iyadoo dadweyne aad u badan oo Soomaaliyeed iyo kuwo Ajnabi ah maalin walba u daawasho tegi jireen ciyaaraha, iyadoo ciyaartoyduna ay soo bandhigi jireen ciyaaro aad u xiiso geliya inta daawanaysa.

Sannad walba ayaa waxaa ciyaaraha noocan oo kale ah lagu qabtaaan dalalka ay Soomaalidu ku nool yihiin sida kuwa Waqooyiga Mareykanka iyo kuwa Yurub, iyadoo koox walba ay tartan adag u gasho sidii ay koobka ku hanan lahayd.



















Click here
4/2/2013 11:03 AM EST
Talaado, 2 April, 2013(HOL) :- Ergadii ka qeybqaadaneysay shirka la doonayo in maamul goboleed loogu dhiso sedexda gobo lee J/hoose J/dhexe iyo Gedo ayaa maanta ansixisay Axdi KMG ah oo ay ku shaqeyn doonto dowlad goboleedka loogu magic daray Jubbaland ee la filayo in loo dhiso gobollada Jubooyinka.

4/2/2013 8:56 AM EST
Talaado, Abriil 02, 2013 (HOL) — Shirweynaha Qaran ee wadatashiga garsoorka Soomaaliya oo maalintii laabad si toos ah uga socda magaalada Muqdisho, kaasoo ay ka qaybgaleen guddoomiyaha Baarlamanaka, Prof. Maxamed Sheekh Cusmaan Jawaari, guddoomiyaha maxkamadda sare, Avv. Ceydiid Ilkaxanaf, xeer ilaaliyaha guud ee Qaranka iyo dhammaan rrgada mataleysa dadka Soomaaliyeed ee shirka lagu casuumay.

4/2/2013 8:23 AM EST
Talaado, Abriil 02, 2013 (HOL) — Ururka Qareenadda Somaliland, ayaa ugu baaqay golaha Wakiiladda inay sameeyaan xeerka mihnadda qareenimo lagu nidaamiyo oo tayo leh si loo helo cadaalad iyo xeer madax banaan oo waafaqsan xeerarka caalamka.

4/2/2013 8:14 AM EST
Talaado, Abriil 02, 2013 (HOL) — Taliyaha ciidamada AMSIOM, Jen. Andrew Gutti ayaa sheegay in ciidamadooda iyo kuwa dowladda Soomaaliya oo is-garabsanaya ay ku guuleysteen inay furaan waddada isku xirta Muqdisho iyo Baydhabo oo dhirirkeedu yahay 241-km.

4/2/2013 7:55 AM EST
Talaado, Abriil 02, 2013 (HOL) — Kooxo hubeysan ayaa ku toogtay gudaha degmada Gaarisa ee gobolka Waqooyi-bari ee dalka Kenya lab aka mid ah ciidamada dharka cad ee booliiska Kenya, iyagoo isla weerarkaas dhaawac ugu geystay mid kale.

4/2/2013 2:19 AM EST
Talaado, Abriil 02, 2013 (HOL) — Culummaa’uddiinka Ahlusunna Waljamaaca oo ka mid ah maamullada uu xiriirka wanaagsan kala dhexeeyo dowladda Soomaaliya ayaa sheegay inaan lagu casuumin shirka looga tashanayo dib u habeynta garsoorka dalka.

4/2/2013 1:54 AM EST
Talaado, Abriil 02, 2013 (HOL) — Ciidammo ka tirsan kuwa AMISOM oo aad u fara badan ayaa shalay gallinkii dambe illaa xalay gaarayay magaaalada Baydhabo ee xarunta gobolka Bay, kuwaasoo maray dhinaca dhulka waxayna fariisimo ka sameysteen gudaha iyo duleedyada Baydhabo.