3/28/2024
Today from Hiiraan Online:  _
Wararka Maanta- Sabti, Apr 13, 2013
Madaxweynayaasha Soomaaliya iyo Somaliland oo Heshiis Iskaashi ku kala saxiixday Magaalada Ankara ee Dalka Turkiga

Sabti, Abriil 13, 2013 (HOL) — Madaxweynaha Soomaaliya, Xasan Sheekh Maxamuud iyo madaxweynaha Somaliland, Axmed Maxamed Maxamuud (Siilaanyo) ayaa caawa heshiis iskaashi ku kala saxiixday magaalada Ankara ee xarunta dalka Turkiga, kaddib wadahadallo saacado qaatay oo ay maanta ku yeesheen halkaas.

Heshiiskan oo ka kooban toddoba qodob ayaa waxaa ka mid ah in Soomaaliya iyo Somaliland ay wadaagaan deeqaha dibadda laga helo iyo inay kawada shaqeeyaan ammaanka deegaaannada ay ay ka kala taliyaan.

Qodobbada lagu heshiiyay ayaa waxay kala ahaayeen:

  1. In lasii wado wadahadallada u dhexeeya labada dhinac
  2. In qodobbadii kasoo baxya shirarkii London iyo Dubai ee horay loo gaaray la dhowro
  3. Inay sii socdaan wadahadallada u dhexeeya dowladda federaalka Soomaaliya iyo dowladda Somaliland, beesha calaamku ay ka taageerto dhinaca fududeynta haddii loo baado.
  4. In labada dhinac ay wadaagaan deeqaha caalamka laga helo, gaar ahaan kuwa ay Soomaaliya hesho iyo in la dhiirrigeliyo horumarinta Somaliland. 
  5. In si wadajir ay dhinacyadu uga shaqeeyaan sugidda ammaanka, tababarrada, dagaalka lagula jiro argagaxisada, is-dhaafsiga xogaha, la dagaalanka burcadbadeedda, kalluumeysiga sharci-darrada ah, ka hortagga sunta lagu shubo badaha, dambiyada badaha ka dhaca iyo dambiyada waaweyn.
  6. In saddex bilood gudahood lagu qabto Istanbuul shir kale oo lagu dhameystirayo qodobbadii la isku afgaran waayay intii uu shirku socday.
  7. In labada dhinac ay joojiyaan hadallada xanafta leh ee wax u dhimi kara qodobbadan lagu heshiiyay iyo sii socoshada wadahadallada.

Heshiiskan oo lagu saxiixay madaxtooyada dalka Turkiga ayaa waxaa dhinaca dowladda Soomaaliya u saxiisay wasiirka arrimaha gudaha iyo amniga Qaranka, C/kariin Xuseen Guuleed, iyadoo dhinac Somaliland uu u saxiixay wasiirka arrimaha dibadda, Maxamed Cabdullaahi Cumar.

Intii uu shirku socday ayaa waxaa labada dhinac ay isku mari waayeen dhowr qodob, kuwaasoo aan la shaacin, waxaase warar hoos ay sheegayaan in qodobbadaas ay ka mid ahaayeen midnimada Soomaaliya oo ay Somaliland kasoo horjeesatay.

Saxiixa heshiiskan iskaashi ee ay wada gaareen Soomaaliya iyo Somaliland ayaa waxaa goobjoog ka ahaa, madaxweynaha dalka Turkiga, Cabdalla Gul iyo wasiirka arrimaha dibadda dalkaas, Axmed Da'ud Oogle oo isagu si gaar ah goobjoog uga ahaa wadahadallada labada madaxweyne.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
4/13/2013 8:19 PM EST
Waxaa manta kulan ay soo qabanqaabisay dowladda Turkiga dhex-maray madaxweynayaasha Somalia iyo Somaliland magaalada Ankara

4/13/2013 1:06 PM EST
Sabti, Abriil 13, 2013 (HOL) — Madaxweynaha Soomaaliya, Xasan Sheekh Maxamuud oo wareysi siiyay idaacadda VOA-da markii lasoo gabgabeeyay shirkii uu la yeeshay madaxweynaha Somaliland ayaa sheegay in isaga iyo madaxweynaha Somaliland aysan shirka aysan uga hadlin oo keliya siyaasad, balse ay uga hadleen waxyaabo ay dani ugu jirto shacabka Soomaaliyeed.

4/13/2013 10:59 AM EST
Sabti, Abriil 13, 2013 (HOL) — Waxaa maanta ka dhacay degmada Ufuroow ee gobolka Bay dagaal socdey dhowr saacadood ah kaasoo u dhexeeyay ciidamada dowladda Soomaaliya oo garabsanaya kuwa Itoobiya iyo Al-shabaab, iyadoo degmadan ay dhawaanahan ahayd mid dagaalkeeda uu soo noq noqanayey oo kolba qolo ay qabsanaysay.

4/13/2013 9:43 AM EST
Sabti, Abriil 13, 2013 (HOL) — Saddex cunug oo walaalo ah ayaa 24-kii saac ee lasoo dhaafay cudur aan la garaneyn ugu geeriyoodey degmada Eyl ee gobolka Nugaal. Carruurtan oo muddo saacado ah kala danbeeyay waxay midka u weyn da'diisu ahayd shan sano.

4/13/2013 8:29 AM EST
Sabti, Abriil 13, 2013 (HOL) — Ra'iisul wasaaraha Soomaaliya, Cabdi Faarax Shirdoon (Saacid) ayaa maanta la kulmay madaxweynaha Burundi, Pierre Nkurunziza waxayna kawada hadleen arrimaha iskaashiga labada dal, gaar ahaana amniga, dhaqaalaha iyo horumarka.

4/13/2013 7:43 AM EST
Sabti, Abriil 13, 2013 (HOL) — Kulan ay dhexdhexaadiye ka tahay dowladda Turkiga oo u dhexeeya madaxweynaha Soomaaliya, Xasan Sheekh Max’uud iyo madaxweynaha Somailland, Axmed Maxamed Siilaanyo ayaa ka furmay magaalada Ankara ee xarunta dalka Turkiga.

4/13/2013 7:27 AM EST
Sabti, Abriil 13, 2013 (HOL) — Guddoomiyaha maamulka gobolka Hiiraan Cabdi Faarax Laqanyo, saraakiisha ciidamada maamulka gobollka Hiiraan, saraakiisha ciidamada Jabuuti ee howlgalka midowgga Africa AMISOM iyo mas’uuliyiin kale ayaa ka qeyb-gallay tababar loo soo xirray boqolaal askari oo ka mid ah ciidamada xoogga dalka kuwaasoo mudo sadax bilood ah tababar uga socday magaalada Baladweyne.

4/13/2013 1:01 AM EST
Sabti, Abriil 13, 2013 (HOL) — Shirkii madaxweynayaasha Soomaaliya iyo Somaliland ayaa maanta ka furmaya magaalada Ankara ee xarunta dalka Turkiga, iyadoo Somaliland ay sheegtay inaysan gor-gortan ka galayn madax-bannaanideeda.

4/13/2013 12:59 AM EST
Sabti, Abriil 13, 2013 (HOL) — Xukuumadda Jabtuui ay sii daysay 14 ka mid ah xubnaha mucaaradka ah ee ka tirsan xisbiga USN, kuwaasoo la xiray markii lala xiriiriyay inay ku lug lahaayeen dibadbaxyo loogas oo horjeedo xukuumadda oo bishii hore ka dhacay dalka Jabuuti.

4/13/2013 12:58 AM EST
Sabti, Abriil 13, 2013 (HOL) — Hay’adda lacagta Adduunka ee [IMF] ayaa u aqoonatay Soomaaliya xubin ka mid ah kaddib sannado badan oo ay ka maqnayd, balse ha’yaddu waxay sheegtay inaysan Soomaaliya siinayn wax dhaqaale ah tan iyo inta ay ka bixinayso damo fara badan oo lagu leeyahay.