3/29/2024
Today from Hiiraan Online:  _
Wararka Maanta- Khamiis, Sept 12, 2013
Golaha Wasiirrada Somalia oo isku raacay hirgelinta go’aanadii kasoo baxay Shirweynihii Culummada Soomaaliya (SAWIRRO)


Khamiis, September 12, 2013 (HOL) — Golaha wasiirrada Soomaaliya ayaa maanta yeeshay kulankoodii joogtada ahaa, kaasoo uu shir guddoominayay ra’iisul wasaaraha Soomaaliya, Cabdi Faarax Shirdoon, iyadoo looga dooday qodobbo ka mid ahaa kuwii kasoo baxay shirkii culimada Soomaaliyeed ee looga hadlay sida looga hortegi karo ku talax-tagga diinta ama xag-jirnimada.

Kulankan ayaa ugu horreyntii waxaa warbixin looga dhageystay Saacid oo isagu shalay kasoo laabtay safarro uu ku kala bixiyay dalal dhowr ah, isagoo sharaxaad ka bixiyay heshiisyo horumarineed oo ay lasoo saxiisdeen ururka Islaamka iyo dawladda Yemen, arrintaasoo uu goluhu si weyn u soo dhoweeyey.

Gabagabadii kulanka, waxaa warbaahinta la hadlay wasiirka warfaafinta, boostada, isgaarsiinta iyo gaadiidka, Cabdullaahi Ciilmooge Xirsi, wuxuuna si adag u beeniyay qoraal looga been abuuranayo oo lasoo dhigay qaar ka mid ah warbaahinta Soomaalida, isagoo tilmaamay in qoraalkaasi uu yahay mid aan jirin.

“Sida aad ka aragteen warqadda been abuurka ah, tixraac lambar ma lahan way banana tahay meeshii loogu talo-galay tixraac lambarka, waana been abuurad cad oo raqiis ah,” ayuu yiri oo beeniiyay wararkaas oo ahaa mid ku saabsan inuu warqad u qoray kooxda la socodka xayiraada hubka ee dalalka Soomaaliya iyo Eretria, taasoo uu ku dhaliilayo heshiiska shirkadda VAVORI ay kula wareegeyso maamulka garoonka caalamiga ah ee Aadan Cadde.

Sidoo kale, wasiirka oo ka hadlayay qodobbadii shalay kasoo baxay shirka culumada ee looga hadlayay xag-jirnimada ayaa wuxuu xusay in goluhu ay si buuxda isula qaateen dhaqan-gelinta qodobbadaas, isagoo tilmaamay in goluhu ay dhiseen guddi heer wasiir ah oo kala shaqeynaya culumada sidii loo dhaqan-gelin lahaa go’aannadii shirka, iyadoo kulan la qaban doono 90 maalmood gudahood, kaasoo loogu yeeri doono culumada Soomaaliyeed iyo culumada dunida Islaamka , laguna sii xoojin doono go’aannada iyo dhaqan-gelinta qodobbadii kasoo baxay shirkii culummada Soomaaliyeed.

Wasiirka warfaafinta ayaa sidoo kale xusay in golaha wasiirradu ay maanta si qoto-dheer uga doodeen qabashada shir dib u heshiisiineed oo lagu soo af-meerayo mad-madowgii soo kala dhex galay beelaha Jubbooyinka iyo Gedo ku nool, isagoo intaas ku daray in guddoomiyaha maamulka KMG ah ee Jubba Sheekh Axmed Madoobe iyo wafdi ballaaran oo uu hoggaaminayo ay maalmihii lasoo dhaafay ku sugnaayeen Muqdisho, taasoo hordhac u ah qabashada shirweyne dib u heshiisiineed oo ay dowladdu abaabulayso.

“Golaha wasiirradu waxay iclaamiyeen shir dib u heshiisineed oo ka furmi doona Muqdisho shanta bisha Oktoobar ee soo socota, laguna soo jari doono magaalada Kismaayo, sida ku xusan heshiiskii Addis ababa ee dowladda iyo maamulka Jubba ay gaareen,” ayuu yiri wasiirka hadalkiisa ku daray.

Dhanka kale, wasiirka ayaa warbaahinta u sheegay in intii ay ku gudo jireen golaha wasiirradu shirkooda ay soo gaartay war sheegaya in qarax lala beegsaday wafdigii magaalada Muqdisho ka ambabaxay ee Sheekh Axmad Madoobe uu hoggaaminayay, isla markaana ay waxyeelo dhimasho iyo dhaawacba leh soo gaartay xubno ka tirsan wafdiga.




Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
9/12/2013 3:07 PM EST
Khamiis, September 12, 2013 (HOL) — Tababar ku saabsanaa sida ay haweenku isaga difaaci karaan kursiga oo maanta lagu soo gabagabeeyay xarunta AMISOM ee magaalada Muqdisho, iyadoo ay ka faa’iideysteen 20 haween ah oo ka kala socday gobollada Shabeellada Hoose, Banaadir iyo Shabeellada dhexe.

9/12/2013 12:49 PM EST
Khamiis, September 12, 2013 (HOL) — Wakiilka Mareykanka ee Soomaaliya, James McAnulyt ayaa sheegay in dowladdiisu ay soo dhaweynsayso go’aankii dowladda federaalka Soomaaliya uga mid noqotay 33 waddan oo taageeray go’aankii lixdii bishan laga gaaray arrimaha Siiriya.

9/12/2013 12:47 PM EST
Khamiis, September 12, 2013 (HOL) — Xarakada Al-shabaab oo dagaal kula jirta dowladda Soomaaliya ayaa sheegatay weerarkii maanta Sheekh Axmed Maxamed Islaam lagula beegsaday bartamaha magaalada Kismaayo, iyagoo sheegay inay ku dileen ciidammo, waxgarad iyo ajnabi la socday gaadiidkii uu Sheekh Axmed Madoobe watay.

9/12/2013 12:45 PM EST
Khamiis, September 12, 2013 (HOL) — Madaxa xiriirka bulshada iyo is-gaarsiinta ee ciidamada dalka Sierra Leone, Col. M. M. Samura ayaa sheegay in dalkiisu uu ciidammo u diri doono Soomaaliya kuwaasoo ku shaqeynaya magaca AMISOM.

9/12/2013 11:14 AM EST
Khamiis, September 12, 2013 (HOL) — Marwada Madaxweynaha Somaliland Marwo Aamina X Maxamed Jirde (Aamina Weris), ayaa munaasibad ay ku dhiirigalinayso haweenka ciidamadda kala duwan ku jira ee darajooyinka la siiyey ugu qabatay magaaladda Hargeysa.

9/12/2013 9:37 AM EST
Khamiis, September 12, 2013(HOL) :- Madaxa maamulka KMG ee Jubba Sheekh Axmed Max'ed Islaam (Axmed Madoobe) oo goor dhow shir jaraa'id ku qabtay xarunta madaxtooyada kismaayo ayaa sheegay in uu ka badbaaday isku day dil oo la doonayay in lagu qaarajiyo.

9/12/2013 9:17 AM EST
Khamiis, September 12, 2013(HOL) :- Afhayeenka maamulka Jubba C/naasir Seeraar Maax oo gordhow warbaahinta kula hadlay gudaha xarunta madaxtooyada Kismaayo ayaa sheegay in uu caafimaad qabo madaxa maamulka Jubba Sheekh Axmed Max’ed Islaam (Axmed Madoobe)

9/12/2013 8:40 AM EST
Khamiis, September 12, 2013 (HOL) — Madaxweynaha Soomaaliya, Xasan Sheekh Maxamuud ayaa cambaareeyay weerarkii maanta lagu dhaawacay hoggaamiyaha maamulka KMG ee Jubbooyinka, Sheekh Axmed Maxamed Islaam (Sheekh Axmed Madoobe).

9/12/2013 8:29 AM EST
Khamiis, September 12, 2013 (HOL) — Muwaadiniin reer Somaliland ah oo ka yimid dibadda oo Raaci lahaa Diyaarada Itoobiya, ayaa dhawrkii maalmood ee u dambeeyey ku xanibnaa magaaladda Hargeysa, kuwaas oo madaarka Hargeysa ka raaci lahaa Diyaaraddaasi.

9/12/2013 8:25 AM EST
Khamiis, September 12, 2013 (HOL) — Wafdi k socda dowladda federaalka Soomaaliya oo ka kooban xildhibaanno iyo golaha wasiirrada ayaa maanta gaaray magaalada Baydhabo ee xarunta gobolka, kaddib markii dhawaan loo diiday inay halkaas tagaan.

9/12/2013 8:19 AM EST
Khamiis, September 12, 2013 (HOL) — Kulan ay kasoo qaybgaleen xubno ka tirsan baarlamaanka Soomaaliya, siyaasiyiin, aqoonyahanno, haween iyo odayaal kasoo jeeda beelaha Jareer-weyne ayaa lagu qabtay Magaalada Muqdisho ee xarunta Soomaaliya.

9/12/2013 7:35 AM EST
Khamiis, September 12, 2013 (HOL) — Hoteel ku yaalla magaalada Baydhabo oo ay deggenaayeen qurbo-joog kasoo jeeda goballada Bay iyo Bakool oo doonayay niay ka qaybgalaan shirweynaha lagu sameynayo maamulka Koonfur-galbeed Soomaaliya ayaa lagu weeraray bam-gacmeed.

9/12/2013 7:11 AM EST
Khamiis, September 12, 2013 (HOL) — Wararka ka imaanaya Kismaayo ayaa sheegaya in Sheekh Axmed Maxamed Islaam (Sheekh Axmed Madoobe) oo ka mid ah hoggaamiyeyaha maamulka KMG ah ee Jubba oo saakay ka dhoofay Muqdisho uu ku dhaawacmay qarax ismiidaamin ah oo ka dhacay Kismaayo baqonimadii maanta.

9/12/2013 7:00 AM EST
Khamiis, September 12, 2013 (HOL) — Weerar la sheegay inuu ku dhintay Cumar Shafiiq Xamaami oo ah hoggaamiye horay uga tirsanaa Al-shabaab iyo laba ruux oo kale oo mid uu ahaa ruux ajnbi ah oo dhalashadiisu ay ahayd Pakistan ayaa lagu dilay deegaan 30-km bari kaga beegan degmada Baardheer ee gobolka Gedo.

9/12/2013 6:51 AM EST
Khamiis, September 12, 2013 (HOL) — Kooxo bastoolado ku hubeysan ayaa xalay ku toogtay xaafadda Howl-wadaag ee magaalada Beledweyne nabadoon C/dulle Macalin Siyaad oo ka mid ahaa waxgaradka magaalada.

9/12/2013 4:47 AM EST
Khamiis, September 12, 2013(HOL) :- Wafdi ballaaran oo ay horkacayeen madaxa maamulka KMG ee Jubba Sheekh Axmed Max’ed Islaam (Axmed Madoobe) iyo kuxigeenkiisa Jen. C/laahi Sheekh Ismaaciil (Fartaag) ayaa maanta kasoo dagay garoonka magaalada Kismaayo.

9/12/2013 2:29 AM EST
Khamiis, September 12, 2013 (HOL) — Shir looga hadlayay xagjirnimada iyo ku talax-tagga diinta islaamka oo shalay lagu soo gabagabeeyay Muqdisho ayaa laga soo saaray fadwo ka dhan ah Al-shabaab, iyadoo looga digay dadka Soomaaliyeed inay ku biiraan ama ay caawiyaan.

9/12/2013 1:41 AM EST
Khamiis, September 12, 2013 (HOL) — Daadad ka dhasha fatahaad uu webiga Shabeelle sameeyo ayaa laga baqdin qabaa inay ku dhuftaan xarunta gobolka Shabeellada dhexe ee Jowhar, halkaasoo tan iyo xalay ay ka jirtay barakac ay sameynayeen dadka degmadaas ku nool.