3/28/2024
Today from Hiiraan Online:  _
Wararka Maanta- Arbaco, May 8 , 2013
Bambaano khasaare nafeed geysatay oo lagu Weeraray Ciidamo ka Tirsan Milateriga Somalia oo ku sugnaa Yaaqshiid

Arbaco, May 08, 2013 (HOL) — Ugu yaraan laba qof oo shacab ah ayaa ku dhintay afar askarina way ku dhaawacmeen bam-gacmeed lagu weeraray ciidammo ka tirsan milateriga Soomaaliya oo ku sugnaa degmada Yaaqshiid ee gobolka Banaadir.

Weerarkan oo dhacay gellinkii dambe ee maanta ayaa waxaa geystay koox dhallinyaro ah oo aan la garanayn, waxaana labada qof ee ku geeriyooday la sheegay inay ahaayeen laba wiil oo dhallinyaro ah oo ku sugnaa meel ku dhow halka ay ciidamadu ku sugnaayeen.

Sarkaal u hadlay ciidamada weerarka lagu qaaday ayaa sheegay in kooxihii weerarka geystay ay baxsadeen, isagoo xusay in afarta askari ee weerarka lagu dhaawacay ay laba ka mid ah xaaladdooda caafimaad aad u daran tahay.

“Qarax weyn ayaa dhacay, waxaan arkay laba dhallinyaro ah oo markiiba dhulka ku dhacay, askar ayaa iyaguna dhulka u dhacay ma garanayo inay ahaayeen kuwo dhintay iyo kuwo dhaawacmay,” ayay tiri haweeney ka mid ah dadkii ku sugnaa goobta uu qaraxu ka dhacay.

Goobjoogayaal kale ayaa sheegay in ciidamada dowladda ay howlgallo ka billaabaan xaafaddii weerarku ka dhacay ee degmada Yaaqshiid, balse ma aysan sheegin cid loo qabtay weerarkan.

Degmada Yaaqshiid ayaa ah degmada ay inta badan ka dhacaan falalka ay ka mid yihiin qaraxyada iyo dilalka qorsheysan ee ay geysato Al-shabaab iyadoo dhammaadkii bishii hore lagu dilay ku xigeenkii garyaqaanka guud ee dowladda Soomaaliya xilli uu kasoo baxay masaajid.

Al-shabaab ayaa horay u sheegtay inay xoogag iyada taabacsan ku sugan yihiin magaalada Muqdisho, kuwaasoo fulin kara howlgal kasta oo ay u baahdaan, waxaana tani ay kusoo beegmaysaa iyadoo waddooyin badan oo ku yaalla Muqdisho ay ku xiran yihiin sababo dhinaca ammaanka ah.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
5/8/2013 3:21 PM EST
Arboco, May 8, 2013 (HOL) - Madaxweyne Xasan Sheekh Maxamuud ayaa dhawaan la filayaa in kulan la qaato Jaaliyadda Soomaaliyeed ee magaalada London.

5/8/2013 2:47 PM EST
Arbaco, May 08, 2013 (HOL) — Degmada Baydhabo ayaa waxaa ka dhacay gallabta dagaal u dhexeeya ciidamada maamulka gobolka iyo ciidammo ka yimid jiidaha hore ee dagaalka, kuwaasoo dhawaanahan kusoo qulqulayay gudaha degmada, waxaana maamulku uu ku eedeeyay ciidamadan inay ku kacaan falal ay shacabka ku dhibaateynayaan oo uu ka mid yahay dhaca.

5/8/2013 1:36 PM EST
Arbaco, May 08, 2013 (HOL) —Kuwait ayaa ugu deeqday Soomaaliya lacag gaaraysa 13-milyan oo doollar, taasoo qayb ka ah qorshaha lagu doonayo in Soomaaliya lagu caawiyo, iyadoo sheegtay in lacagtan ay ugu talogashay dib u dhiska Soomaaliya.

5/8/2013 1:34 PM EST
Arbaco, May 08, 2013 (HOL) — Ugu yaraan 55-qof oo ay ku jiraan saraakiil ka tirsan booliiska iyo maxaabiis ayaa lagu dilay weerar ay kooxda islaamiga ah ee Boko Haram ay ku qaaday gobol ku yaalla waqooyi-dalka Nigeira oo lagu magacaabo Borno.

5/8/2013 8:41 AM EST
Arbaco, May 08, 2013 (HOL) — Maamulka Somaliland ayaa soo dhaweeyay go’aannadii kasoo baxay shirkii London lagu qabtay shalay oo Salaaso ahayd kaasoo looga hadlayay horumarinta Soomaaliya iyo sidii beesha caalamku ay isku garab-taagi lahayd Soomaaliya si dib loogu soo celiyo sharciga iyo kala-dambeynta.

5/8/2013 8:40 AM EST
Arbaco, May 08, 2013 (HOL) — Mas'uuliyiinta maamulka gobollka Hiiraan ayaa ka gudoomay taliyaha ciidamada Jabuuti ee howlgalka midowgga Africa AMISOM Col Cismaan Dubad deeq la soo gaarsiiyay ciidamada maamulka gobolka Hiiraan.

5/8/2013 5:32 AM EST
Arboco, May 8, 2013 (HOL) - Madaxweynaha Soomaaliya ayaa ka qayb-galay shir looga hadlayey sidii ganacstada Soomaaliya iyo ganacsatada dalka Britain ay uga wada faa'iideysan lahaayeen fursadaha dhaqaale ee ka jira dalka Soomaaliya.

5/8/2013 3:46 AM EST
Arbaco, 08 May, 2013(HOL) :- Shacabka ku dhaqan magaalada Kismaayo ee xarunta gobolka J/hoose ayaa ka cabanayo sare u kac xooggan oo ku yimid qiimaha lakala siisto noocyada kala duwan ee khudaarta kadib markii ay roobab xireen wadadii ay soo mari jireen gaadiidkii qudradda ka keeni jira deegaanada gosha ee gobolka J/hoose.

5/8/2013 3:38 AM EST
Arbaco, May 08, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) ayaa ka hadlay qorshayaasha xukuumadda ee dhinacyada sugidda ammaanka, cadaaladda iyo dib u habeynta dhaqaalaha dalka isagoo xusay in dowladdu ay xoogga saari doonto hirgelinta qodobbadan oo dhan.

5/8/2013 3:06 AM EST
Arbaco, May 08, 2013 (HOL) — Guddoomiyaha xaafadda Howl-wadaag ee degmada Baydhabo ee xarunta gobolka Bay, Khaliif Ibraahim ayaa lagu dhaawacay bam-gacmeed xalay lagu weeraray gurigiisa, iyadoo dhaawaca gaaray la sheegay inuu yahay aad u culus, waxaana la dhigay isbitaalka weyn ee Baydhabo halkasoo lagu daweynayo.