9/24/2022
Today from Hiiraan Online:  _
Wararka Maanta- Isniin, May 6 , 2013
Dowladada Qatar oo Cambaareysay Weerarkii ay Al-shabaab Muqdisho kula beegsatay Samafalayaal Dalkeeda u dhashay

Isniin, May 06, 2013 (HOL) — Dowladda Qatar ayaa si adag u cambaareysay weerarkii Ismiidaaminta ahaa ee ay Al-shababa kula beegsatay Muqdisho samafalayaal dalkeeda u dhashay, sida lagu sheegay war-saxaafadeed ay baahisay wakaaladda wararka Qatar.

Weerarkan ismiidaaminta ah ayaa la rumeysan yahay inay ku dhinteen 11-qof oo shacab ah iyo ruuxii weerarka fuliyay, iyadoo aysan wax khasaare ah gaarin samafalayaashii u dhashay dalka Qatar oo saarnaa gaari aysan karin rasaasta.

“Qatar waxay si adag u camaareynaysaa qaraxii foosha xumaa ee Muqdisho lagula eegtay samafalayaal dalkeeda u dashay,” ayaa lagu yiri warbixin kasoo baxday wasaaradda arrimaha dibadda ee Qatar oo ay faafisay QNA.

Sidoo kale, warsaxaafadeedka waxaa lagu sheegay in dowaladda Qatar ay si aad ah uga soo horjeedo falka kasta oo lagu carqaladeynayo amniga, ayna taageeri ka caawin doonto dowladda Soomaaliya sidii ay dib ugu soo celin lahayd ammaanka iyo kala dambeynta dalka oo dhan.

“Kooxaha mucaaradka ah hadafkooda kuma gudbin karaan wax la mid ah falalkan argaagxiso,” ayaa lagu yiri, iyadoo beesha caalamka loogu baaqay inay ka taageeraan dowladda Soomaaliya sidii ay ammaanka u sugi lahayd.

Weerarkan ayaa lagu soo beegay xilli lagu wado in maalinta berry ah uu ka furmo magaalada London ee xarunta UK, shir dhaqaale loogu ururin doono Soomaaliya, kaasoo ay kasoo qaybgeli doonaan in ka badan 50-xubnood oo ka socda dowlado iyo ururro caalami ah.

Ismiidaamintii shalay oo ay mas’uuliyaddeeda sheegatay Al-shabaab ayaa noqonaya kii ugu dambeeyay ee ka dhaca Muqdisho, kaasoo sababay in dib loo xiro waddooyinka muhiimka ah ee magaalada Muqdisho.

Bishii lasoo dhaafay Al-shabaab waxay 34-qof oo isugu jira rayid iyo dad ka shaqeeya garsoorka ku dileen weerar ay ku qaadeen xarunta ay maxkamadaha dalka ku shaqeeyaan, xilligaasoo ay howlo fara badan ka socdeen.

Xarakada Al-shabaab ayaa ku hanjabtay inay qaraxyo dheeraad ah ka geysan doonaan magaalada Muqdisho ee xarunta Soomaaliya, qaraxii shalay dhacayna uu hordhac u yahay qaraxyo kale oo waddada kusoo jira, balse ma aysan sheegin goobo gaar ah oo ay la beegsan doonaan.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
5/6/2013 9:37 AM EST
Isniin, May 06, 2013 (HOL) — Guddiga kumeel gaarka ah ee doorashooyinka Puntland ayaa maanta shaaciyey xilliga ay ku egtahay soo gudbinta musharrixiinta ururada siyaasadda uga qayb geli doona doorashooyinka goleyaasha deegaanka ee soo socda.

5/6/2013 9:13 AM EST
Isniin, May 06, 2013 (HOL) — Mas'uuliyiinta maamulka gobollka Hiiraan iyo saraakiisha ciidamada midowgga Africa AMISOM ayaa maanta kulan kula yeeshay magaalada Baladweyne ee xarunta gobollka Hiiraan wafdi ballaaran oo ka socday hay'addaha samafalka QM.

5/6/2013 8:43 AM EST
Isniin, May 06, 2013 (HOL) — Waxaa dhawaanaha gobolka Bakool ka socday dagaal ay ciidamada dowlada kula jireen xoogaga Al-shabaab, kuwaasoo ay ku qabsadeen tuulooyinka kala ah: Garas-weyne, kulan-jareer, Ceel-garas iyo Gubate, iyagoo deegaannadasa isaga baxayay markii saacado joogaan.

5/6/2013 8:30 AM EST
Isniin, May 06, 2013 (HOL) — Madaxweynaha Soomaaliya, Xasan Sheekh Maxamuud iyo wafdi uu hoggaaminayo ayaa gaaray magaalada London ee xarunta dalka Britain, halkaasoo uu maalinta berri ah ka furmayo shir loo qabanayo Soomaaliya, si yabooh dhaqaale loogu ururiyo.

5/6/2013 8:13 AM EST
Isniin, May 06, 2013 (HOL) — Ciidamada ammaanka Soomaaliya ayaa dib u xiray jidadka waaweyn ee Muqdisho, maalin kaddib markii uu isgoyska KM-4 ka dhacay weerar ismiidaaminta ah oo sababay dhimasho iyo dhaawac fara badan, kaasoo ay mas’uuliyaddiisa sheegatay Al-shabaab.

5/6/2013 8:08 AM EST
Isniin, May 06, 2013 (HOL) — Waxaa maanta garoonka diyaaradaha ee magaalada Boosaaso laga soo dejiyey sagaal maxbuus oo Soomaali ah, kuwaas oo horay maxkamad ku taalla dalka Seychelles ay ugu xukuntay falal lala xiriira burcad-badeednimo.

5/6/2013 3:23 AM EST
Isniin, May 06, 2013(HOL) :- Dagaalyahanno katirsan xarakada Al-shabaab ayaa xalay saqdii dhexe weerar qorsheeysan ku qaaday deegaanka Dhoobleey ee gobolka J/hoose, iyadoona weerarkaasi uu ahaa mid ay labada dhinac isu adeegsanayeen hubka noocyadiisa kala duwan.

5/6/2013 1:40 AM EST
Isniin, May 06, 2013 (HOL) — Barnaamijkan loo bixiyey FAGAARAHA oo ah mid soo socday bilihii ugu dambeeyey, kana billowday gobolka ay Soomaalidu ku badan tahay ee Minnesota, ayaa lagu jeex-jeexaa mowduucii xiligaasi bulshada dhex-deeda saameyn muuqata ku leh, iyadoo la isku weydiiyo su’aalo badan, si loo curiyo jawaabo caqli-gal ah oo dawo u noqon-kara mushkiladda laga hadlayo, waxaana tododobaadkaan qeybtaan oo ahayd tiisi afraad lagu gorfeeyey nidaamka federalism-ka iyo sida Soomaaliya uu uga dhaqan-geli karo.

5/6/2013 12:28 AM EST
Isniin, May 06, 2013 (HOL) — Ra’iisul wasaaraxa Soomaaliya, Cabdi Faarax Shirdoon (Saacid) ayaa dhaleeceeyay qaraxii ismiidaaminta ahaa ee shalay ka dhacay isgoyska KM-4 ee magaalada Muqdisho, isagoo ku tilmaamay fal argagaxiso oo lagu gumaaday dad shacab ah oo aan waxba galabsan.